有人話：而家啲人越來越懶嘞，得閒鍾意做宅男宅女，都懶得同人哋交往、懶得拍拖。信奉單身主義、丁克一族越來越多。其實，原因有好多，好多人有恐婚症，當然系同原生家庭父母嘅不幸婚姻有關，擔心行翻上一輩人嘅舊路。唔想拍拖，除咗因為現代人嘅經濟壓力大，消費唔起戀愛嘅繁雜費用，好重要一個原因，系見慣咗離離合合，見多咗「翻轉豬肚就系屎」嘅戀愛實錄，好嗰陣時糖黐豆，唔好嗰陣時就水溝油，驚住喺戀愛當中，受傷嗰個系自己，由愛生恨嘅結局難以接受，就寧願唔去嘗試。
確實，現代戀愛、婚姻咁化學，閃婚閃離太多，戀人嘅「閃閃的紅心」令人強烈冇曬安全感。一旦婚變或者系失戀，鐵石心腸嘅咩事都冇，痴男怨女就背負傷痕，成咗容易受傷的女人（或者系男人）。
相信好多人都鍾意陳慧嫻演唱嘅《傻女》。呢首歌真系佢嘅經典作品之一。除咗因為旋律優美、扣人心弦，歌者把聲悅耳、清亮之外，涵義深刻嘅歌詞往往更加打動人心，引人共鳴。
《傻女》由M. L. Diego和M. T. Diego作曲，林振強填詞，歐丁玉監製。收錄於陳慧嫻1988發行嘅專輯《嫻情》之中。《傻女》同時榮獲1988年度香港電臺十大中文金曲獎和無線電視十大勁歌金曲獎。
第一大段：
「這夜我又再獨對夜半無人的空氣/穿起你的毛衣重演某天的好戲/讓毛造長袖不經意地/抱著我靜看天地/讓唇在無味的衣領上/笑說最愛你的氣味
我恨我共你是套現已完場的好戲/只有請你的毛衣從此每天飾演你/夜來便來伴我坐默然但仍默許我/將肌膚緊貼你/將身軀交予你/準許我這夜做舊角色準我快樂地/重飾演某段美麗故事主人/飾演你舊年共尋夢的戀人/再去做沒流著情淚的伊人/假裝再有從前演過的戲份/重飾演某段美麗故事主人/飾演你舊年共尋夢的戀人/你縱是未明白仍夜深一人/穿起你那無言毛衣當跟你貼近
Ha……
（第二大段歌詞，重複）
一睇上述歌詞，就好清楚：系情幻象、情幻想。一個失戀之後嘅女仔嘅呆坐，胡思亂想，確實系一位痴怨嘅傻女無疑。好多人都系慧嫻嘅歌迷粉絲，鍾意單曲循環反覆聽慧嫻嘅歌曲，比如《夜機》、《傻女》。聽講有多愁善感嘅痴情女子，同男朋友分手之後，莫名感傷，無處可訴，午夜無心睡眠之際，就一直播放《傻女》，傷心人惗傷心事，一個人孤零零，淚眼朦朧，坐到天光。
歌詞描述嘅情形就系噉樣，響萬籟俱寂嘅夜晚，傻傻呆坐，在夜半無人嘅夜晚，一位痴情女子響度懷念舊日嘅戀人，戀人已別她而去，佢惟有穿起舊日戀人留下嘅毛線衣，幻想著毛線衣就是舊日戀人，幻想著又回到從前兩人喺埋一齊嗰陣時嘅美好時光，眼前物是人非，睹物思人，自然系落寞非常、憂怨非常……
傻女啊，傻妞的故事。感情用事，畢竟內心愛過對方，分開之後放唔低咯，心中一直有對方嘅位置，縱然分手，寂寞之時，仍然情不自禁、情難自禁會想起那個他。《傻女》具體表達嘅情感，透過一個點樣嘅故事來表達？
看看這歌詞，「準許我這夜做舊角色」，系乜嘢角色？未分手之前，自然就系女友嘅身份。「準我快樂地重飾演某段美麗故事主人」，顯然就繫懷念當初，以前兩個人喺埋一齊嘅幸福時光。「飾演你舊年共尋夢的戀人」，不用解釋，過去已過，不復重來，偏偏傻傻地幻想，能夠舊情復熾，再當你深愛嘅戀人。字裡行間，一顆痴心無處安放，感情明明白白，依然愛著對方，傻妞嘅感情，一啲冇變。從前嗰啲值得珍藏嘅往事，如同過眼雲煙，穿過虛無空間，活靈活現噉浮現在眼前。當事人嘅感受就系——過去嘅，你，或許已經遺忘，但系我，永不曾忘！
陳慧嫻系好多人心目中的殿堂式歌手、偶像。佢出生於香港，祖籍廣東廣州番禺區。作為香港流行樂壇天后級嘅歌手，1997年陳慧嫻嘅唱片累計總銷量已超過1000萬張，演唱過《千千闕歌》、《傻女》、《飄雪》、《歸來吧》等無數經典金曲，傳唱範圍極廣，獲得粉絲讚譽無數。
1984，陳慧嫻以一首《逝去的諾言》出道，並獲選當年最有前途新人。1986年推出《反叛》大碟，1988年推出《嫻情》、《秋色》、《傻女的愛》銷量達到白金。1989年，推出大碟《永遠是你的朋友》，並奪得多個獎項。《傻女》是陳慧嫻第一張國語專輯，於1988年由寶麗金髮行。
1989年，她遠赴美國留學，1995年，回歸樂壇大碟《Welcome back》連奪六星期IFPI銷量冠軍，自2010年以來，陳慧嫻一直活躍在內地，卻暫停咗香港事業嘅發展。2013年4月復出內地3年嘅陳慧嫻重返香港環球唱片，環球更宣布為陳慧嫻重建傳奇音樂廠牌「寶麗金」，並籤約她為首位旗下歌手……
娛樂版曾經有過關于慧嫻坎坷情路嘅報導，講到個人感情，慧嫻坦言：佢自己好鍾意《傻女》呢首歌，《傻女》就系佢自己嘅寫照，非常心酸，內心受傷嘅佢令人憐惜。
原來，《傻女》呢首歌系陳慧嫻嘅男友歐丁玉親自為陳慧嫻打造嘅，呢首歌一經推出便火爆非常，優美嘅旋律和動人嘅歌聲，歌者近乎完美嘅演繹，《傻女》令人印象難忘，即獲樂壇大獎。
點解話自己系愛情方面嘅傻女呢？記得，當年慧嫻喺佢個人歌唱事業如日中天之時，剛好與歐丁玉分手，為咗療情傷，佢選擇赴美留學，歌唱事業戛然而止好耐一段時間，其實對於佢自己來講，系一個無可挽回嘅巨大損失。
傻女就系陳慧嫻，感情用事，感情衝動，唔會冷處理，唔會理性對待事業與愛情之間嘅衝突與問題。對於事業嘅抉擇，完完全全受到愛情失意嘅影響，以一個小孩子嘅方式來對待，相當任性，相當草率，難怪佢公主嘅稱呼就隨之而來嘞。
慧嫻曾經吐露，歐丁玉就好似自己嘅大哥哥一樣，保護著她，愛護著她，有困難或者有麻煩嘅時候都系歐丁玉去解決，陳慧嫻被無微不至噉呵護著，遠離外界嘅幹擾。又或者正系男友過度嘅保護，使到年輕嘅慧嫻迷失咗方向，做事率性，有小孩子脾氣。《傻女》其實正系詮釋咗佢嘅狀態，成為兩人愛情結束、分道揚鑣嘅一首歌。
所謂：機不可失，時不再來。年少輕狂，會使人錯失好多嘢，包括錯過好好嘅戀人，性格不合等等嘅原因導致原本柔情蜜意嘅情侶分手，變成熟悉嘅陌生人嘅，大有人在。只不過，呢一點，陳慧嫻與歐丁玉，仲系比較好，再見亦是朋友，時光流逝，年華逝去，兩人不再年輕，但系知己良朋嘅情誼依然深厚，正如後來，陳慧嫻響演唱會，與歐丁玉合唱《後來》，其中有一句歌詞就系：「有些人一旦錯過就不在」，唱到呢句嗰陣時，當事人難免傷感，確實，有些人一旦錯過就不在，不在了。
時光易老，好歌何言老？呢首《傻女》今時今日依然迴響喺我哋耳邊，歌聲傳情達意，話畀我哋知：幸福唔系必然嘅，請珍惜眼前愛你嘅人，同你愛嘅人啦。
（本文圖片來自網絡，如有版權請告知刪除。）
作者簡介：王小女子，一個從小就熱愛文學和音樂的小女子，個人公眾號：王小女子（gh-9abf8a3205fe）。
你可能還想看：
如果雲知道
風中有朵雨做的雲
刻一個愛給你，在今生今世裡/歌曲《找一個字代替》賞析
沒有情人的情人節
丹尼陳百強，永遠懷念你
嗨！早晨
謝謝你的關注和支持
轉發和推薦是最好的鼓勵
長按以下二維碼
可關注「王小女子」的公眾號