《與諜同謀》
導演: 黃偉聲
編劇: 林麗媚
主演: 羅嘉良 / 鄭俊弘 / 黃心穎 / 李成昌 / 張穎康 / 更多...
類型: 劇情 / 懸疑
製片國家/地區: 香港
語言: 粵語
首播: 2017-03-06
集數: 20
單集片長: 45分鐘
鄭俊弘率領間諜鬥羅嘉良
新劇《 與諜同謀 》接棒！劇集以化妝品行業為背景，各種商業間諜的手法為骨幹，道出現代人在面對人性與金錢之間取捨及抉擇。焦點當然系三屆視帝羅嘉良相隔八年再度回巢，與首次擔正的鄭俊弘，組成一老一嫩的新鮮組合，似乎會擦出唔少火花！另外仲有李佳芯(Ali)、黃心穎及張頴康等備受觀眾歡迎的當紅演員，眾演員鬥智鬥力，真系好似宣傳片所講：「波譎雲詭 黑白難辨」！
羅嘉良回歸《 與諜同謀 》
羅嘉良貴為三屆視帝，演技及叫座力無庸置疑，佢自2009年的《富貴門》後再度回巢無綫劇，今次飾演的角色叫卓君臨 (又系姓卓?)，美世代化妝品公司主席，在商界綽號「皇上」，系一位雄才偉略的商業家。佢經歷過兩段婚姻，但妻子同樣已經逝世，如今與繼女卓敏莉 (黃心穎飾) 相依為命。
卓君臨安排繼女與年青才俊潘少傑 (鄭俊弘飾) 到美世代一同出任市場部經理，刻意製造良性競爭環境，令兩人替公司作更大貢獻。但隨著美世代生意蒸蒸日上，正籌備上市計劃次際，卻不停出現負面新聞、業績接連受挫，於是懷疑呢一切與潘少傑有關……
鄭俊弘率領間諜團隊
其實鄭俊弘多年來演出經驗豐富，不過大多都系完全唔起眼的閒角，有得做男配角已經好難得。但自2013年參加《星夢傳奇》奪冠後一夜成名，人氣急升，今次在《與諜同謀》更升呢做第二男主角，可以同視帝前輩羅嘉良合作！
阿Fred劇中角色叫潘少傑，系一位足智多謀、待人親切的青年才俊，在美世代擔任市場部經理，深得上司羅嘉良的器重。不過在陽光笑容的背後，佢其實領導住一個以保安系統公司作為掩飾的商業間諜團隊，集合四位各有專長的成員包含張頴康、湯洛雯、賴慰玲及胡諾言，合作偷竊各大財團的商業秘密。
密謀大復仇
做間諜大佬都未系重點，原來潘少傑真名叫卓宇軒，系卓君臨與第一任妻子所生的兒子，但媽媽多年前被卓君臨利用去販毒而被判死刑，佢自己亦被拋棄。如今潘少傑混入美世代擔任市場部經理，就系想帶領間諜團隊破壞美世代，向卓君臨報復！到底佢最後會唔會成功呢？
Ali BB做秘書
好受觀眾歡迎的Ali BB今次飾演陳晞文，本來系卓君臨的得力秘書，與公司同事康逸風 (曹永廉飾) 結婚後誕下一子，於是辭退工作當上全職主婦。後來康逸風出海墮海失蹤，三年來下落不明，令佢陷入人生低潮。幸而卓君臨再次聘請，讓佢寄情事業重新出發。
其實卓君臨對Ali早就心存好感，不過對方心有所屬，所以只好收起呢份感情。而Ali老公曹永廉意外失蹤後，卓君臨一直對佢無微不至，助佢走出人生低谷。咁最後Ali BB會唔會接受老闆愛意呢？答案系唔會，因為佢會同鄭俊弘有感情線！但其實曹永廉失蹤的背後，同撈家亦有關係……
來源：TVB吧、 鴛江樂淘整理髮布
更多梧州嘅嘢，我地一齊在尼度分享！好嘅文章記得分享俾朋友！