港姐冠軍被網友批門牙灰黑色；大肚吳若希自爆被迫遷

搜索：被網友批門牙灰黑色 謝嘉怡親自解畫！

《2020香港小姐競選》得獎佳麗冠軍兼「最上鏡小姐」謝嘉怡、亞軍陳楨怡、季軍郭柏妍與「友誼小姐」鄺美璇在將軍澳電視城會晤傳媒。謝嘉怡昨晚得獎後返到酒店與爸爸、姑姐、親戚等慶祝，吃了最愛的排骨飯，今晚則會去探望嫲嫲。問到可有開心到瞓唔著？她說：「瞓得好好，尋晚三點瞓，九點已經起咗身，瞓得好開心，呢個禮拜都好著，瞓得好少，依家比賽完輕鬆曬，但系都仲未習慣系冠軍，感覺仲好驚訝。」謝嘉怡透露有致電在蘇格蘭的媽媽報喜，媽媽與親友也出外慶祝，稍後媽媽會過來香港陪伴。問到有否向提名人肥媽報喜？她說：「今朝畀咗短訊佢，佢都有恭喜我。」

講到落選港姐源菲然原來是她的表妹，但一直未有透露，她說：「因為我屋企有三十幾個表兄弟姊妹，所以大家事前都唔知對方會參選港姐，都系見到佢入圍先知道，但系入圍之後又唔能夠公開。」講到門牙被網友批評灰黑色，謝嘉怡說：「因為細個喺公園跌親，本來縫住整，但系未整得切。」

搜索：生日撇低囡囡？楊怡加碼曬全家福　一爆收99支玫瑰花

楊怡同老公羅仲謙生日只系相距2日，一個8月30日一個8月28日！近日阿怡就大曬兩公婆合照，唔少人都追問囡囡小珍珠呢？睇嚟阿怡都知道大家掛住B女，尋晚再上載一家三口照片，留言：「謝謝老公為我準備的花和蛋糕❤️❤️❤️第一年和珍珠一起慶祝生日，寶貝最興奮的應該是看到美味的蛋糕吧！」佢仲大爆羅仲謙送上99支玫瑰花：「簡單的幸福，好耐冇收花！」

佢仲曬咗張母女合照，阿怡向囡囡獻吻，小珍珠露出笑容，非常可愛！而3個幾月大嘅小珍珠有對大眼睛，遺傳父母優良基因！唔少圈中人包括陳敏之、陳自瑤、朱千雪都大讚小珍珠靚女又得意，蜜運中嘅馬國明都留言：「sweet到呢……」

搜索：張栢芝澄清無懷第4胎：真系夠啦！

張栢芝日前被指肚凸凸，驚傳懷有第四胎，今日佢拍片上載到社交網澄清並無懷孕，佢表示啱啱帶囝囝去買玩具，卻遇到幾位傳媒追拍，令抱住BB嘅佢狀甚狼狽。

佢稱：「如果真系有咗，個肚咁凸，冇可能戴住個咁大嘅腰帶箍住條腰，仲抱住咁重個仔，基本上孕婦唔會咁做。」更斬釘截鐵地表示唔會再佗B：「肯定系冇，一定冇，依家冇，將來亦唔會有，因為真系夠啦，唔生啦！」最後佢更搞笑自誇：「其實我個身形都幾Fit！」

搜索：冇得住2,000萬豪宅 大肚吳若希自爆被迫遷！

佗住7個月巨肚的吳若希（Jinny），正在家中養胎，本身住在新界區的Jinny，早前在家中為愛女淼淼慶祝生日，她的豪宅巨型客廳因而曝光。地產界有消息，指Jinny之前月租43,800元租用元朗爾巒菲利提諾大道的複式單位，現時以2,090萬元放售。據了解Jinny一家已遷出單位，上址現時交吉放盤。Jinny回復笑說：「被個姓何嘅迫遷。」

Jinny所指的姓何，是指肚中的囝囝，她表示：「前業主好好，我要搬走都勁唔捨得，但何生要降臨，屋企變得太逼唔夠住，何小姐（女兒）又喺市區返學，所以我哋要搬返出市區。」

搜索：分享廿歲經歷都搞唔掂！霆鋒爭女輸畀李健

謝霆鋒在剛播出的第二集《中國好聲音》，與導師李健爭奪一位二十歲的學員時，霆鋒分享自己二十歲時的演藝經歷，引起同樣是二十歲的女學員的共鳴，表達自己最明白這位學員的心境，隨後又說到：「當然，每個導師都有他自己非常獨特跟寶貴的資源。但我也可以說，除了這個舞臺，我還有節目。」希望以節目及其他資源「利誘」學員。提到節目《鋒味》，在得知幾位導師都上過霆鋒的節目《鋒味》後，李健立即問到：「我怎麼沒有上過你的節目呢？」霆鋒即刻表態說要「馬上mark期。」

到決定性時刻，學員要選擇加入哪一隊時，她先表示自己很喜歡吃，令霆鋒以為自己有機會，但在旁的李榮浩卻「突破盲腸」跟另一導師李宇春解畫，他說：「她現在說她很喜歡吃甚麼的，其實就不會選他（謝霆鋒）。」果然最後這位學員決定加入李健一隊，霆鋒即場作「噴血」狀，更表示自己很受傷，十分搞笑。

搜索：林作狠踩舊愛：裕美真心靚過麥明詩

現投身保險行業的麥明詩舊愛林作，尋日公然擺黑豹上臺賣保險，藉機抽水，即被網友狂轟圍插，點知一轉身，佢尋晚就同現任女友裕美孖實出席香港小姐決賽現場，同前港姐冠軍麥明詩同場，又成功吸引焦點。

不過同場都未算激，睇完騷之後，今日凌晨林作繼續發功，佢拎返麥明詩出嚟過橋，開全名明踩麥明詩唔夠裕美靚之餘，狠踩麥明詩身材都唔夠揮。唔少網友都留言嗌佢畀啲風度，但林作就Keep住護女友，曬出網友inbox佢嘅對話截圖，暗指麥明詩低胸上陣，相反裕美包到閉冇搶鏡：「為自己女朋友撐腰，系作為男朋友最基本責任。所有女朋友們，下次你男朋友唔識得保護你，請你給佢睇。」

搜索：戲少人工高！上戶彩演《半澤直樹2》4粒鍾袋近30萬

日本男星堺雅人主演的神劇《半澤直樹2》，播映以來收視高企，飾演半澤老婆的上戶彩相隔七年再度回歸演出續集，她在劇中佔戲不多，在每集很多時都只一時戲，昨晚播映的第7集有3場戲左右，已是最多的一集，但她的劇酬卻是相當可觀。

34歲的上戶彩於2012年與男團EXILE隊長HIRO結婚後，於2015年及2019年分別誕下大女及二子。由於要照顧子女及老公分身不下，上戶彩接劇時訂明拍攝工時。據稱，彩妹拍《半》劇每集的薪酬是400萬日圓（約29.2萬港元），訂明每周完成一集，每次要在4小時內完成，即時薪是100萬日圓（約7.3萬港元），4粒鍾穩袋近30萬港元。