拍拖3年多的陳家樂和餘香凝一直被外界睇好，前晚驚爆女方另結保險界新歡Victor，家樂則在毫無預警下慘「被分手」，並指餘香凝連夜於新歡家中過夜。昨日一對分手男女先後面對傳媒為「分訊」解畫，素顏現身的餘香凝否認背家樂劈腿，強調分手與第三者無關，但承認於Victor家中因公事開通宵會，疑受分手重創的家樂，憔悴現身，一度爆喊。
陳家樂憑劇集《逆緣》中「爺爺」一角而人氣急升，餘香凝亦是影壇新貴，兩人相戀予人甜蜜蜜感覺，家樂曾指視女友為結婚對象，還以為打風都打唔甩，竟突然爆分手，有傳餘香凝搭上圈外新歡Victor，打得火熱，更背住家樂連續多晚留守新歡家中。而家樂被問到女友疑似劈腿，顯得愕然，無奈承認分手：「系最近嘅事，冇聯絡。」問到誰提出分手？他稱是雙方共識，當被指似乎未能接受事實，他眼泛淚光，激動得說不出話。
據悉，兩人戀情在年多前曾出現危機鬧分手，以為雨過天青，前晚爆出分手後，兩人亦向本報直認，家樂說：「我哋最近系分咗手，好希望大家都畀啲私人空間我同佢，佢系我最好嘅朋友，佢令我成長咗好多，我會祝福佢。」而餘香凝說： 「確係分咗手，系雙方坐低落嚟傾嘅決定，但當中絕對冇第三者！」
意見不合 否認拜金
被指劈腿的餘香凝，昨日終於現身寓所樓下，她木無表情素顏企定定給傳媒拍照，全程零笑容，受訪時她多次抖大氣，稱與家樂已分手一個月：「我哋系有共識分開，大家拍咗幾年拖，有啲位意見不合，冇法達成共識，最後大家坐低傾就系分開，唔系有心呃大家，等所有工作完同大家講，唔系想去消費佢個名！」她否認是「拜金港女」：「我系一個獨立女仔，唔系會用佢錢、貪名牌，畢業以來自己搵錢去養家人，我唔系嗰種人，我同家樂財政獨立！」對於在Victor家中過夜？她指對方是認識多時兼生意上拍檔，合資開餐廳，因她即將離港一個月，鋪頭則在月底開張， 所以才頻頻到對方家開會：「每日做完工作，即使幾夜我都會上Victor屋企開會，上面系有佢屋企人，有其他生意夥伴，每一晚都要開會研究一啲嘢食。（真系有過夜？）系！有試過開通宵。」但講到拍拖她就堅決否認，問到與Victor可有發展機會？她說：「唔會去諗呢樣嘢，同佢真系冇任何嘢。（話佢系Model殺手？）我覺得對佢好大影響，令到一個唔關事嘅人牽涉入嚟！」
講到四月她與家樂還上載一張甜蜜穿情侶波衫相，當時兩人是否已有問題？ 她說：「一對情侶關係，有好多問題，唔一定要同大家講，所以我哋問題一路自己處理緊。」問到與家樂所指的分歧是否指結婚？她說：「我想留番啲空間畀我哋。（有冇複合機會？）將來嘢唔講住。」昨晚她的經理人公司即天下一將士藝人有限公司發聲明表示對失實報導將保留法律追究權利，來力撐她。
心情沉重 忍痛開工
至於家樂昨日傍晚現身旺角為電影開工，雖然戴上口罩，但仍難掩憔悴，眼腫兼有黑眼圈，悶悶不樂，心情沉重，講到餘香凝稱因性格不合分手？他說：「暫時都唔想回應喇！我今日要拍戲都想專心開工。（ 佢有冇做過對你唔住嘅事﹖） 唔回應。」至於可相信女方所說在Victor家中只是通宵開會？會否對女方失望及外界覺得女方「偷食」﹖他都充耳不聞零表情，最後只說了句「不好意思」便入了升降機。
至晚上8時，他落樓開工，見到等候傳媒即合十示意，當記者再問是否涉及第三者？他即忍不住邊行邊喊，不單眼紅紅， 還不時用手捽鼻及眼。到達拍攝現場有人遞上紙巾給他抹眼淚。不過埋位時，他即收起眼淚。