每個人，終究要學會一個人獨自長大。
5月28號，即系今日，首部3D製作的劇場版動畫電影《哆啦a夢：伴我同行》終於上映，全球掀起票房狂潮，據聞電影各種萌點、淚點狠狠戳中億萬觀眾。
其實，真正觸動到觀眾嘅未必系部電影有幾感動，而系大家對逝去の童年嘅一種懷緬，我地再也翻唔到以前單純又美好嘅時代啦，而果個最美好嘅童年時代，正系呢只藍胖子陪伴住我地一齊成長。
不過，陪伴著我地度過成個童年嘅又點止哆啦a夢一個啊。尤其喺廣東呢個地區，好多朋友仔都系自細睇TVB/ATV嘅動畫片大嘅，一放學即刻飛奔翻屋企，鞋都未除就打開部電視機，慶幸5點鐘開波嘅「百變小櫻magic咭」巖巖好唱緊片頭曲。
咁除左多啦A夢同小櫻，你地仲記得幾多部經典嘅動畫片呢？等我地一齊細數童年睇過嘅TVB動畫片，回味小時候嘅單純童真啦。
開片!!!
籃球當入樽
想當年有幾多男仔因為呢出熱血動漫而中意左打籃球，有幾多唔識籃球嘅女仔情迷於流川楓嘅美色同櫻木嘅無釐頭。其實，小編想講，打籃球嘅男仔的確好有型噶！！！
光明使者
其實小編印象最深刻嘅就系生得好似河馬嘅施巴拉古大師，自稱劍術高超，其實是個好搞笑嘅惡搞大叔，見到美女會變得超級靚仔，好搞笑。
美少女戰士
「我要代表月亮消滅你！」相信呢個系果個時候最受女仔歡迎嘅少女系動畫片。每次遇到壞人都會變身去警惡懲奸。我仲記得以前姐姐收藏左一套美少女嘅卡紙公仔，仲可以幫佢換衫搭配添。
聖闘士星矢
其實當時聖鬥士已經系所有80後共同嘅童年標誌嚟嘅，基本上佢地一集都冇miss。星矢嘅天馬流星拳更加系同小夥伴玩嘅共同招數。
忍者亂太郎
忍術學校的校長的變幻無常，總是作出奇奇怪怪的決定，因而發生了許多有趣的故事，亂太郎等也常捲入各種各樣的事件。小忍者們充滿正義感，面對任何困難都努力解決。每個星期六就系睇TVB嘅佢地嚟度過噶。
飛天少女豬士丁
飛天少女因救左小豬冬仔，獲贈豬型鏡盒，當她念出咒語愛心豬麥後，竟變身成為飛天豬俠，更以超能力救出火場中的小孩，受到大眾的歡呼喝彩！其實我覺得呢出動漫滿足左少女都想做英雄拯救人類嘅心。
百變小櫻magic咭
每一集都有一個精靈搞怪，然後小櫻都要瞞住學校嘅同學，喺基路仔嘅幫助之下去徵服佢地。最重要嘅系，小櫻每一套衫都好靚，呢個大概都系吸引到千萬少女嘅原因之一吧。不過吸引到我嘅，系小櫻都好中意嘅雪兔哥哥。（花痴ing~）
咕嚕咕嚕魔法陣
小編會睇呢出其實系因為兩個主角都好得意，而且首歌都好快洗腦，我仲記得系滕麗名唱嘅添。但系其實最主要，我每一次都期待嘅系，吉他他老伯每次出場都要跳part吉他他舞：嘰嘰喳，bubu喳~~~哈哈哈，笑鬼死！
外星BB撞地球
本小編最最最中意睇嘅動漫，沒有之一。因為我好耐以前第一次睇就已經被露露少爺深深迷住啦，超得意。仲有彷徨同未夢之間嘅火花，睇到好多少女都好期待佢地接落嚟會有更加好嘅發展。BTW，我真系覺得TVB臺嘅配音幾好聽！
寵物小精靈
呢只肥嘟嘟，黃咁咁識得「放電」嘅比卡超已經系呢部卡通片嘅標誌啦，就算你唔記得片名叫乜嘢，你都絕對唔會唔記得佢嘅名叫做比卡超噶，仲有佢唯一識講嘅野：比~卡~超uuuu~~~~~電死你啊哈哈哈。but,難道只有我中意只傻鴨嗎哈哈！
數碼暴龍
「亞古獸進化~~~暴龍獸！」當時數碼暴龍幾乎系男女通殺，個個翻到學校都系中意邊個，自己都想要一直自己嘅數碼寶貝，感覺酷酷噠有木有！我都追曬兩部噶，翻煲都唔知睇左幾多次啦。最中意邊只？你估下~~~
婚紗小天使
三個女仔變身著住婚紗，真系超級靚噶好冇。唔知幾多妹妹仔成日吵住阿媽要買套婚紗俾自己著！劇情都系同美少女差不多，畫風比較亮，再講一次，婚紗真系好靚！！！
神風怪盜貞德
女主角由聖女貞德轉世的慄變身而成，背負封印惡魔的使命，卻被誤認為壞人，專門偷名貴的東西，並被一心想證明慄清白的東大寺都追捕。其實每次見到名古屋稚空同慄惡作劇嘅時候都覺得，愛情系幾甘美妙！（冇辦法，女仔系甘噶）
四驅兄弟
每次睇到星馬豪同星馬烈兩兄弟一起去賽車，都會同佢地一起緊張。無論贏左定系輸左，甚至豪仔架車壞左，心情都會俾佢地帶住走。不過呢部卡通片系屬於正能量傳遞嘅好片嚟噶。至於每次放學見到附近文具鋪圍住一對男仔系度「賽車」，額，你有份系度嗎？
BOM BOM彈珠人
少年白寶是彈珠市的一個陽光少年，因一次寵物鳥·風之羽的淘氣，不小心撞到了灰寶博士的搬家用飛行器。並得知黑暗皇帝與黑暗彈珠人的事情。心懷正義感的他為了保護大家的世界，與紅寶、藍寶、黃寶、黑寶等人一起開始了一場正義的戰鬥。
超級小黑咪
「最真的心笑到最開心 bulubuluya bulubuluya~~」由陳慧琳主唱嘅片頭曲真系好盞鬼，當年嘅洗腦神曲應該可以上榜嘎啦。小黑咪其實系一個好有正義感同時又好無釐頭嘅貓咪警察。睇個賤賤地嘅笑容就知唔好惹佢啦哈哈哈哈！！！
哈姆太郎
你絕對唔會想像到，其實一班老鼠仔嘅生活都可以咁豐富。（梗系啦，人地系黃金鼠嚟噶。）果陣其實真系睇到想叫老豆買只倉鼠仔俾我養噶，可惜~~~對圓碌碌肥嘟嘟嘅野毫無招架力哈哈哈~~~
多啦A夢
呢個就唔洗我講太多啦，伴隨住70、80、90、甚至00所有人嘅童年，話唔識佢，我就真系要捉你去研究下系咪呢個星球嘅人啦。
嚟，大家一起唱：「多喜愛 誰都知我多喜愛 DORAEMON~~~」
蠟筆小新
你覺得一個5歲大嘅細路仔可以做D咩？小新就可以做到好多野啦。雖然有D鹹鹹溼溼，講野又無釐頭，但系其實睇落去，你會發覺，其實小新比好多細路都懂事好多，而且細細個就知道好多道理。有時候宜家有好多大人都未必有小新甘嘅頭腦同心態。
櫻桃小丸子
喺好多熱心目中，《櫻桃小丸子》唔單單只是一部喜歡嘅動漫作品或者一個中意嘅動漫人物，佢更承載住嘅系大家心中對童年的追憶。小丸子身邊發生嘅所有小事大事，其實都充斥著我地身邊嘅親情、友情、愛情等等。而且，你唔覺得佢個頭好大好得意嘅咩？哈哈哈
好啦，甘多經典動漫，你唔好同我講你一個都5識啊。
我真系會報警話有外星人噶。
其實呢D都系屬於我地呢一代嘅共同回憶，
童年多麼美好，多麼純真，
偶爾回味下確實系對自己人生嘅一種珍藏方式。
你仲記得邊D動畫片你比較深刻印象噶？
歡迎追加評論！！！
最後預祝大家兒童節快樂！大個仔都可以繼續過兒童節噶。我就唸住返去翻煲外星BB啦，你會點慶祝呢？？？