無線節目《美女廚房》美女學徒除咗有餘香凝個妹餘潔瀅搶眼外，仲有喺DJ界打出名堂嘅洛兒！今年25歲嘅洛兒三圍34C、25、34，社交網超過12萬粉絲，當中仲有唔少性感火辣相添！洛兒接受訪問，講到佢必殺技系咩，佢笑言平時煮下普通住家菜，但最拿手系整卡邦尼意粉！
洛兒透露話同伍樂怡及王卓淇一組，問到會唔會有太大壓力？她說：「有少少壓力，都會盡力去比賽。（錄影感覺點？）好好玩，細細嗰已經有睇美女廚房。」今次洛兒參加比賽，系想畀大家認識佢多啲，不過洛兒社交網咁多性感相，問到佢驚唔驚會影響形象？佢話：「咁我影嘅相都比較健康，唔系兒童不宜。（驚唔驚網友只留意你身材？）咁大家留意完我身材，咪會留意我演出囉。」
現時跳去做幕前嘅洛兒，話依家減少接DJ工作。問到男友支唔支持佢？佢話：「我哋都拍咗幾年拖，佢好支持我。（佢做白老鼠幫你試味？）成日幫我試，但佢話好難食。（咁比賽點算？）我預咗做地獄廚神！」
相隔十二年《美女廚房》正式回歸，主持張振朗首集已經食到屙，蕭正楠大爆評判洪永城對蝦蟹敏感，結果食到氣管收窄、呼吸困難！曾狂踩女友黃翠如廚藝的蕭正楠，拍完節目才知道女友廚藝不差，想請她上節目，作廚藝大平反。
無綫經典節目《美女廚房》主持蕭正楠、張振朗昨日率領18位美女學徒出席宣傳活動，一眾美女學徒中有藝人亦有索爆素人，齊齊穿上超短裙曬腿示人，相當吸睛。
蕭正楠與張振朗透露日前開拍了首集，不過張振朗拍完第二日即肚屙，他笑說：「原來真系會屙㗎！嗰日有兩三道菜，有蝦有蟹，第二日就屙咗兩次，都未屙到脫水嘅！」蕭正楠笑言自己一日屙兩次，故沒有特別感覺。問到二人會否為節目增磅，以防屙到變瘦？他倆齊齊笑指：「好似都要喇！」目前暫未知道要錄多少集節目，問到最怕面對甚麼食材？張振朗說：「最驚系唔熟！」
召喚翠如曬廚藝
雖然未能透露嘉賓名單，蕭正楠就爆料指首集評判是洪永城，但對方對蝦蟹敏感，當日的菜式只有蝦蟹，吃到洪永城氣管收窄、呼吸困難！蕭正楠說：「我覺得未必系啲蝦蟹令佢呼吸困難，可能佢系望住啲美女學徒系咁扯蝦，佢唔系扯其……他嘢喎！」至於可會請女友黃翠如上節目做嘉賓？他說：「未請，希望佢都嚟，我成日咁踩佢，其實佢真系唔差，要幫佢平反，我諗公司會安排！」蕭正楠又笑指如果翠如做嘉賓，他給滿分都不會有人介意。不過，黃翠如接受電話訪問時說：「叫佢唔使咁好口喇，冇用㗎！等我練好啲廚藝先上去做嘉賓啦！」
伍樂怡煮嘢OK
美女學徒之一的伍樂怡，指自己廚藝OK，她喜歡煮中菜：「以前喺加拿大都有煮嘢食，母親節都有煮畀媽媽食，我鍾意食三餸一湯。」不過她準備在節目中煮西餐，笑言要煮中式西餐！據知，新一輯的《美女廚房》會保留傳統，展示藝人雞手鴨腳的一面，不過賽制會有所改變，評判將不會知道所吃食物由哪一位嘉賓所煮，而首集的評判將會是農夫及洪永城、第二集的評判則是黃浩然及曹永廉。