有樣嘢，其實小編真系好煩惱，唔知大家覺唔覺呢？次次出街食飯望住個Menu都唔知叫乜好，樣樣都好想食！！！就算系壕唔使顧慮個荷包，但我地既小胃子真系一個好唔Organic既器官！唔比佢食佢要搞抗爭，食太多佢又要搞抗爭！究竟點樣先可以樣樣都食到，又唔怕浪費食唔曬呢？！
解決E個煩惱最好既辦法就系去食放題啦！聽講夢幻創意料理，系出左一系列好有創意既料理之後，決定系模式上都搞搞新意思，系E個冬天正式推出夢幻創意日式放題！
咁大家又會唔會認為所謂放題就系自助餐，只不過改左個比較「Bigger」既叫法呢？其實日式放題係指日式料理中既半自助形式。半自助既方式唔同於一般自助餐，講究既系更新鮮！更現場既做法！全部都系即點即做！
唔使好似一般自助餐咁走黎走去，唔需要排隊拿嘢食甚至要六親不認咁去搶！只要將你想食既嘢落單比服務員，師傅就會根據各臺客人既要求，即點即做。令到我地可以更輕鬆咁去享受美食，自由自在想食幾多就點幾多，隨心所欲想食乜就點乜，任點任食！無需顧慮荷包或者因為份量問題而節制，E個就系放題既精粹。
一樣既用心，一樣既品質，一樣既誠意！為大家帶黎更加豐富既飲食體驗！
刺身一向都系日式放題最關注既野啦，除左三文魚北極貝之類既例牌款式，仲有老闆誠意推出大大隻爽口又彈牙既原只海螺！而且一D都唔使擔心刺身會縮水，老闆好有覺悟，反正都系任點任食，梗系切大大塊等大家食個痛快啦！
系E個被各種美魚包圍既良辰，我對人生有左新既感悟！平時同D損友系酒吧吹水劈酒爭薯片，都實在太無意義啦！！！夠膽同我爭薯片？！黎夢幻放題閒閒地叫翻三五七打三文魚北極貝劈到你班友仔胃抽筋都得啦！！使鬼爭咩！Call齊人去劈厚切三文魚同大大隻北極貝啦！
身為一個中國人，梗系要有翻多少米氣落肚啦，夢幻創意為大家準備左各款熱門手握壽司，當然唔會少得既系，夢幻創意料理的招牌，熱壽司！
果醬大蝦卷
大大隻蝦鋪面搶曬鏡！而且食落髮覺，距地E度好多壽司都系用果醬代替沙拉醬，好健康，真系好食得黎又卑距搞到D新意思，唔簡單！
鱈蟹黃金壽司卷
鱈場蟹高級嘢，唔解釋！蟹肉好大一舊，肉質紮實，一樣用果醬，甜甜地但系又唔會蓋過蟹既鮮味，可以食到蟹好鮮甜！正！
蟹肉鍋燒熱壽司
哇，真係用煲上噶喔，同煲仔飯嘅煲唔同，呢只「壽司煲」就精緻D，一上臺服務員就幫我哋點著火，畀佢燒熱。
煮到咁上下，就聽到啫啫煲嘅「滋滋」聲，證明呢個鍋燒壽司真係有「燒」到噶！
食慣凍嘅壽司，熱壽司真係零舍過癮。睇到煙飄出嚟，壽司飯又吸收曬D醬汁，食落口特別滋味！
川味鍋燒鮭魚壽司
呢個鮭魚壽司，係揀咗鮭魚皮下脂肪最肥美嘅部位嚟做嘅，口感特別嫩滑豐潤噶。
值得一提嘅仲有佢嘅川味做法，係用傳統嘅川菜烹飪方式做出嚟辣醬，將四川菜同壽司結合喺一齊，呢個IDEA前所未聞，不過又真係好match。
生蠔鍋燒壽司
呢個生蠔壽司絕對係靚仔靚女嘅福音！咪以為生蠔淨係可以齋生食或者燒嚟食，宜家仲可以做壽司啦。
生蠔肥美滑嫩，營養豐富，蠔肉豐腴，再加上呢度嘅獨特調料，成個味道都特別吸引。
阿根廷大紅蝦刺身
阿根廷大紅蝦周身通紅，而且營養豐富，所以近幾年成為咗好多美食愛好者嘅最愛。不過喺其他地方食，齋一隻就要成30蚊，真係窮D都唔敢點嚟食。不過夢幻竟然將佢加入放題，無限量任食！
今次夢幻料理嘅阿根廷大紅蝦，每一隻都鬼死咁大隻，仲長過我部IPhone，真係不得了！
食過呢只阿根廷大紅蝦刺身之後，我先知道點解咁多人都鍾意食海鮮刺身。因為佢味道真係超級鮮甜！嫩滑嘅蝦肉仲好有彈性，咬入口嘅瞬間，鮮甜嘅蝦味擠曬出嚟，原始嘅鮮味喺口裡面升華。
鹽燒阿根廷大紅蝦
咁抵食嘅嘢梗係唔可以畀佢停！點多款鹽燒阿根廷大紅蝦又點話。
燒到蝦身紅卜卜，睇起身都食慾大增。而鹽燒嘅烹製方法，就喺鮮嘅基礎上加入咗鹹鮮味，味道更加深刻。
阿根廷大紅蝦壽司
最後仲有呢個大紅蝦壽司，成只完整嘅阿根廷大紅蝦「瞓」喺壽司飯上面，造型好靚。
微熟嘅大紅蝦味道同樣鮮甜，不過肉質就更加結實，兼且爽口彈牙，食入口好有口感。
各色燒物
一般既放題系唔會包括啤酒，但老闆為左令大家盡興而歸，又與時俱進，所以今次來自星星的放題，燒物任點啤酒就任叫！各式各樣即點即燒香脆可口既燒物配搭冰爽既啤酒！知己兩三暢談人生共聚好時光！
海膽醬燒生蠔
蒜蓉燒生蠔就食得多，海膽醬燒你又試過未？濃鬱香濃既海膽醬配上爽滑既生蠔，真系別有一番風味噶！真系超好食啊！！！
烤昌魚
新鮮既昌魚！即點即烤！為左保證風味，系成條上噶！中意食幾條就點幾條~千萬唔好錯過！
澳洲牛肩扒
如果系鍾意啖啖肉既朋友可以試試個牛肩扒，鐵板熱辣辣，燒汁好野味！睇真下，塊肉又厚又大塊，建議大家最後先食，如果唔系就食唔落其他野噶啦！
法國鵝肝蒸蛋
法國鵝肝一直係高大上嘅代名詞，通常都係喺法國餐廳嘅菜牌上先見得到，但係夢幻料理卻用佢嚟做放題，呢個雖然好唔科學，但係真係堅噶！
而且更加令人驚訝嘅係，鵝肝竟然可以用嚟蒸蛋！！！太碉堡了吧！真係刷新我嘅三觀！不過講真嗰句，鵝肝同蒸蛋嘅結合又真係幾夾，呢個蒸蛋本身就調咗味，味道有D鹹，加上煎過嘅鵝肝，香濃嘅鵝肝油滲透入蒸蛋裡面，呢個蒸蛋瞬間高大上咗。
鵝肝軍艦壽司
平時食嘅軍艦壽司最多都係得螺肉、章魚、海藻，不過攞鵝肝做軍艦壽司，而且仲係放題嘅，夢幻都係第一間。滿滿嘅凍鵝肝鋪喺面頭，呢種感覺唔係隻言片語就可以形容，我只可以話，食食食！
免費送鮑魚！
食食下，服務員突然攞咗只鮑魚過嚟，話係贈送嘅。哇，咁大隻澳洲鮑魚，居然唔使錢免費送！老闆你無問題啊嘛~~~
除咗鮑魚，仲可以揀秘制清酒凍鵝肝。
喜慶聚會
除咗平時同朋友仔一齊嚟食放題，夢幻料理仲好適合舉辦喜慶宴會、公司活動、朋友聚會噶。因為呢度地方夠大，而且裝潢浪漫又有藝術feel，喺呢度辦聚會肯定夠吸引。需要畀個good嘅就係，夢幻料理全年無休，春節、情人節都唔休息，而且絕不加價！
另外一樣，就係傳統嘅聚會都係喺酒樓食粵菜，一D新意都冇，如果可以喺日料店舉辦宴會或者公司年會，肯定會令人耳目一新，食都食得特別開心啊！
夢幻嘅閣樓仲有房間，好適合年底一家大細或者親朋戚友聚會食團年飯，夢幻宜家都有團年飯套餐，選擇豐富，肯定畀到你一個特別嘅團圓夜。
優惠信息
1、夢幻料理晚市放題每位贈送冷制澳洲鮑魚1隻或者秘制清酒凍鵝肝1件；（以上贈送菜品因貨源關係可能會有所變更）
2、晚市放題3位或以上同行贈送清酒1壺或者自家制梅酒1壺；（以上贈送優惠僅適用於晚市17:30——22:30）；
3、凡生日當天到夢幻料理食放題，6位或以上同行，可享1人免費。（團購及銀行卡減免優惠不能同時使用）
4、大眾點評團購午餐118蚊一位，晚餐148蚊一位。
溫馨提示
1、日本空運季節鮮魚刺身因數量有限，先到先供應，鮮魚品種以當天實際供應為主。
2、為免造成身體不適或食物浪費，建議用餐時按個人情況少量多品種適度點餐，食幾多點幾多。
好萊塢夢幻創作料理
地址：北京路238號名盛廣場一樓1B58檔(北京路市一宮與消防局中間)
電話：020-83190111 020-83190222
營業時間：11:30-22:30