狂踩女兒男友？三哥苗僑偉想選林峰做女婿？

近年為邵氏拍好多劇的三哥苗僑偉，早前上無線節目《娛樂三兄弟》接受衛志豪、區永權同陸浩明訪問，面對所有尖銳問題，三哥都暢所欲言，當中包括同三嫂戚美珍的愛情故事、同梅姐梅豔芳曾經傳過緋聞，以及五虎的秘聞等，他都大方回應。

唯獨是講到愛女苗彤，三哥就好大反應，雖然女兒已經三十歲，但三哥始終覺得女兒拍拖就會被人搶走，還說想起都皺曬眉頭，但又覺得個女系時間應該要找個男朋友，做人老竇真系好矛盾。

三哥話老婆比較看得開，三嫂戚美珍會同他講：「你估你當年媾我我老竇好開心呀？」

三哥同女兒關係好親密，從小到大都好似朋友什麼都講，至於女兒選男友的口味，三哥就話曬頭：「佢鍾意嗰啲類型我都擰曬頭，佢曾經有個男朋友系韓國仔嚟，眼仔曚曚嗰啲呢！我話你搵都唔好搵個韓仔吖大佬，點同老竇溝通呀？到佢散咗我開心到不得了。不過之後仲大鑊，佢搵咗個日本仔，掀起我嘅民族仇恨，真系冇眼睇，是但啦！」

因為文化差異同溝通唔到，三哥希望女兒選個同聲同氣，同他溝通到的好女婿！不過女大女世界，老竇挑的女兒又未必鍾意，三位主持就即場要三哥在馬國明、林峰、吳卓羲同黃宗澤四位當紅小生中選最啱心水女婿，三哥一看四位候選人就說：「呢四位都唔合格嘅，因為我個女見到佢哋會叫uncle，四個佢都識。」如果我個女帶回家的是黃宗澤，他會鬧爆男方：「譁！你個衰仔媾咗我個女…….」然後作狀揮拳。

就外表來看，三哥給馬明最高分，覺得他夠曬高大；收入呢？他說：「今時今日緊系林峰啦！過億片酬呀大佬！我都系睇報紙咋！起碼佢屋企都有家底嘛！」性格他最Like系黃宗澤，因為佢份人輕鬆啲；家庭觀念呢就一定揀吳卓羲，三哥說他搬了好多次，但都系帶埋阿媽，肯定吳卓羲系孝順仔。而專一程度，三哥都系揀林峰，因為得他一個結了婚。至於生育能力，四個都年青力壯，三哥不知道選哪個，不過最後都是選林峰。

總結：三哥揀女婿，最好似林峰這樣有家底同埋講廣東話，不過女兒長期在外國生活已經好西化，身邊朋友都是外國人多，應該好難達成三哥心願。

苗彤近年在溫哥華生活，除了在外國做攝影工作，還早已經在歐洲參與不同電影的拍攝工作，入行做明星。

苗彤於15年開始從事演藝事業，曾在電視節目中出現，如《Upload》同《Get Shorty》，同時亦演出過電影《Parabola》、《Die in A Gunfight》同埋《The Past Never Dies》。