歌手胡鴻鈞（Hubert）首次擔任男一的新劇《救妻同學會》已經系過去的周日播出第一集，今次Hubert系演人夫，做劉佩玥（Moon）的老公，而過去Hubert都遇上有發揮的角色：「系幾好彩，我拍劇次數唔多，但每個角色都有發揮空間，又好玩。今次救妻都好玩，用以前時空，交代角色性格改變，所以要演兩個性格，前期就系溫文、斯文，演一個22、23歲嘅宅男啲，另一個就系講大個咗就變得好剛強，好強勢，因老婆劉佩玥被綁架，得72小時要救佢。」
至於劇集安排周日播出，每集2小時，他謂：「都系新嘗試，新時段，因觀眾有佢睇劇嘅習慣，喺外國同日韓嘅劇，都系個半至兩個鍾，反而畀觀眾有時間去消化同討論，有啲觀眾仲鍾意等埋播曬一次過睇。」
新時段收視可有壓力？他謂：「真系冇壓力，因有壓力都改變唔到，都拍咗喇，都只能著重一啲宣傳上面落力啦。」
同Moon首次演夫妻