藝人陳展鵬現身電臺接受薛家燕和範振鋒的節目訪問，透露在節目內大談感情事。
講到情人節將至，展鵬透露當日會與鍾嘉欣到舊金山登臺，
講到他跟嘉欣曾傳緋聞，他笑言：「好多都傳過，不過傳傳嚇又無疾而終。
（覺得遺憾？）唔系，覺得ok喎，依家我又可以同佢去登臺。
（唔想傳傳嚇修成正果咩？）咁我哋不嬲都系銀幕情侶咋麻。
（但佢依家都單身？）唔知呀，但覺得可以一齊合作做嘢都幾好，今年就終於有，會一齊去拉斯維加斯同舊金山。
（有冇時間玩？）我未必有時間，因為之後要即刻返嚟香港做嘢。」
趁過年登臺搵銀問到新年會怎樣過？
展鵬則謂未知：「因為公司可能會有綜藝節目，睇嚇到時使唔使拍。
（你寧願放假定搵錢？）咁寧願搵錢呀，錢唔會夠，雖然拍劇都重要，但就成日霸咗啲時間登臺，所以都希望趁節日做嘢可以儲嚇錢買樓。
（咁買樓定搵女朋友重要？）兩樣都緊要，最緊要健康。
（你都想拍拖？）想！我都有需要㗎麻，男女拍拖都好正常，唔通做和尚咩？一出世就想拍拖。
（好耐冇拍拖？）都dry咗好多年，都數唔到幾耐。
（媽咪有冇催你拍拖？）唔會催嘅。
（佢有冇介紹女仔畀你？介唔介意相睇？）做過朋友，OK嘅，但唔好講明系相睇，話出嚟食個飯識新朋友就ok嘅。
（試過出嚟食飯但多咗個唔識嘅女仔？）成日都系，唔系媽咪嘅朋友，只系通常食飯唔會問朋友有邊個去。
（冇個合眼緣？）要求唔高，只系未啱眼緣。
（有咩要求？）舒服。
（你個舒服都好高要求？）系，好麻煩，緣分嘅嘢好難講。」
陳展鵬話情人節將同鍾嘉欣到舊金山登臺
陳展鵬話佢同鍾嘉欣不嬲都係銀幕情侶咋
陳展鵬、薛家燕
陳展鵬現身電臺接受薛家燕（左二）和範振鋒（右一）的節目訪問
陳展鵬仲話覺得可以同鍾嘉欣一齊合作做嘢都幾好。
咁即係會唔會想有進一步發展呢？
香港TVB第一垂直媒體，提供新鮮的資訊及藝人動態、劇集及音樂賞析
【媒體矩陣】
微博：我愛追TVB丨今日頭條：我愛追TVB
【商務合作】
微信：pingguosky255
長按二維碼關注我愛追TVB