細數上年無線印象深刻螢幕情侶 邊Pair你最鍾意？
無線劇集題材無論系懸疑、科幻、校園定系家庭，點都會有感情線。咁上年無線咁多套劇集中又有邊對情侶令你最印象深刻呢？
《親親我好媽》Venus & Hayden（江嘉敏&何廣沛）
江嘉敏同何廣沛呢一對除咗男嘅靚仔、女嘅清純可愛，外型非常匹配之外, 佢哋最令觀眾有共鳴嘅地方就系佢哋令大家回憶起「那些年」初戀獨有嘅青澀感覺。呢條感情線喚醒咗唔少觀眾深處嘅回憶，仲話希望佢哋可以有一個美好嘅結局。
《超時空男臣》汪以珊 & 馮一波（王君馨&曹永廉）
《超時空男臣》呢套劇集咁受歡迎除咗劇情搞笑之外，佢哋當中嘅三對情侶亦非常搶眼。馮一波同太子妃呢對搞笑得嚟又有火花，男方飽讀詩書、正人君子、又聰明能幹，而且無論女方系太子妃定系刁蠻嘅明星Sandy，佢都服侍周到、任勞任怨、感情專一，完全中曬各位女士心目中嘅完美男友形象！
《超時空男臣》李小冬 & 二小姐（何廣沛&朱晨麗）
李小冬同二小姐呢一對戀人一定系劇中最矚目嘅一對，因為佢哋劇中嘅互動非常有趣。二小姐除咗要小冬叫佢做「BB」非常搞笑之外，仲要佢幫佢揼骨、又霸氣認「小冬系我條仔」等等，而單純可愛嘅小冬太監亦非常聽話，好有「我的野蠻女友」嘅影子。雖然小冬系太監，不過佢哋譜出一段純過蒸餾水嘅愛情。
《賭城群英會》瀟灑 & 小北（何浩文&高海寧）
喺劇中佢哋由鬥氣冤家發展成情侶關係，可惜瀟灑為咗入屠家做臥底，忍辱負重扮變節兼同小北分手。分手後佢哋仍然深愛對方，但系瀟灑為與收集屠家嘅犯罪證據而與屠若蘭（麥明詩飾）結婚。小北唔知道瀟灑嘅計劃，仲以為瀟灑想逃婚同返佢一齊，點知小北慘被屠城（劉兆銘飾）嘅手下推落樓慘死。瀟灑知道之後大受打擊，不過仍然要扮到若無其事。可惜瀟灑去到最後都系被屠城手下伏擊至重傷死亡。
《同盟》高子傑 & 阮清欣 （陳展鵬&胡定欣）
高子傑及阮清欣呢一對就一定系最合拍嘅情侶，首先男嘅有六舊腹肌加靚股、女嘅就有人魚線、再加長腿，外型已經襯到絕。雖然佢哋兩個起初都系以老土嘅朝夕相對、互相整蠱嘅歡喜冤家而開始，不過後來佢哋兩人經常一齊對付壞人，打到飛起，真系少啲默契都唔得。
《同盟》Kent & Kate（陳山聰＆姚子羚）
呢段戀情一開始到結尾都非常轟烈，無論對方邊個有事都好，佢哋兩人都會抱著為對方犧牲嘅精神去拯救對方。而且佢哋兩人一齊對付壞人嘅時候亦同樣默契十足，完全系最佳拍檔。佢哋喺劇中亦有多場親熱戲，就連搭升降機都可以激吻、錫到外套都除埋，睇到一班觀眾話想做陳山聰。
《不懂撒嬌的女人》Saving & Cherry （王浩信&唐詩詠）
Saving同Cherry呢一對戀人道出咗唔少現代香港男士同女士嘅心聲，男方努力工作希望可以儲錢買樓、女方就希望自己變盛女之前嫁得出。雖然男方最後終於解開心結，肯同Cherry結婚，不過可惜佢哋2年後重遇，Cherry已經戴著訂婚戒指，仲send ICQ俾Saving話自己如願喺35歲結婚，唔駛嫁佢呢位「初戀男友」咁話。而Saving等足兩年，當然既無奈又傷心啦，同時亦睇到一班觀眾心都痛埋。雖然劇集最後播出補拍片段，話佢哋喺樓梯重遇，Cherry執起Saving跌出嘅定情10蚊，手上亦冇婚戒，不過已經無補於事，亦為呢段戀情添上遺憾美。
《不懂撒嬌的女人》Gordon & Mall姐（林文龍＆宣萱）
Gordon同Mall姐喺劇中鬥足十幾集，之後終於等到林文龍一句「請你管住我！」令到兩人終於走埋一齊。雖然有嗲精高海寧嘅出現，不過Mall姐亦以個人魅力取勝，為一班唔鍾意嗲嘅硬朗型女士吐氣揚眉。不過當中林文龍為咗博取女方信任而加入宣萱嘅指紋鎖，俾佢「手機任check」就可能令到到一班男士睇得一額汗，肯定印像深刻啦！
《愛·回家之開心速遞》博士 & Mandy（馬貫東&謝芷倫）
博士同Mandy嘅愛情故事非常曲折，起初博士心系若水（呂慧儀飾），不過Mandy冇放棄，不停用扮拍拖呢個藉口去接近男方 ，最終成功打動博士，去到後來博士仲話希望同Mandy正式開始拍拖，一班觀眾亦非常興奮同激動，亦非常睇好佢哋。有觀眾仲話如果編劇拆散佢哋就會罷睇，可見觀眾嘅投入佢哋呢段戀情！
《誇世代》Mike & Paris（陳豪＆李佳芯）
啱啱播完嘅《誇世代》一班觀眾都不斷話Ali又可愛又靚，不過其實佢同Mike嘅一段戀情亦都Sweet到漏！兩人雖然最初由毫無感情嘅契約夫妻開始，不過後來二人日久生情。而其中一幕Paris工作咗10幾個鍾之後仍然恰住眼瞓都要繼續打掃令到Mike非常感動，隨即抱起佢返房，好多網民都大讚好sweet。到後來Mike為咗救Paris條命，甚至交換靈魂替佢生仔，呢啲咪叫偉大嘅愛情囉！
---
商務合作QQ：2063871309
最新最快最全：關注訂閱號tvbdrama，回覆你想要的
（長按下圖識別二維碼即可輕鬆關注）