33歲臺灣藝人陳研希與29歲內地小生陳曉今晚於北京舉行婚宴，早上一對新人進行「玩新郎」兼向雙方父母敬茶等儀式，官方發放早上儀式之視頻，亮點之一，當然是陳曉向陳研希下跪並說出愛的宣言，之後兩人甜蜜咀嘴，敬茶儀式中，一對新人向父母跪拜敬茶，陳研希媽媽忍不住流下不捨之淚，十分感人。
咀完又咀另外，身為陳曉兄弟團之一兼內地男星張哲瀚，上載酒店的布置相片時，又再度曝光了雙陳錫錫的照片，該照片放在酒店的大堂旁邊，陳曉深情吻著陳研希額頭，溫馨到爆！而今早一眾兄弟團在玩新郎環節中，要用沾滿芥末的牙刷刷牙，故不少網民留言笑問張哲瀚：「芥末牙膏的味道怎麼樣？」、「你從此不會對芥末有陰影？」、「芥末好吃不？」
李治廷缺席婚宴祝連生貴子
而與雙陳同樣為好友的男星李治廷，本來也被邀請出席今晚的婚宴，不過因要工作而未能到場！李治廷今午在微博向雙陳公開祝褔，並向已有孕的陳研希三次叮囑要連生貴子，他留言：「這應該是愛情最美好的樣子吧！祝褔兩位新人新婚快樂，永遠幸褔，甜蜜到老。要不是在拍戲，一定趕到現場跟你們說恭喜，祝連生貴子，連生貴子，連生貴子，重要的事要說三遍！」
藝人馬國明（馬明）與唐詩詠到北角出席剪綵活動，詩詠更即場炮製蛋糕給馬國明品嘗，他試味後笑說：「好甜呀，甜到漏。」
馬明為女整禮物
詩詠透露試過親手整過一次蛋糕，但並不是為男友洪永城而整的，而是送給朋友。問到會否為洪永城親手整蛋糕？她說：「唔會，整蛋糕好難，要再練習嚇。（叫洪永城整蛋糕畀你？）唔會，佢唔識煮野食。」問到馬明可有為女仔親手整蛋糕？他說：「整蛋糕就未試過，整啲小禮物就有，自己整野食唔肋，因為我同阿媽住，靠曬阿媽。」
馬明借緋聞吸金
問到馬明將來有何打算？詩詠則說：「以後有老婆照顧，有㗎喇。」問到馬明是否已經有女友？他說：「我好多緋聞，不過依家拍緊呢套《心理追兇》就暫時未有緋聞，套劇好多女仔，有湯洛雯、楊秀惠、蔡思貝、王君馨。（咁你想同邊個傳緋聞？ ）我都唔知呀，或者四個傳曬，之後每人一齊做一單活動，咁都幾好賺。」
贊馬明有住家男Feel
而唐詩詠近期頻頻出席活動搵真銀，問到與馬國明這個組合會否收得特別貴？馬國明笑說：「梗系特別貴。」詩詠則說：「今次系第二次一齊做活動，都系一年一次，貴精不貴多。佢形象又好有住家男人（感覺），我平時都會做家務，吸塵、打掃、買日用品都系我負責，因為女仔細心啲同埋會講價。」
兩大影帝謝霆鋒與劉青雲主演的電影《驚心破》，將於今個暑假檔上映。在預告片中，兩位影帝大曬演技，青雲以獨白講述電影以器官移植為主題，充滿懸疑神秘感，而霆鋒就做機智神探，表情十足。
除此之外，在預告片中更展示了多場逼真爆破場面，其中一幕香港國際金融中心爆破倒塌，相當震撼。而在宣傳海報中，霆鋒同青云為配合電影主題，以憂鬱眼神示人，認真Chok爆。
藝人許紹雄與佘詩曼錄影《今日VIP》以宣傳新片《使徒行者》，電影將於8月11日上映。阿佘表示將於七月尾到內地十多個地方宣傳，宣傳期結束後就想休息一段時間，因拍攝一場飛電單車戲份時令她傷及頸椎舊患。
阿佘拍飛車戲傷舊患
至於可有睇醫生？她說：「要，移番正啲位。（好痛？）未痛到叫救命，但影響到隻手痺！（醫生叫休息？）梗系會啦，仲叫我休息半年，聽唔聽就一回事！」被問會否要求減少打戲？她笑言：「我都唔知咁多打戲，拍電視劇都唔使我打，我負責畀人拉住逃跑咋嘛！」更笑謂導演看得起自己。她又透露戲中除了飛車戲亦有打交戲。已成立工作室的她，被問為何不自行決定接不接工作，可以多加休息？她說：「有時啲工作好吸引，忍唔住㗎！」電視劇中的許紹雄其角色已死，但電影版卻出現，對此「歡喜哥」許紹雄說：「套戲會解釋番我冇死，系吳鎮宇救左我，但我會打死阿釘（佘詩曼），因為我要救佢所以打死佢，點解就要睇套戲喇！」
「旅遊達人」杜如風早前同靚仔藝人林德信（Alex）喺地產廣告短片中飾演夫妻，第一輯喺網上播出之後反應熱烈，今日終於播出第二輯喇！兩個喺片中除左sweet爆互餵之外，仲大玩「心形式」瑜伽，近距離同男神接觸，認真葡萄死女粉絲！
零距離接觸差啲咀埋！
第二輯講到杜如風同Alex返愛巢做情侶做嘅野，究竟做左啲羊咁sweet呢？哦，原來系做瑜伽！不過杜如風對瑜伽系零認識，無謂畀啲高難度挑戰佢，Alex都系教啲簡單嘅動作。不過百厭嘅杜如風失平衡，差啲錫左落Alex度，Alex都驚左佢！最後喺望盡怡人山景嘅天台做左個「心形式」雙人瑜伽，既簡單又浪漫。有網民話好羨慕杜如風可以零距離同男神Alex接觸，有啲網民就藉住呢半銀幕夫妻向另一半撒嬌，留言話「識得玩梗系學如風BB同林德信玩心形式瑜伽」。
無綫小花孫慧雪（雪雪）到電臺宣傳其寫真集，因遇上交通意外搞到遲了十五分鐘的她，抵達即道歉說：「唔好意思，平時好少遲到。」由於她包到冚示人，雪雪解釋：「如果我唔密實，就冇人買我本寫真架喇。」她又報喜說：「寫真推出3,000本，依家已經賣出1,500本。」
「1,000萬都唔會考慮」
問到有否想過寫真會令男士半夜有遐想？雪雪說：「師傅（司徒夾帶）有叫我唔好諗其他人會點做，自己開心、滿足就得喇，人的攞本書點開心法都唔好理。」隨即又透露自從推出寫真後，於微博及Facebook收到不少人問價，雪雪說：「會傳啲下體相畀我，我睇到即刪，好核突同變態，佢的系私訊我。有個人仲好好笑，開出30萬新加坡幣（約173萬港幣）邀我視訊，話會畀住一半錢我先。（你有冇視訊到？）冇，都唔知真定假，只系同朋友笑嚇，聰明嘅我唔會咁易中陷阱。」問到有否收過飯局問價？雪雪說：「有，30萬人民幣（約35萬港幣），梗系冇理佢亦冇覆佢，覺得好癲。初頭收到都有啲嬲，覺得好唔尊重，開價就一定要去？（會否心動？）一定唔會，唔可以對唔住屋企人。（如果出1,000萬港幣都唔去？）唔得。」