童星出身的女藝人黃美棋深得網友歡迎，獲封「美棋BB」，多年來她曾在不同平臺參與拍攝，最近美棋宣布重返無綫成旗下藝人，其實美棋於五歲時就入行拍過無綫劇《刑事偵緝檔案》，其後再參與《創世紀》、《帝女花》及《陀槍師姐IV》等劇集，年紀輕輕就有豐富拍攝經驗。
笑自己細個演技差
美棋受訪時表示在TVB拍劇的回憶相當深刻，例如在《帝》劇中飾演主角「長平公主」畲詩曼童年、「崇禎帝」陳豪女兒，美棋說：「我一直好鍾意古裝服飾，拍嗰時系13歲，終於有機會穿古裝，好興奮！呢套戲份算比較多，飾演我父母嘅陳豪同邵美琪都好好人，所以好記得！」再講起第一套作品《刑》劇，美棋深得現場哥哥姐姐喜歡，不停有人請食糖，她笑言搞到有爛牙：「前排睇番套劇，好搞笑！我把聲沙沙地又演繹得誇張，我忍唔住話『點呀！呢個妹咩事呀？』」
唔敢同陳豪演情侶
轉眼已28歲的美棋重返無綫，會先擔任旅遊節目主持，但她最想仍是拍劇，希望跟視後田蕊妮合作：「一直好欣賞阿田，演技好穩，演咩都有說服力！希望喺佢身上偷到師。」至於會否想跟「父親」陳豪重聚？美棋說：「當然想相認番啦！佢依家系爸爸又系視帝！（拍劇演情侶？）哈哈，得唔得呀？沒諗呀！不如升級少少先，做阿妹先，佢依家好man呀！」
攬攬打氣好溫暖
講到其他平臺的藝人過檔無綫都有不俗成績，問美棋有否此野心？她說：「平常心，好多Fans都好贊成我返嚟，因為多一個平臺更容易見到我，大家咁支持，令我信心都大咗，依家踏實做好每一步先。」早前美棋重遊電視城開Live，見到一些早已認識的臺前幕後朋友，更與黃心穎抱抱互相打氣，令她感覺溫暖：「同心穎BB之前一齊出過活動，我哋有攬攬加油，希望遲啲有機會合作啦！」
美棋宣布重返無綫成為旗下藝人。
其實美棋細細個就喺無綫拍過劇。
拍過《刑事偵緝檔案》、《創世紀》、《帝女花》及《陀槍師姐IV》等，真系經驗豐富。
美棋話喺無綫最深刻印象就系拍《帝女花》，因為可以著古裝。
當然仲有《帝女花》入面嘅父母啦，美棋大讚陳豪同邵美琪好好人。
美棋話當時好多人請佢食糖，最後搞到有爛牙勁搞笑。
睇番細個嘅演出，美棋話頂唔順自己當時演得好誇張。
返無綫會先擔任旅遊節目主持。
不過美棋話最想都系拍劇。
希望可以同田蕊妮合作，喺佢身上學嚇嘢！
美棋想同「父親」陳豪一齊拍劇。
不過就唔敢演情侶住，暫時演陳豪個妹都好滿足。
品牌合作微信：aqy852（註明商務合作）