藝人鹿晗日前被發現同女友關曉彤去日本旅行拍拖。
.
.
.
本來鹿晗有份喺大陸節目《這！就是歌唱．對唱季》擔任導師，但個節目噚日發緊急發聲明，話鹿晗因「個人原因」退出，搵咗張韶涵頂替。
.
不過，估唔到個聲明就引爆是非，網上流傳一張截圖，據稱係一位節目導演喺朋友圈發文，鬧爆鹿晗為愛衝昏頭腦，為咗陪女友去日本玩而no show，仲鬧佢完全不顧成組幾百人心血，亦不顧兩位藝人為佢調整檔期：「一群有夢的孩子、一群有夢的小編導，一起來做一個期待已久的節目，被一個不專業不敬業沒有藝德的導師徹底毀了.沒有藝德的藝人，到底能走多遠，我們拭目以待。」
對於被指冇藝德，鹿晗工作室發聲明駁斥，話錄製期間都積極配合，已完成合約嘅全部義務，強調去日本是先前排好嘅工作，而並非臨時爽約，要求停止散播相關謠言，又話會保留追究法律責任權利。
至於《對唱》導演岑俊義亦話自己同團隊冇喺朋友圈批鹿晗冇藝德，但有網民就爆出曝出疑似節目製片人嘅朋友圈截圖，直指鹿晗喺節目開始錄影后突然提出檔期有問題，優酷方面多次同佢經理人團隊協商挽留，但都唔成功。
李佳芯放聲氣「嫁」期唔想太遲
藝人李佳芯（Ali）與連詩雅昨日現身活動，齊齊「被求婚」。Ali現實中抗拒求婚玩大龍鳳，又不禁向男友陳炳銓暗示希望結婚不要太遲。
Ali和連詩雅（Shiga）與Fans玩遊戲，有男Fans跪地向Ali情深說：「Ali BB，你知唔知我好鍾意你，好似劇入面希望同你生個女，一生一世，永結同心。」事後問到男友陳炳銓可有說過類似的話？她說：「男友都唔講呢啲野嘅。（如果佢咁求婚系咪即刻答應？）唔需要搞太多野，正常簡簡單單就得喇！唔使跪地又唱歌、一班人走出嚟又跳舞咁，我會招架唔到！（咁你有乜要求？）只要畀我知系求婚就得。」