網民成日話無綫花旦近年買少見少，仲愈來愈少人睇電視，不過其實都有唔少有潛力女藝人等緊上位！除了今年力爭視後的李佳芯、漸漸上位的麥明詩、馮盈盈等外，仲有呢位外表極出眾、但籤約無綫後卻從未有演出的前華姐佳麗，就系被譽為史上最靚華姐亞軍的林宣妤！
大家都知TVB近年陷入花旦青黃不接的時期，所以除了力邀舊人回巢，就系瘋狂捧女藝人，特別系香港小姐出身的藝人，好似陳凱琳、蔡思貝、麥明詩及馮盈盈等都被上頭欽點力谷上位。但系出鏡機會多就唔代表觀眾喜歡，仲可能會有反效果？
另外，都唔系個個女藝人都全副心機喺大臺搏殺，好似香香公主岑麗香咁，16年與圈外男友強強結婚，今年六月時宣布與無綫完成七年合約並不再續約，之後承認已跟王祖藍旗下經理人公司籤合約。
而另一位前途無限的港姐冠軍陳凱琳亦是愛情大過天，今年八月與鄭嘉穎拉埋天窗。
視後胡定欣近日亦盛傳離巢！
雖然高質花旦買少見少，不過大家唔使擔心！因為兩位2017年國際中華小姐佳麗餘思霆同林宣妤都已經系大臺中人，餘思霆最近都曝光率漸高，之前有份主持蕭正楠、曹永廉的《兄弟大茶飯》；而林宣妤就比較特別，其出眾外表絕唔比任何一位小花輸蝕，不過籤約至今從未有任何演出，可能有機會成為TVB 2019年的最強秘密武器？！
1996年出世的林宣妤（Serene）今年只系22歲，來自馬來西亞霹靂州，於大學修讀食物及營養學系，另亦有擔任主持、代言及封面女郎等工作。林宣妤於Astro國際華裔小姐競選2016奪得冠軍、最上鏡小姐、全民女神三大奬項，在華姐決賽前已經系超級大熱，可惜最終只得亞軍！佢亦系繼楊秀惠後，第二個來自馬來西亞的華姐加入TVB大家庭。
來自吉隆坡的林宣妤有著典型美女嘅大眼睛、白裡透紅肌膚加上一把飄逸長髮，身材修長、儀態萬千，甜笑時散發陣陣仙氣，如果真系有機會睇佢拍劇，小編一定晚晚開電視！(題外話，Serene啲廣東話都算講得幾好，拍劇應該聽得明！)
當年有網民話林宣妤似Angelababy，又有人話佢似韓國女團少女時代成員允兒，而小編就覺得同韓國氣質女神宋智孝有幾分相似。似邊個就見仁見智啦，重點系似親都系靚女！
一位咁高質的靚女，籤約無綫後竟然從未有演出機會！唔通系TVB留作2019年的秘密武器？定林宣妤其實志不在此？
林宣妤只曾經喺無綫節目《雞年唱旺報新春》和《深夜美食團》擔任嘉賓。
林宣妤未拍過劇，反而演出過馬來西亞賀歲片《大大噠》。
另外睇番林宣妤幾年前的照片，雖然當時仍帶有幾分稚氣，不過已經系仙氣十足，天生麗質難自棄！