不過除了古天樂之外，有一位歌手特別搶眼，就是謝安琪，共奪得3.5個獎，得到的獎項分別有：「叱吒樂壇我最喜愛的女歌手」、「叱吒樂壇女歌手金獎」、「叱吒樂壇至尊唱片大獎」和「專業推介叱吒十大」第二位。而男歌手則是張敬軒，他有3個獎，分別是：「叱吒樂壇我最喜愛的歌曲大獎」、「叱吒樂壇男歌手金獎」和「專業推介叱吒十大」第五位。
昨晚樂迷最關注的應該是古天樂驚喜現身，難得上到叱吒臺，古天樂亦相當識相，一圓樂迷心願，更拉上容祖兒、張敬軒、麥浚龍、謝安琪上臺合唱。
問起要唱什麼歌時，Juno立即答道：「《今期流行》、《男朋友》！」最後古天樂在眾人陪伴下，也清唱了幾句《男朋友》。
我真系好中意唱歌，不過我唔識唱啫。呢個世界真系好奇怪，真系有奇蹟，我都可以行得上臺，拎呢個獎我真系無嘢好講。首先，一定要講㗎喇，多謝903，多謝投票嘅我嘅人。你唔好企喺身喇，好似我拎咗終身成就獎咁。我好知道大家最喜愛我唔系歌曲上嘅作品，上年我做咗演藝人協會會長，我好想幫新歌手，我用我嘅時間，同咗好多歌手食飯，因為我真系完全唔識，當我了解完，我知道佢哋團火無熄過，我好開心，你睇我，我都可以行上臺。但真系，作為一個新人，自己心入麵團火，唔好忘記，無論成功與否。我阿爸成日同我講，要蝕底，Juno我唔系我蝕底幫你唱咗成首歌，唔好放棄自己，我哋香港樂壇，廣東歌就靠你哋。
謝安琪昨晚在《2018年度叱吒樂壇流行榜頒獎典禮》得到驕人成績，除了《一個女人和浴室》得到「叱吒十大」的第二位及「叱吒樂壇至尊唱片大獎」，更奪得「叱吒樂壇女歌手」金獎及「叱吒樂壇我最喜愛的女歌手」，其中女歌手金獎亦是她自2005年出道14年首度得到這項殊榮。
在臺上禁不住激動流淚的她發表感言時表示：
幾年冇去頒獎禮，因為我真系好灰心、好想休息，好多時候我唔識應付，我曾經打算將音樂擺低，然後今日，再一次去面對頒獎禮。我一直都搵唔到好一點的心態去頒獎禮，各位中意音樂的人為音樂喝採，我一直都在搵一個心態，去到噚日，豁然開朗，想同大家分享一下。
我今日來到這裡，我望見所有人拎獎，眼中冇睇到輸贏，因為我哋作為做音樂的人，幸福都在臺上，但原來有更多做歌手的幸福是在臺下發生，好似今次同Juno合作，有一個好想跟大家說的故事，那種腎上腺素急升的狀態，所有過程，每一個細節，自己點演繹，到去到自己作品，做rough mix，有radio mix，之後有final mix，之後拎去派臺，系希望打入樂迷的心，當我的作品ready，開始要製作專輯，我哋拍mv，有時一起演出，有時跟樂迷去做好多好難忘的演出，去做好多不同的訪問，所有事都是我們的幸福，所以今天我望住大家，我望住自己的音樂，都系衷心的感謝。
張敬軒在《2018年度叱吒樂壇流行榜頒獎典禮》成績彪炳，連奪三獎：叱吒樂壇男歌手金獎、憑《天才兒童1985》奪叱吒十大歌曲，及憑《百年樹木》奪得叱吒樂壇我最喜愛的歌曲大獎。
在奪得男歌手金獎時，軒仔一口氣感謝幾十名臺前幕後所有工作團隊，無論音樂製作、梳化服、唱片公司一一致謝。他感觸說：
今年發生咗好多事，我哋失去咗Ellen（盧凱彤），生活當中都經歷咗好多高低起跌，我今年都失去咗由我嚟香港就開始陪我嘅狗仔飯糰。我哋真系唔系年年都可以上到呢個臺，去摞到呢個獎。
頒獎禮嘅意義喺邊度呢？我諗咗好耐，作為歌手、音樂人，有必要俾世人睇到，其實我哋同大家一樣，生活當中都系一個平常人，都會遇到開心唔開心，有起有跌。每一次我企上臺，摞到呢個獎盃，證明俾大家睇我哋都可以企返起身，當我哋都可以，你哋都可以。
軒仔又指，近幾年對歌手來說是最好的時代：
呢幾年我哋生活喺最好嘅時代，因為八卦雜誌已經息微。真系㗎！喺我入行嘅年代，一到頒獎禮前後就好多古靈精怪嘅新聞，抹殺咗歌手嘅努力。
幸而網絡能夠作為他們為自己發聲的平臺，樂迷的掌聲，8塊錢買一首歌就是最大的支持。
今年容祖兒在《2018年度叱吒樂壇流行榜頒獎典禮》憑《心之科學》首奪「叱吒樂壇至尊歌曲大獎」。出道20年以來首度奪得「叱吒樂壇至尊歌曲大獎」，她表示去年公司原本沒有計劃為她出廣東歌，但她卻堅持說不行：
點可以呢？我自己已經有兩年冇出廣東歌，我覺得今年點都要交一首喇！
Joey稱為了《心之科學》這首歌下了很大的決心，錄音過程長達半年時間，甚至在錄音途中臨時加多一段，然後叫黃偉文重新寫過歌詞，目的就是希望能對得起這首自己在2018年唯一一首推出的廣東歌。
Joey坦言得到這個獎對她來說意義重大，首次與監製舒文一起獲獎更是有雙重意義：
我同佢合作咁多年做咗咁多好歌，其實《心淡》、《習慣失戀》嗰啲系從來冇摞過獎，但系如果我哋嘅樂壇努力咁多年我哋冇試過共同摞一個獎會有啲可惜，所以今日可以憑住《心之科學》摞呢個獎，好圓滿！
陳柏宇（Jason）則憑歌曲《認真如初》奪「叱吒十大」第九位，他自覺不值得獲獎，認為其他歌手一定比他付出得更多。上臺發表得獎感言時分享了自己最近對快樂和意義的收穫，甚至佔用了半首歌的時間繼續說下去，他笑言：
講嘢對我嚟講實在太緊要喇，我有好多心聲唔識得點樣去包裝，所以我講嘢系有啲長氣嘅，同埋唔識點樣去收科！
Supper Moment四奪叱吒「我最喜愛組合」，在臺上他們激動地感謝已故經理人Gary，以及一眾樂迷。鼓手阿達感謝Gary及樂迷給予他們很大自由度，能忠於自己做音樂。他說：
今朝無端端Facebook彈返個2009年嘅post，Gary留言話「佢唔能夠保證我哋有咩成績，唔能夠控制到有咩結果，但系可以確保好專心，好忠於自己保存面貌做音樂」，過去咁多年佢真系俾咗好多自由我哋。
RubberBand不知不覺已經成軍10年，今年在《2018年度叱吒樂壇流行榜頒獎典禮》奪得「叱吒樂壇組合金獎」，以及憑《未來見》奪得叱吒十大歌曲第三位。作為一直默默耕耘的樂隊，RubberBand四人在臺上表現激動，鼓手泥鯭感觸說：
未必每個人都可以好幸運，有自己理想生活環境、理想嘅職業、想過嘅生活。但無時無刻都要提醒自己，要用心做好每一件事，當然包括良心。可能咁樣做，系冇任何掌聲，甚至冇人察覺你存在。但系我好相信，終有一日，你自己會好自豪，為咗自己留低過軌跡好自豪。你會發現身邊嘅人、環境會有所改變。我哋RubberBand無論大、細舞臺，嗰年有冇獎，我哋都好為自己感到自豪！
2018年度叱吒樂壇流行榜頒獎典禮
得獎名單
叱吒樂壇至尊歌曲大獎：《心之科學》
歌手: 容祖兒 作曲: Howie / 林家謙 填詞: 黃偉文 編曲: Dear Jane 監製: 舒文
叱吒十大第二位：《一個女人和浴室》
歌手: 謝安琪 作曲: Bert 填詞: 黃偉文 編曲: 陳哲廬 監製: 麥浚龍 / 陳哲廬
叱吒十大第三位：《未來見》
歌手: RubberBand 作曲: RubberBand 填詞: Tim Lui 編曲: RubberBand 監製: 正
叱吒十大第四位：《可一可再》
歌手: 陳奕迅 作曲: 陳奕迅 填詞: 陳詠謙 編曲: the duo band 監製: 王雙駿
叱吒十大第五位：《天才兒童1985》
歌手: 張敬軒 作曲: 伍樂城 填詞: 黃偉文 編曲: 伍樂城 監製: 伍樂城
叱吒十大第六位：《錢七》
歌手: 周國賢 作曲: Goro Wong 填詞: 藍奕邦 編曲: Goro Wong 監製: Goro Wong
叱吒十大第七位：《無期》
歌手: AGA 作曲: AGA 填詞: 林若寧 編曲: 褚鎮東 監製: 舒文
叱吒十大第八位：《老少平安》
歌手: 周柏豪 作曲: 藍奕邦 填詞: 藍奕邦 編曲: 周錫漢 / 黃兆銘 監製: 周錫漢星夢娛樂
叱吒十大第九位：《認真如初》
歌手: 陳柏宇 作曲: Cousin Fung 填詞: 陳詠謙 編曲: Cousin Fung 監製: Edward Chan / Cousin Fung
叱吒十大第十位：《沉默的士高》
歌手: 王菀之 作曲: 王菀之 填詞: 黃偉文 編曲: 馮翰銘 監製: 馮翰銘
叱吒樂壇男歌手：
金獎：張敬軒
銀獎：許廷鏗
銅獎：周國賢
叱吒樂壇女歌手：
金獎：謝安琪
銀獎：Gin Lee
銅獎：AGA
叱吒樂壇我最喜愛組合：
Supper Moment
叱吒樂壇我最喜愛男歌手：
古天樂
叱吒樂壇我最喜愛女歌手：
謝安琪
叱吒樂壇組合：
金獎：RubberBand
銀獎：Dear Jane
銅獎：Supper Moment
叱吒樂壇唱作人：
金獎：林奕匡
銀獎：AGA
銅獎：陳蕾
叱吒樂壇生力軍：
金獎：洪嘉豪
銀獎：曾樂彤
銅獎：黃妍
叱吒樂壇至尊唱片大獎：
《The Album》
歌手: 麥浚龍 謝安琪 監製: 王雙駿
叱吒樂壇我最喜愛的歌曲大獎：
《百年樹木》
歌手：張敬軒
作曲：伍卓賢
填詞：林若寧
編曲：Mac Chew
監製：張敬軒、廖志華
叱吒樂壇作曲人大獎：
Cousin Fung
叱吒樂壇填詞人大獎：
陳詠謙
叱吒樂壇監製大獎：
舒文
叱吒樂壇編曲大獎：
王雙駿
撰稿：黃梓恆 黃浩晉