藝人翟凱泰（泰臣）貴為2018年元旦「好運1月1」賽馬日的「好運之星」，對新一年充滿希望，又自覺人生最好運就是成為演員：「可以做自己想做嘅野已經好好運，入行之後又會諗呢行會唔會好難搵食呢？冇人關照嘅話點算？又好好彩入左劇團，離開劇團又搵到經理人接觸電視圈。」生活上，他認為偶爾獲得一些小甜頭已足夠：「揸車泊車有表位已經覺得好開心，我系一個好易滿足嘅人！」
不過幸運背後，原來泰臣亦經歷過失意期，他說：「始終做演員唔能夠寫包單一定穩定，試過有一段時間冇野做，因為我的唔系全職工作，又要Keep住人氣，突然之間冇工作就會蘿蘿攣。戶口跌到幾位數一定試過，因為演藝學院畢業後做劇團，能夠工作嘅崗位比較少。」他坦言試過一日三餐以麵包充飢：「慳啲慳啲咁食，晏晝都系食麵包，有個師兄當左八達通，我就買一磅麵包排戲時食，唔系話冇錢買飯盒，系唔夠膽買，慳得就慳。我又未至於要當八達通，但心情一樣好擔心，會諗自己系咪適合呢一行呢？」
幸而他沒有放棄，更以搞笑形象成功入屋，贏得觀眾支持。擅長模仿的他坦言由舞臺劇轉演電視劇，當中需要過渡期：「舞臺劇系同1,000個觀眾Live，同呼同吸，電視劇就系剪好後再首演，演繹上都好唔同，好多拍劇嘅人都話『你演技可唔可以唔好咁誇？』我的做舞臺劇嗰個舞臺太大，手腳移動幅度大啲，但拍劇要收窄喺個電視畫面。依家做左幾年電視電影，開始拿捏到點樣可以寫實啲。」
陳志云為OTT平臺OpenSky.tv主持節目《大開眼界》推介節目，還披露18年來在無綫的秘聞。無綫每年的盛事《萬千星輝頒獎典禮》下月將舉行，陳志雲可謂無綫臺慶頒獎禮之父，他說：「我記得系我提出，建議可唔可以做頒獎禮，當時做緊節目部總監，當然唔同部門都有意見，獎畀得呢個，驚有啲同事唔開心，最後落實製作部去做。初時大家好開心，做頒獎禮某程度可以懶啲，因為頒獎禮喺臺慶裡面，咁其他野就唔使點度，後來方小姐（方逸華）話唔得，叫分開嚟做，一直到今日。」
今年視帝以王浩信及馬國明呼聲最高，再三要求下，「臺慶頒獎禮之父」陳志雲於「不公平」下揀了馬國明，他笑說：「冇睇好邊個，因為兩套都冇睇，王浩信唔系好認識，馬國明我就認識多啲，憑對佢認識，當然希望馬國明攞，但唔代表王浩信唔好。馬國明系非常好嘅人，好謙虛，冇乜野心，有得做就開心嘅演員，系一個天真爛漫嘅鄰家男孩。」
劇集爭檔期爭崩頭，那麼視帝、視後豈不是更激烈，陳志雲直言他的年代沒有傳聞所說的籤約換獎這回事，他說：「你睇番以前攞過視帝、視後都唔一定系TVB經理人合約。當時制度觀眾投票佔一定比數，內部評審系佔好重要嘅元素，內部評審嘅票系會影響到結果，但系當時內部系好公開、透明咁討論，內部自己角力系會爭崩頭，系會講到反面、面紅耳赤，呢啲真系有嘅，講唔掂咪搵高層去定奪。」陳志雲又指當時沒有藝員向他埋堆爭取獎項，但他相信會向監製層面爭取，他亦覺得並不是壞事。
早前藝人何佩瑜（Jeana）就喺社交網站上載一張在醫院接受靜脈注射治療的照，指佢在家洗澡時跌倒，仲𠝹損左大腿搞到要入醫院做手術放膿。呢日何佩瑜又喺社交網上傳自拍，仲留言：「己（已）經一個星期了 想回家～」相中見佢眼泛淚光，單手遮面，真系睇到都戳佢慘慘豬呀！一班網友睇見都留言為Jeana加油打氣，叫佢保重身體。
話咁快仲有幾日就到聖誕喇！早前藝人洪天明被指疑在內地拖女入酒店，不過就完全冇影響佢同老婆周家蔚（Janet）嘅夫妻關係，周家蔚仲對老公好信任添。呢日周家蔚就喺社交網上傳佢孖兩個仔洪大仁（TJ）同洪竟琋（JT）準備聖誕裝飾嘅川，片中TJ好百厭咁將裝飾掛落Janet度，不過Janet一啲都冇嬲，仲都嘴嗌TJ同佢錫錫，TJ當然唔會拒絕喇，仲好溫柔咁同手仔託住Janet個面先錫，認真冧到暈呀！唔知天明睇到會唔會押大仔醋呢？
樂壇天后容祖兒（Joey）向來都深受歡迎，唔少粉絲都好想同偶像有一個近距離嘅接觸。而內地演員杜江嘅仔仔「嗯哼」就得到呢一個好機會，Joey仲主動獻吻添！不過「嗯哼」竟然拒絕左Joey嘅要求，唔少網友都大叫好可惜呀！
今日Joey就喺社交網上載左多段同「嗯哼」見面嘅影片，並留言：「第一次跟這小鬼見面，果真沒讓我失望，古靈精怪。我覺得他非常優秀，還一口氣鯨呑一碟煎餃，盡顯男了（子）漢本色。我要親你咯~~~第一次被拒絕得那麼開心。 」片中可見坐喺「嗯哼」身邊嘅Joey不時向佢獻吻，不過「嗯哼」就一手拒絕左Joey嘅獻吻，而且仲繼續玩檯面上嘅裝飾，搞到Joey一面無奈。但系Joey依然抱住永不放棄嘅精神繼續獻吻，而「嗯哼」為左拒絕Joey獻吻，仲諗住起身走人，不過就畀Joey捉住左而且仲除埋佢對鞋添！
歌手盧巧音（Candy）於麥花臣場館為一連兩場的演唱會舉行尾場，獲老公Sammy、林曉培撐場，全場爆滿。甫開場，Candy以一襲白色長裙出場，唱出《送魂經》。唱《沮喪》之前，Candy表示自細唔系好識講野，亦有少少自閉，淨系會望住電視機，不過自己都好鍾意呢種孤獨，笑言：「我唔講野唔表示我乖，我都有犯校規，都有少少沮喪。」之後Candy換上銀灰色造型，喺臺上話自己今年43歲，去年先開始跑步，而跑步由運動變了人生嘅一個Checkpoint：「好多人都叫我唔好跑，但搵到人生嘅Checkpoint系對自己嘅承諾，同自己講一定要做到，其實大家都有自己嘅Checkpoint，要記得自己嘅價值，要愛自己。」並唱出《三國志》、《落地開花》、《垃圾》。
去到中段，Candy穿上貼身黑色花花連身裙再度上臺，表示自己入行20年遇到好多唔同嘅人，而自己都用唔同嘅態度對其他人：「我以前對人都唔系好好，有啲朋友因為我對佢的唔好而對我唔好，不過呢啲都系人生嘅功課，只要你珍惜朋友就唔會對佢的唔好。我要多謝愛我、憎我、講我好話、壞話嘅人，畀左唔同嘅人生功課我。」
藝人陳敏之與唐文龍在劇集《溏心風暴3》中搞婚外情，二人的激情戲頻頻挑戰電視尺度，在今晚一集中繼續灑鹽花，唐文龍為與情人陳敏之享受獨處時光，竟然放下胡琳妻女秘會敏之偷情。
半裸的唐文龍「胸壓」陳敏之大曬厚實背肌，令女粉絲們大飽眼福。在二人纏綿過後，唐文龍因塞車最終未能趕上女兒的朗誦比賽，心生愧疚的他忍不住掛斷敏之的電話，後來又拒接她的電話，令二人的一段不倫關係出現裂縫。
出名靚聲的王灝兒（JW）將於明年1月，初嘗紅館開騷的滋味，為以最佳狀態完成夢想，在男友督促下勒令戒口兼積極操Fit，望練到腹肌來應付演唱會。一向為食的JW直言戒口最難頂，但為了處女騷無論幾辛苦都值。
入行7年的JW終於在明年1月登上紅館，舉行首個處女演唱會。最近JW密密做運動Keep Fit，更找來健身教練進行地獄式訓練。她透露一有空就會去做Gym和排舞，身形亦比以前清減不少：「好開心瘦左！雖然系辛苦，但系值得嘅，始終都系第一次紅館演唱會，一個咁難得嘅機會。」問可有因地獄式訓練而頂唔順？她稱幸好教練是逐步加強訓練，又揚言想練到有腹肌，但同時間要在飲食方面多下苦功：「距離演唱會仲有唔系好耐，已經開始Cut Down曬所有油膩、高熱量同埋澱粉質，仲要戒甜品、鹹嘅野，要食得好清淡。」問向來為食的她可有忍不住偷食？她大呻戒口最辛苦，不過有男友在身邊督促自己：「夜少少肚餓想食野，佢就會話我！」
奧斯卡金像影后珍妮花羅倫絲（Jennifer Lawrence）與導演男友Darren Aronofsky兩個月前傳分手，而前日二人就被傳媒影到在紐約抱狗外出，因而被傳翻撻。不過有知情者二人分手後仍是朋友，尚未正式複合。知情者說：「佢的分手後從未停止交談。佢的好關心對方。佢的只系睇下發生咩情況才決定系咪複合？」據知二人將又再「分別」，Darren之後會前往荷蘭阿姆斯特丹。
由藝人夏雨、李司棋、米雪、關菊英等孭飛的無綫劇集《溏心風暴3》，播出以來的內地網上點擊率億億聲，成績絕對不俗。而劇中演富家女的莊思敏，亦與眾前輩不乏對手戲，日前她接受東網訪問，表示角色根本看不起背景比她低的人，故經常藐嘴藐舌示人，為免令前輩們誤會，所以埋位前也有預先跟眾人備案。
雖然未有被前輩們責怪，但莊思敏透露完成幾個月拍攝後，基於太入戲關係，結果把角色帶入現實生活中，她謂：「間中都會拎出嚟用，對阿妹有，多數用嚟對朋友，自己唔覺，系有朋友留意到我做乜成日藐人（觀眾反應？）都好好，有少數人會憎我，但睇留言都知系憎我嘅角色啫！」談到戲裡戲外均是有錢女，問到現實中可有遇過黐飲黐食的朋友？莊思敏謂：「讀書時有個同學成日話唔記得帶銀包，唔知點解，食親野會話多除少補，但永遠除漏自己，你問佢食唔食薯片，佢話唔食，之後買返嚟系佢食曬，後來有一次食飯，朋友好奇問張單幾錢，先發現原來佢又冇除自己嗰份，呢個人梗系慢慢疏遠，依家唔系朋友啦！」