今日快報
與林峰成大熱！王浩信遭張振朗截擊帝位危危乎
《萬千星輝頒獎典禮2020》將於本月10日舉行，視帝、視後戰況比「開戰」時激烈，王浩信及林峰依然是大熱，不過浩信面對林峰直呼「好驚」！而連播5劇的張振朗忽然殺出，後勁凌厲，新劇中「宅男」角色討好，隨時跑出鏈贏兩位師兄。視後方面，龔嘉欣連日來於活動中出力「拉票」，但談到爭獎心情，她直言由緊張變成放鬆。
王浩信是近年無綫臺慶劇臺柱，今屆再憑人氣劇集《踩過界II》「盲俠」一角競逐視帝，雖然《使徒行者3》的「爆Seed」林峰獲網民齊呼要助他打破提名16次皆「捧蛋」的宿命，但正當浩信都表示師兄林峰走勢強勁，直呼面對他「好驚」之際，其好兄弟張振朗最近亦愈戰愈勇，連續5劇《機場特警》、《反黑路人甲》、《使徒3》、《踩II》及《堅離地愛堅離地》播出，每套角色均大有發揮，憑《反》劇「高彬」一角爭視帝的他，連裸跑都肯，有力狙擊兩位師兄。
龔嘉欣爆喊戲洗曬版！張振朗拒黑歷史再曝光︰寧願冇獎
張振朗、龔嘉欣、劉佩玥及丁子朗等昨日在電視城為TVB劇集《堅離地愛堅離地》宣傳，嘉欣等一眾女演員以「女僕Look」上陣大玩遊戲，相當吸睛。
講到她日前一場爆喊戲，成功引起網民熱話，她與振朗齊齊受訪時表示：「其實都唔記得咗，話曬3年前，之後網民cap圖，啲回憶返曬嚟！記得嗰排嚴重唔夠瞓嘅，雙眼又好乾，好彩振朗傍住，平日我唔容易喊?。」振朗即謂：「嚟緊我哋仲會有場飲醉酒、破壞公司嘅戲，拍嘅時候玩到癲，成牆都系茄汁，真系好好笑，記得要睇。」
活動期間他多次為自己主唱的主題曲「賣廣告」，被記者重提他參加新秀的往事，想不到他煞有介事：「依家系生鏽，唔好再提呢啲黑歷史啦，當年造型同唱功都得人驚，輸系有原因嘅，大家忘記佢，千祈唔好搵嚟睇。（寧願臺慶唔攞獎，都唔想條片被瘋傳？）都系?。」而嘉欣則坦言會再與羅天宇合唱，亦不排除染指歌唱界：「自己拍嘅劇集唱番主題曲，特別有感情。」
賴慰玲感滿足視演員為終身職業
賴慰玲（Winki）向來演技不俗，於劇集《反黑路人甲》演社團大家姐一角，表現相當壓場，另方面與拍檔張振朗歡喜冤家形象亦擦出火花，深得觀眾喜愛，結果首度打入《萬千星輝頒獎典禮2020》的「最受歡迎電視女角色」及「最佳女配角」候選之列。
回想當日揭曉入圍名單，當宣布她有份角逐女配時，現場歡呼聲不斷，Winki表示意想不到，再加上身邊「你值得攞、好想你攞」聲音不斷，更令她感動到眼溼溼。對於奪獎呼聲高，她卻嫌虛表示：「我覺得雪妮姐呼聲都好大，佢亦都系我一個好尊敬嘅前輩，佢得獎我都非常之恭喜！（你個角色好多人討論！）上年我主要出咗呢套大迴響嘅劇，都算系有一啲收穫，好似大家再睇多咗我一啲，成個劇我都好鍾意，所以好想攞埋『最佳劇集』！
（有冇野心想攞獎？）我唔能夠預計嘅嘢，唔敢抱太大期望，好期待呢1個party，期待其他朋友喺臺上面攞獎，對於自己唔敢諗太多。（有壓力？）唔敢期望太大，平常心去面對，結果系點都容易啲去接受。（勝算幾多？）都系一半半，10幾個對手，有人睇好已經當贏咗！」更指拍攝時振朗不時從旁協助，故希望對方也能於頒獎禮有所收穫。
（圖片均來自網絡，如有違規請聯繫刪除）
特別聲明：以上內容(如有圖片或視頻亦包括在內)為自媒體平臺「網易號」用戶上傳並發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.