「TVB老戲骨」自爆曾經追過薛家燕，被棒打鴛鴦
呢排，「TVB老戲骨」于洋接受傳媒採訪，渠自爆曾經追過薛家燕，佢仲話「好正常，後生仔女約埋去飲嘢，（記者問到拖過手？）好溼碎啫」，佢仲大笑自稱系老實人。
于洋喺70年代已經喺加拿大定居開餐廳，1998年薛家燕搵佢回流拍攝《真情》飾演渠老公，渠自從加拿大、香港兩邊飛，開開心心拍劇打發時間，好似閒雲野鶴啖又過咗廿幾年。
于洋後生嗰陣同薛家燕合拍過電影，據悉薛家燕系渠初戀。于洋話：「後生仔女，大家開心去party跳嚇舞，渠靚女、清純又乖，我開一部Alfa Romeo GD2000去約渠，當時嚟講系好top慨跑車，得閒就請渠去飲咖啡。」
有一次薛家燕去日本拍戲，于洋跟埋薛家燕去日本，送一個行李箱慨零食凼薛家燕開心。于洋仲話嗰陣後生仔有時約呢個女仔，有時約嗰個女仔，就因為咁，薛家燕阿媽嫌于洋唔夠專一，從中阻撓。
除此之外，于洋仲講到：「薛家燕阿媽唔鍾意我，因為我嗰陣比較活躍，生活方式比較高級花弗一啲，渠聽人話：『于洋玩得好犀利，唔好啊。』，最後畀佢啊媽棒打鴛鴦」
梅小青傾到佢哋會參演《法證先鋒V》，否認急改結局
熱播劇集《法證先鋒IV》喺將軍澳電視城宣傳，日前公布第26集收視高達36點，對於有指劇集急改結局計劃再開第五輯，並搵嚟兩位「TVB視後」佘詩曼、鍾嘉欣坐鎮。
總監製梅小青就大賣關子話：「大家留意大結局就自有分曉，呢個結局就連演員都唔知，結局就冇改過，因為劇本要送檢，所以一早就寫好。」
記者問到對於佘詩曼、鍾嘉欣會回巢參演？梅小青賣就話：「兩人都係佢鍾意嘅演員。」
前「TVB花旦」返香港要隔離14日，笑言乜都冇準備好
前「TVB花旦」李施嬅較早前到加拿大為新劇《血與水》（Blood＆Water）拍攝，因為疫情嚴峻劇組被迫暫停拍攝，於是李施嬅決定返香港。
李施嬅喺尋日傍晚5時45分，見到佢推住行李出抵港大堂，戴上黑帽、口罩、心口掛有迷你空氣淨化機，左手佩戴追跡手帶，影相期間佢向傳媒展示家居檢疫嘅有關文件。
終於返香港嘅李施嬅表示松咗一啖氣，並指等機票都等咗一個禮拜，好彩前晚收到好消息，可以即時改機票返香港。記者問到檢疫過程順唔順利？李施嬅指半個鐘內完成所有手續。
李施嬅表示已經Call車返屋企，然後進行家居隔離14日，所以唔出席《法證先鋒IV》嘅活動，又笑言未準備好隔離用品：「廁紙都未買，乜都冇準備，但香港叫外賣仔咁方便，都餓唔死，而且劇組人員問我要口罩，我都有畀佢哋。」
傾到劇集因為嚴重疫情停拍，李施嬅坦言未知幾時復工，又講笑今年係「隔離年」，希望疫情快啲平息。
（記者問到李施嬅，係唔係鍾嘉欣叫你去佢嗰度？）「係呀！我都唔擔心，因為屋企有小朋友，佢叫我去住、又煮飯我食，擔心我一個人，朋友都借車畀我開，喺呢個時候大家都好有愛。」
李施嬅再大爆「胡說八道會」好姊妹胡杏兒口出豪言：「佢講包機接我返香港，但後尾又講冇渠道，其實我知道佢講笑。（屋企人都放心？）反而擔心媽咪，佢喺多倫多自我隔離，叫佢唔好打牌。」
—— 分享新聞，還能獲得積分兌換好禮哦 ——