感情路上幾經波折的鄭欣宜，去年於演唱會上自揭曾跪地求男友不要離開的往事，受盡情傷的她，終於都能夠走出困境，近年既唱歌又拍電影，旗下的曲奇餅生意愈做愈旺，工作上站隱腳步，連感情亦有一番新景象，兩年多前和攝影師Silas Lee分手後一直單身的她，近來人前人後如沐春風，一副墮入愛河的冧樣！
日前下午3時多，欣宜和樣貌有幾分似藝人吳卓羲的大隻男並肩而行，當行到一幢商業大廈外，欣宜依依不捨地向對方飛吻告別，而兩個多小時後，大隻吳卓羲被發現仍在附近徘徊，他慢步行到欣宜旗下的曲奇店，點了些食物便坐下，並細心地幫食物拍照，未幾欣宜工作完匆匆來到會合男友，只見她和男友坐在店內有傾有講，冧滋滋的眼神和少女嬌俏的表情不時出現，頻頻和男友四目交投地甜笑。
大熱天時加上愛火燒得熱烈，肥妹欣宜亦開始頻頻流汗，只見她不停拭汗，同時拿出個壞掉的小風扇，男友man到爆地幾下手勢，將小風扇拆開再修理好，欣宜拿起風扇即吹向自己，一頭長髮隨風飄，欣宜更跳脫地圍住男友團團轉，開心到轉圈，如同18歲初戀少女。
欣宜和「大隻吳卓羲」對正街外而坐，良久終於發現記者鏡頭，兩人合拍地對著鏡頭揮手，雖然知道有記者在場，欣宜亦未有多避忌，甚至陪男友站出店外吞雲吐霧，自願食二手菸。其後記者上前打招呼，欣宜友善地揮手，並說：「呢個系我中學同學，影過好多次啦！十幾歲影到依家。」記者講到男友等了她兩個多小時，欣宜即甜笑說：「系咪？咁咪好蘿，good friend嘛！」當記者邀請他們合照，欣宜忽然扭擰，說：「我怕醜架！」繼而和男友call車走人。
「不老型男」張兆輝在《全職沒女》中的高富帥形象，為他吸納更多粉絲，有內地女粉更在微博私信他，主動邀上床！面對女粉的熱情，張兆輝揚言不會剝奪她們的幻想權利，但稱已找到世上最索的女人，正是其「跟得夫人」輝嫂，乘機冧太太！
無綫熱播劇《全職沒女》今晚大結局，張兆輝、陳瀅、張振朗、王卓泣及謝東閔等一班演員已約好今晚齊齊食飯收睇。自劇集播出後，除了讓陳瀅在網上搜尋率躍升20倍外，更讓不老型男張兆輝成為內地女粉絲的「幻想對象」！
張兆輝坦承收到不少女粉私信，稱要與他上床，又話「戀上你的床」，內容大膽，他說：「睇完得啖笑，以前啲女影迷會讚我有型，依家竟然話要同偶像上床！不過畀人幻想嚇都得嘅，我唔介意！（唔擔心女粉絲講得出做得到？）唔擔心，我平時返內地工作，收工就返酒店，唔去應酬，加上近期太太都多左陪我返內地，所以唔擔心有女影迷會搵到上房！」
影壇紅星狄龍的獨生子譚俊彥（Shaun）於2015年榮升爸爸，女女現已一歲半，日前被東網直擊他帶太太及女女相約父母狄龍及陶敏明飲茶，驚見Shaun太太腹大便便，目測懷孕約五個月，而且肚尖疑似佗仔。雖然狄龍將再度做爺爺，但緊張大師上身的他，不斷哦Shaun要好好照顧太太，對方低頭密密聽，又搭爸爸膊頭示意叫他放心，見狄龍不時冧笑，顯然對再度抱孫表現興奮。
雖然狄龍將再抱孫，但他沒厚此薄彼，仍舊疼錫孫女，食飯時孫女扭計即帶對方行街，撞到影迷時又大方談湊孫經。一家人飲茶後轉戰玩具店，狄龍全程抱實孫女，又讓對方任揀玩具。而陶敏明則與囝囝及新抱睇BB衫，見Shaun手執連身衫仔，與太太左揀右揀，最後揀幾件B仔款的連身衫後埋單走人。
46歲的演員陳松伶（松松）相隔10年，再效力無綫，接拍劇集《全職沒女》，被安排與張兆輝擦出「愛火」，外界反應相當受落。談到今次「復出」，松松笑謂：「未試過演相差咁大嘅角色，畀劇本吸引左。（容易適應？）可以嘅，拍得算輕鬆，休息時間算足夠。今次同一班後起之秀好似張振朗及陳瀅等合作，覺得佢的好用心去演，直至依家我的都有保留group chat溝通。」
戲中扮演沒女的松松，現實生活中卻幸福滿瀉，她更自爆與老公張鐸有協定，就是彼此即使工作需要，每次分開也不可超過兩星期：「所以今次返嚟拍劇，機票錢好貴。其實好驚佢嚟探班，因為佢會管我嘅作息時間同飲食，一到凌晨12點佢就會話收工啦，夠鍾瞓覺勒。」
前日（3號）系唐詩詠36歲正日生日，當日詩詠於大陸出席好友們周家蔚、曹永廉（阿廉）等旗下品牌的活動，壽星女詩詠當日以一襲紅裙示人。眾人於活動中，更送上蛋糕給她驚喜。
詩詠接受東網訪問時，坦言今年生日在佛誕覺得很有緣分，而她與一班好友們工作完畢後亦到機場吃了一餐飯，她表示生日於工作度過相當開心。問到之後會否與家蔚、阿廉等人齊齊合作做生意時，詩詠不諱言之後都會跟他們有不同的合作。此外，提到有指她與好友黃翠如齊齊於中環飲野、行街，詩詠就話：「哦！冇乜特別，都系生日前大家飲嚇野、食嚇飯啫！」
歌手李幸倪（Gin Lee）唱得就系人都知，但估唔到佢身材一樣好得，平時密密實實嘅佢，為嚟緊嘅半馬拉松賽做足準備。半夜時分，穿起小背心加短褲去練跑，當佢跑到香汗淋漓之際，佢就拎起部手機拍短片，仲將條片放上社交網同粉絲分享，證明佢系幾咁有毅力。不過網友就放錯曬重點，將個焦點落左系佢胸前，由於Gin Lee真系跑得太快，胸前上下激盪加上佢成身溼曬，成個畫面非常震撼，再加上佢跑步嘅喘氣聲，真系令人想入非非！
童星出身的藝人黃文意（Mandy）早前於無綫節目《3日2夜》中水著上陣，大騷36D「最強BODY」獲封為童顏巨乳系女神，更撼贏一眾「咪神」師姐，成為無綫新一代咪神！不過，Mandy卻謙稱身材不及其他「咪神」，更自爆愛著「阿婆內衣」修身：「其實由細到大對自己嘅身形冇羊自信，因為我系微胖型嘅女仔，唔似其他咪神身材咁弗，有埋馬甲線，所以我通常會包到實一實，甚至著埋阿婆內衣，希望將上圍收收埋埋，睇落唔會咁顯肥。」
正所謂「人紅是非多」，外界質疑Mandy的飛彈身材經人工改造，她強調是純天然：「其實多左人留意我之後，好多人會直接問我上圍嘅SIZE，佢的好好奇系咪真系有F CUP，亦有人覺得我有加工過，但我要澄清真系冇後天加工，同埋要多謝媽咪送畀我呢副好身材。（會唔會考慮隆胸？）當然冇，我好怕痛，加上我覺得上圍已經夠用。」
藝人張曦雯（Kelly）出席泰國食品節活動，透露非常喜歡吃泰國食品，除了有辣的美食外，還有她至愛的榴槤，笑指也於活動前問經理人會否有榴槤吃，她謂：「我今年仲未食，冇人陪我，試過畀屋企隻貓食，佢擰歪面唔肯食，惟有同家人分享，或者食唔曬就放冰箱度，雪完當雪糕食。」
談到鄧佩儀拍攝無綫網劇《降魔的番外篇—首部曲》時，吊威吔不慎拉傷背部韌帶，劇中演佩儀家姐的Kelly表示當時不在場，寄望「妹妹」快點康復，更謂：「我同佩儀都多對手戲，不過我就未開始拍，未知佢依家羊情況，淨系知佢要休息一個月，本身上個月我都有幾場，依家都要延後到另行通知。（佩儀要辭演《誇世代》！）系可惜，但放棄拍系明智，否則再受傷就仲麻煩，女仔第時要生小朋友嘛！我以前喺美國都喺冰度跣過幾次，所以第時生仔都驚痛。」
女星張敏多年前轉到內地發展後已甚少露面，近期高調表示將會復出，即引起外界關注。佢日前透過微博上載自己同玉女掌門人周慧敏嘅相片，仲寫左首情詩比對方，立即引起大家揣測佢的嘅關係有多好。東網聯絡上喺內地嘅張敏，佢話：「因為我的細細過時已經拍戲合作，我的之間系好純潔嘅友誼，唔系外界咁嘅形容。只不過系嗰晚我諗起佢，所以就寫左首詩畀佢，就系咁簡單。」
2017新版《射鵰英雄傳》以全新演員陣容，配以經典武俠場景，以及一代「楊康」苗僑偉助陣飾演「黃藥師」，播映後旋即在內地引起轟動。新版本還買下1983年版本的經典主題曲《鐵血丹心》，藉此經典繼承血統，勾起觀眾們不少回憶情懷。
由內地新演員楊旭文、李一桐與香港演員苗僑偉等主演的新劇《射鵰英雄傳》，將於下周一（8日）起晚上八時三十分首播。作為經典小說改編電視劇，2017年新版《射鵰》是繼無綫製作的1983年版本後再創經典，成功在內地引起熱話，吸引無綫斥資購入播映權，緊貼熱潮在港播出。
藝人陳瀅（Jeannie）與張振朗在劇集《全職沒女》中歷盡離合，在明晚的大結局將會上演一場身貼身肉緊床戲，張振朗巨胸壓住穿上喱士吊帶裙的Jeannie，場面香豔！Jeannie接受東網訪問，指拍攝時二人不算太熟而感尷尬，事後振朗竟向她表示「唔小心整到佢」，聽到後勁尷尬！講到在劇中頻頻性感演出，Jeannie指今次是最性感一次，曾在寫真中全裸上陣的她說：「同演出系兩樣野，寫真系曬美感，今次系透過服裝同姿勢去嘗試性感。」
講到張振朗頻頻曬Body，由首集裸泳到結局演床戲，Jeannie爆料指振朗在拍攝時經常當眾換衫，笑言：「應該要對自己身形負責嚇！」曾被振朗寸要減肥的Jeannie，更反擊對方沒有吸引力：「佢唔著衫出左名啦！佢身形？可以再弗啲蘿！仲話我肥喎，我就覺佢太瘦，男仔起碼要大隻過我，佢反而要谷脹啲先夠Man！」二人互轟對方身材，Jeannie笑指振朗拍攝時其實好紳士，要替對方加加分：「其實佢仲尷尬過我，又驚我會唔舒服，其實佢都算靚仔，要讚番嚇佢！」
藝人黃宗澤（Bosco）出席品牌活動，講到同場有韓星宋慧喬，他大讚對方靚女，希望可以見到她真人，問到可會集郵？他謂：「今日拍劇時導演都同我講話叫我去攞張籤名相或者唇印乜都好，我話佢咁大貪。」他亦謂對方很有氣質，覺得女仔最緊要有氣質，講到他讚喬妹有氣質，其日籍模特兒女友Jun可會押醋？他則：「冇野。（你會唔會喺佢面前讚宋慧喬有氣質？）等我學嚇氣質嘅韓文系點講先，我覺得正常討論系OK嘅。」
他又謂本身諗近日頻頻見記者，想不到可以講甚麼，但豈料今日有報導寫他和黃翠如，但笑言記者又不問他翠如，之後記者就問他此事。講到有指他拍《塘心風暴3》時猴擒攬啜翠如，他即謂報導是得啖笑，又笑言下次叫翠如唔好挨埋嚟睇劇本，問到有指翠如男友蕭正楠押醋？他則謂：「佢點會押醋，系都押左上次先，我同翠如拍《幕後玩家》嗰陣仲激啦，今次我的只系歡喜冤家，錫嘅鏡頭一定有，但冇上次咁激。（下次會唔會同翠如避忌啲？）我、翠如、阿蕭、阿聰（張繼聰）拍完《幕》好似4兄弟咁，我個日同阿蕭講有記者咁問我，佢仲話翠如系男人，所以呢啲得啖笑。」他又謂今次有緋聞怪自己口臭：「上次見記者時我仲話今次拍劇零緋聞，點知口臭啦，下次唔好亂講野。」