另外，黃子華都好幸運，皆因棟篤笑的題材，總是離不開時事。而近日香港社會實在「含水量」太高，「唔抽水過唔到自己」，所以這次「黃子華棟篤笑唔黐線唔正常」，男神實行和大家倒抽一口「梁」氣，30句金句，包你笑到完場！
打工仔必讀篇：
1.老闆成日話員工做野都唔摞個心出來，激死人。員工就成日話老闆都唔摞舊金出來，駛死人。
2. 嚴格嚟講，你每個月底俾我嗰份唔系糧，系賠償。
3.搵食啫！犯法呀？我想㗎！
4. 大自然所有嘅動物都喺食物鏈上面。鏈嘅下層俾鏈嘅上層吃，一層一層咁鏈上去。
5. 我覺得講得出「我好中意返工」呢句說話嘅人，一定系鬼上身。
6. 唔在乎你有冇俾人姦，只在乎你交唔交到單！
7. 比份糧你，一半系比你要嚟做嘢，另一半系比你要嚟受氣嘅。
8. 香港既精神，就系「冇精神」。
家庭關係：
9. 阿媽標阿仔身，邊個俾贖金？
10.依家香港人生仔可以冇老婆，但唔可以冇菲傭。
11.而家香港嘅問題，系所謂嘅婆媳糾紛，系一種必然瀨嘢嘅關係，系咪？除非你個新抱可以喺第一日入門，就全心全意同奶奶講:「奶奶，我愛你!」
女人心理篇：
12. 化妝就系你落咗妝，我仲認得你，你落咗妝，我唔認得你，嗰啲叫做喬裝。
13. 女人撞衫，仲大件事過撞車。
兩性關係篇：
14.男人系愛情上系要求新鮮，而女人對愛情最大嘅要求就系保鮮。
15.你愛嘅，你得唔到；你唔愛嘅，你甩唔到。
16.一個男人點都會hurt過一兩個女人。但作為一個女人一世都未俾男人hurt過，咁就系真正嘅hurt啦！
17.我系一個無雀嘅… 唔系，我系一隻無腳嘅雀仔……
18.戀愛系一盤生意，你要二十四小時諗住佢。
19.基本上男人系做到三個不，不主動，不抗拒，最重要我地系不負責嘅。
20.感情呢家嘢呢，你預左系唔OK 嘅，你就OK。
21.愛情同股票一樣，未入之前系不停咁升。但當一擁有，你就問：「點解會咁㗎？」世上有100分男孩、100分女孩，但就冇100分伴侶。如果重有人唔肯承認，相處就代表開始扣分，我有個例子：2人相愛，當然唔想有第三者，但點解你想生仔？「仔點會系第三者呀？」仔唔系人呀！喂，呢個第三者佔你哋好多時間㗎喎！呢個第三者，1日食6餐，隨時食埋你嗰份，「咁1男1女就梗系要生仔㗎啦！」系囉！點解呢？因為當世界只剩下1男1女，得番你同我，你就feel到，呢個遊戲系唔玩得耐。
22. 英雄難過美人關，肥妹踩冧斷背山。
人生哲理篇：
23.錯就要認，要對方認！
24.損人不利己，不如跳井死！
25.若要人不知，唔好太低B。
26.世事無絕對，只有無頭緒!
27. 你食魚翅，我食粉絲；你揸Benz，我坐Bus。
28.一千幾百，猶如垃圾，富貴於我如浮雲… 但系浮雲於我如命根啊。
29.樹要皮，但人… 唔一定要面。
30. 你好巴閉咩？我夠有3個C啦，CHEAP、CHEAPER、CHEAPERPER！
撰稿：東方新地