譚嘉儀都覺得唔好意思。
場境有呢啲鏡陣。
歌手譚嘉儀最近為劇集《白色強人》唱的插曲《Can You Hear》high爆，大獲好評。有居於西貢泥湧石灘附近的讀者投訴，指早前目睹嘉儀到上址拍攝這歌MV，拍攝後石灘不同位置就出現多個大型鏡櫃，雖然日前幾個鏡櫃已搬走，但石灘還剩下一個未清理，附近仲有鏡片碎片，他認為保護環境人人有責。
日後多加留意
據知亦有人在社交網斥她嚴重破壞生態環境、欠公德心，更以「惡行」形容她，嘉儀回覆時說：「前幾日我知有呢件事，話我哋毀壞環境，導演知道後都有喺網上道歉講對唔住，承認系製作人員嘅疏忽，可能當日拍攝完因為落大雨，所以大家狼狽下唔小心遺漏咗啲道具冇執到，據我所知導演翌日已即刻搵人入去清理，我都想講聲唔好意思，我自己都好鍾意海洋，都唔希望破壞環境。」
她表示會再將投訴轉告導演，相信導演絕對會再檢查清楚，如果有遺漏一定會清理，她說：「我都會代佢哋講日後會多加留意，尤其系拍外景一定會小心，呢個系責任問題。」
導演：會Check多次
嘉儀所屬的星夢唱片公關回覆：「其實當日唱片公司真系唔知佢哋拍完MV冇清理到，正常系導演組會負責曬，我哋都系見有人留言，即刻同導演講要處理件事，佢都有道歉仲即晚搵人入去處理，我哋都多謝有人公開事件，等我哋知道有咁嘅事發生，督促作製作組以後要小心處理事情。」得知現場還剩下一個鏡櫃，唱片公司指即再聯絡導演，導演表示明早會再搵人去double check：「可能眼大睇過龍，但佢話會再check多幾次。」
看港劇關注微信公眾號TVBCCC