歌聲被評「震懾四方」，為商演自我增值學唱歌，竟獲老師稱讚聲底好，令她如打強心針。在劇集《BB來了》爆淚演技收放自如的她，被捧為視後大熱，李佳芯自揭全因陷入「精神病」狀態。
藝人李佳芯（Ali）在一次活動上曬歌喉唱出《小幸運》，歌藝「一聽難忘」，成為網民熱話，獲「欣賞」邀請她商演。
日前她為《莎莎婦女銀袋日》任活動大使接受訪問，對獲得不少唱歌機會，直認會認真處理：「我有不間斷去學唱歌，初初唱得唔好唔緊要，最緊要之後有進步有人贊，唱歌老師都贊我聲底好好喎，可能只系未識用氣。（爭取唱主題曲？）之前睇《BB來了》嘅觀眾都有問點解唔唱埋，咁有屬於自己劇，仲唱埋主題曲會完整啲，但隨緣啦！」
Ali坦言比較少主動爭取，是隨遇而安的人。問不怕蝕底？她說：「系呀，所以我咪遲起步，好遲先入行。（依家做到成績可以表達多啲？）我唔識用言語去表達，但我鍾意演戲，可以透過角色去溝通，多過用語言。」
對於被視為今屆視後大熱？Ali說：「有得攞梗系好，但攞到又唔會令我冇咗目標，因為我嘅目標唔係為攞獎。」
在《B》劇中她演技大爆發，經常要無故爆喊？她說：「我唔系好易喊嘅人，我都諗點唧到眼淚出嚟，每個人喊點唔同，我會不斷同自己講好慘好慘，呢種我自己形容為『精神病狀態』嘅方法囉！」