一首歌要成功洗人腦一定要有兩個條件，第一要日播夜播，第二旋律要易上腦，令到首歌不停喺你腦海盤旋，想唔諗都唔得。
近日有網民發表十大港人洗腦歌，以下呢十首歌有沒試過洗過你腦？
第十位：吳若希《越難越愛》
由吳若希主唱嘅無線劇集《使徒行者》片尾曲，首歌本身旋律易記，加上劇集播出期間經常喺劇中亂入，只要有緊張少少嘅情節就會播呢首歌，搞到一晚起碼播幾次，所以幾乎系人都識唱幾句，令人感到煩厭。而家就算睇到歌詞「無懼世事變改，還是越難越愛， 為你所以在期待～」都彷佛已經有聲。
第九位：麥皓兒&吳綺珊《請你食麵》
2013年無線洗腦兒歌《請你食麵》，喺大約三分鐘字面，單單系個「面」字就已經出現過百次，加上歌詞不停重複，真系想唔洗腦都難啦！
第八位：拾音社《Kiss Kiss Kiss》
MKpop組合拾音社喺14年成功憑神曲《Kiss Kiss Kiss》爆紅兼成為網上熱門討論話題，當時連容祖兒、吳君如等都爭住抽水。唔少人聽完成首之後，成個腦都會loop住「Kissy Kissy Kissy」，洗腦程度驚人。
第七位：Soler － 澳門餅家主題曲
廣告最重要梗系易入腦啦，而Soler主唱嘅呢首澳門餅家主題曲真系無得輸，就算到而家唔少人去澳門玩嘅時候，佢哋都會話「大三巴、觀音像、媽閣廟，景致真優美！」
第六位：《雞全部都系雞》
《雞全部都系雞》系一位高登巴打二次創作嘅作品，佢將古典音樂名作《夢中的婚禮》配上新歌詞「雞 全部都系雞 全部都系雞 全部都系雞 全部都系雞」，首歌一夜之間喺網上瘋傳，除咗唔少網友自彈自唱同唔少藝人都爭住唱之外，首歌仲威到連貿發局為美食博覽宣傳時都用嚟抽水呃like！
第
五位：許志安《尖尖尖》
喺早幾年，許志安拍攝咗一個廣告，只要打開電視機，大家就會見許志安攞住支牙刷，好開心咁系咁哼著「尖尖尖…尖尖尖…」，真系尖到人都暈。有網民仲惡搞咗一條長達十分鐘嘅《尖尖尖》洗腦短片，有睇過嘅你又睇唔睇得曬個十分鐘呢？
第四位：莊冬昕《食軟雪糕》
莊冬昕由幕後走到幕前做歌手，期間推出歌曲《食軟雪糕》，由於造型、唱功加上歌詞無聊兼煩厭，淨系「雪糕」已經出現81次，令到呢首歌被網民封為「2012年年度膠歌」。雖然負評如潮，但系網上點擊率極高。
第三位：循道中學學生《Side Angle Side》
三位循道中學學生演繹嘅數學歌《Side Angle Side》，歌詞系三角形教學。歌詞簡單易記又有創意，加上同學仔可愛又搞笑嘅演繹，歌曲喺超短時間紅遍網絡，成功洗大家腦。
第二位：薛家燕《皆大歡喜》
陪住唔少香港人成長嘅無線處境喜劇《皆大歡喜》，劇集內容輕鬆搞笑，深受觀眾歡迎。當中由家燕媽媽主唱嘅劇集同名主題曲，歌詞「唏呀唏呀唏…唏呀唏呀唏」，大人細路都識唱，成為經典洗腦歌嘅經典。
第一位：《綠袖子》（Green Sleeves）
由以前香港學生嘅會考、高考去到而家嘅DSE文憑試，英國民謠《綠袖子》（Green Sleeves）都會系試場上「出現」，陪伴每一個考生渡過聆聽考試。