吉岡裡帆自從喺大熱日劇《四重奏》彈起，成為日本話題度極高嘅女星。劇集就扮惡女上位，喺廣告入面就化身萌爆狐狸女，與宅男代表星野源大演對手戲!因為日文「炸腐竹」與「狐狸」同音，星野每咬一啖炸腐竹，吉岡就大叫好痛，可愛萌樣引死男粉絲，獲網民大讚超絕kawaii!
吉岡成功將性感與可愛混合一身，事實證明，就算著得唔暴露，都一樣有辦法迷暈男人，方法就系做個可愛女人!唔系咀都嘴、一臉無辜樣就叫可愛，以下5個不經意舉動，最令男人心動:
1.雞手鴨腳煮飯時
煮飯肋嘅女人加分，之不過煮飯唔肋但都要煮嘅女人，更加令男人感動!望住心愛嘅女人手忙腳亂，無非想煮餐飯畀佢食，佢的會覺得好可愛，就算幾難食，都會食得好開心。
2.著男友嘅衫女人
著男友嘅tee或恤衫，會變左oversize，成個小矮人咁好得意，令男人好想即刻好man咁攬住你，同時佢的眼中亦覺得你好性感，想曳曳都好正常…
3.陪男人做佢有興趣嘅事
正常男人嗜好都系打機、打籃球或者踢波等，就算你一啲興趣都冇，都應該試嚇抽時間陪佢一齊玩，見到你打喪屍game嚇到大叫、射波又論論儘儘，一定覺得你超可愛，同時會好感激你肯走入佢世界!
4.幫你吹頭髮時
男人好享受幫女人吹頭，覺得你好似小朋友咁冇殺傷力，加上摸住你嘅柔順秀髮，聞住微微髮香，實在系好大誘惑。
5.大跳大唱時
有啲女仔無聊時會哼歌，甚至跳開心舞，呢啲真性情會令男人覺得你好可愛，成個傻大姐咁，帶畀佢好多歡樂。