....
歌手馮允謙出席電臺的音樂會，提到跟圈外女友求婚的話題，他坦言有想過結婚，但仍未準備好求婚，當下要儲錢及工作搵錢，問他有何搵錢大計？他表示：「想繼續唱歌，同埋做多啲幕後工作，我鍾意編曲，希望做好啲，有穩定收入。（目標儲幾多錢？）冇諗，要有穩定收入先，想儲多啲錢。（一百萬？）我要努力啲先。（要女友等幾耐？）希望唔使太耐，其實女友有提過想早啲結婚，希望係呢兩年內，所以依家要勤力賺錢。（佢經常鞭策你？）佢有提嚇，佢屋企人都認定咗我係女婿，但我想畀啲好生活女朋友。」唔少人感情穩定之後都會開始幸福肥，冇咁重視身形管理，不過藝人王敏奕（Venus）雖然同男朋友曾國祥拍拖多年，但依然冇懶到，Keep住咁Fit！今日佢就同大家分享做運動嘅成果，見佢喺Gym Room著上運動Bra Top同短褲對鏡自拍，大騷小蠻腰，而且仲係線條分明有馬甲線添㗎！好友陳瀅見到即留言話：「on fire🔥🔥🔥」唔少網友都大讚佢身形冇得輸呀！....
「抗癌歌手」李明蔚（Sarena）獲偶像容祖兒為其新書寫序，更收到對方的演唱會門票，令她非常感動！Sarena於演唱會中獲安排坐第一行，可以與祖兒握手近距離接觸非常興奮，在社交平臺分享照片並留言：「太開心了，幸運地在這個時刻跟Joey握著手合照！我是你的一位歌迷，你的歌我都背得滾瓜爛熟！讀書時期還會儲錢買唱片！你的歌曲陪我走過初戀，熱戀，失戀，失落，快樂！」Sarena表示：「十分榮幸和感動！Joey為我新書『＃被選中的女主角』寫序！還邀請我看演唱會！非常精彩的演出，每首歌曲都勾起我一些回憶！看到你的努力和魅力散發在舞臺上，愈唱愈強！意想不到的編排和製作，真的很pretty crazy！謝謝你的支持和鼓勵，給我一個快樂的晚上，讓我充滿能量！繼續good show！」藝人楊潮凱尋日帶埋囡囡Catharine，同好友胡定欣一齊聚會，不過由於1歲多嘅Catharine太耐冇見定欣已經唔認得佢，所以唔肯畀佢抱，令到定欣心碎一地。潮凱其後喺社交網分享三人合照，相中潮凱抱住囡囡，但Catharine就扁嘴擰歪面，似乎想避開旁邊嘅定欣姨姨。潮凱仲留言：「今日帶CatharineBB 同Auntie Nancy（胡定欣）食lunch. 好可惜CatharineBB唔係好記得Auntie Nancy，唔肯畀佢抱，搞到Auntie Nancy心都碎埋，唔緊要啦！你同我哋食多幾次飯玩熟啲就得㗎喇！」