入行25年，已經貴為TVB雙料視後的田蕊妮，踏入40歲，決定重返樂壇做歌手再出碟，無綫首席花旦升呢做埋星夢娛樂一姐，阿田更獲公司全面力撐，特許她今年停劇瞓身錄碟，更落重本力谷她殺入樂壇。之前掛住生B的吳若希，見新一姐來勢洶洶，亦驚青同公司拍曬心口表示年中會由澳門搬返香港住，更押後生第二胎！
06年由亞視殺入TVB ，田蕊妮在13年憑《巨輪》奪臺慶頒獎禮雙料視後，演技被肯定，但其實阿田一直有另一心願，是希望得到觀眾認同她一樣唱得。
田蕊妮93年參加亞洲電視舉辦的「未來偶像爭霸戰」，憑演唱關淑怡〈一首獨唱的歌〉摘下金獎。
田蕊妮向無綫請假停工一年，日前就約了一班朋友去銅鑼灣行街，休息左一排的她，望落精神煥發，淡妝之下皮膚白滑非常省鏡。
早於93年田蕊妮已對唱歌充滿理想，參加當年亞洲電視舉辦的「未來偶像爭霸戰」奪得金獎，可惜當時亞視未有唱片部門，令阿田冇機會出碟，反而轉去拍劇，95年拍第一個劇《縱橫四海》演技受讚，從此劇集一部接一部，觀眾似乎亦忘記了她當年是歌手出身。
據知情者透露：「阿田呢幾年喺無綫發展真系好順利，但佢對當年未有出碟一直耿耿於懷，佢一路都好想再出碟做歌手，雖然14年得Paco(黃柏高)賞識佢，籤左太陽城娛樂出過一張唱片，但嗰時佢喺無綫上緊位，劇接劇冇停過，根本冇時間宣傳爭取更好成績！佢覺得嘥左機會，覺得好可惜！」
已經踏入40歲，阿田唔想再拖，決定再圓歌手夢，難得獲TVB力撐，阿田已籤約TVB旗下何哲圖揸旗的星夢娛樂，正開始籌備新碟，據知情者透露：「阿田好想擺多啲時間去唱歌，還自己一個心願，加上公司全力支持，所以佢決定停劇一年，只會間中做嚇主持，其他時間就放曬唱歌方面，依家已經揀緊歌，公司好錫佢，畀佢停工做碟之餘，仲答應會放曬資源，全面力谷佢呢張唱片。」
06年加盟無綫的田蕊妮，13年憑《巨輪》成雙料視後，從黃秋生手上接過獎項的她，喊到收唔到聲。
田蕊妮對當年未有出碟一直耿耿於懷，一路都好想再出碟做歌手。
田蕊妮加入星夢做一姐，曾經是公司頭寵的吳若希，之前因為掛住結婚生女，老闆何哲圖又錫佢，畀佢生完BB放足半年產假，但咁巖嗰時新人菊梓喬彈出，公司自然全力力谷，吳若希見菊梓喬上位，自己嘅地位受動搖，自己再唔努力聽執包袱：「佢知道公司籤左阿田嚟緊仲會出碟，已經好緊張，驚公司唔睇佢，即刻答應老闆話遲啲會搬番香港住，會放番重心喺香港發展，仲會延後生B，咁話曬阿田系無綫一姐，佢明知公司今年會將資源擺重阿田度，都同公司講話想去拍劇，諗住多一條出路蘿！」
去年四月誕女停工休息的吳若希，一度失勢被公司新人菊梓喬搶曬風頭，上年10月才急忙復出收復失地；但近日又得知星夢會全面力捧新一姐田蕊妮，寧願同老公分居，都全面搬回香港搏殺，更即要求公司畀佢拍劇，5月入劇組拍《多功能老婆》！
近來在公司失勢，人氣又下滑，吳若希激罕頻頻曬B女相，連老公瞓覺相都出賣，為呃like谷人氣，乜都做齊！
歡迎分享至朋友圈