一向被外界譽為「絕世好女友」嘅藝人唐詩詠，雖然緋聞唔少，但系佢嘅乖乖女形象一直深入民心，仲被網友稱為「Girlfriendable」！自從佢上年同洪永城分手後，一舉一動都成為傳媒焦點，而最近屢傳二人複合，雖然佢哋否認傳聞，不過有網友就直指唐詩詠借對方煲新聞，更以「唐姨」稱呼佢，搞到平時沉得住氣嘅唐詩詠都忍唔住同網民開戰！
日前唐詩詠照常喺社交網上載一張生活點滴相分享時尚心得，但有位網友就留言「唐姨唔好再煲新聞喇」，而唐詩詠就霸氣回覆「新聞冇得自己煲」，點知就引起罵戰！嗰位網友繼續留言話：「呢幾個月有意無意提起洪仔（洪永城），居心叵測。」之後唐詩詠火速回覆對方：「系記者問定自己提你都分唔到，呢段對話可以唔使繼續。」仲有禮以「have a good day」拜拜對方，其實睇得出唐詩詠想終止罵戰，不過嗰位網友繼續搵「罪證」質疑唐詩詠，話佢訪問中透露手機密碼會用男友生日日期，刻意將話題扯到感情上。最後唐詩詠回覆網友：「珍惜那些相信你，鼓勵你，看見你價值的人，因為他們讓你更加相信你自己。同時也要理解與包容那些否定你，挑剔你的人，因為他們會令你更加堅強。」當然有人撐就有人反，「撐唐」同「反唐」粉絲兩邊分別展開罵戰，至今仲未停火！
唐詩詠本身只係SHOW下一個可愛造型手袋，估唔到會掀起罵戰。（唐詩詠IG）
事緣Nat上載一張造型照，拎住個菠蘿造型手袋相當攪笑，留言話：「帶住個金波羅去街街。」本身只為分享當日工作照，fans爭相讚好可愛，不過有位J網友忽然寫上：「唐姨唔好再煲新聞喇﹗」喺唐詩詠嘅IG留言，呢個「唐姨」應該係話緊Nat無誤，本來呢類負評經常可見，好快就會被fans洗走，勢估唔到Nat會秒覆一句：「新聞冇得自己煲的。」就係咁，戰火就開始啦。
呢位J網友一嚟就叫Nat唔好再煲新聞，挑釁味濃。（唐詩詠IG）
J網友話：「呢幾個月有意無意提起洪仔，居心叵測。」呢個洪仔就當然講緊Nat前度洪永城啦，唐詩詠好快又覆咗：「係記者問定自己提你都分唔到，呢段對話可以唔使繼續。have a good day﹗」
唐詩詠明知係挑釁都覆幾次，入行十幾年嚟算係好罕見。（唐詩詠IG）
遇到講極唔明嘅網友，唐詩詠應該最想俾呢個表情……（唐詩詠IG）
去到Have a good day，其實唐詩詠都有意停火㗎啦，不過J網友繼續列舉事例，話Nat喺訪問中提到手機密碼會用男友生日日期，係有意扯上感情事製造話題。Nat又再回覆：「珍惜那些相信你，鼓勵你，看見你價值的人，因為他們讓你更加相信你自己。同時也要理解與包容那些否定你，挑剔你的人，因為他們會令你更加堅強。」之後佢就無喺呢個post再覆留言啦，不過戰火並未停止，變成唐詩詠粉絲 VS 反唐詩詠嘅網友對罵，至今仲對罵緊。
戰火仍在繼續，大家想食花生可以稍移玉步。（唐詩詠IG）
唐詩詠入行多年，終於喺今屆臺慶憑住《不懂撒嬌的女人》勇奪視後，由於同劇仲有公認嘅演技派宣萱，令部分人覺得有不公之嫌。唔理大家認唔認同，Natalie係今屆視後已經係不爭事實，但呢個世界有言論自由嘅，有人鍾意亦一定有人唔支持，做得公眾人物好多時都睇化曬啦，負面留言當睇唔到就算，估唔到Nat今次會沉唔住氣同佢地唇槍舌劍。
其實唐詩詠同宣萱感情唔錯，各有支持者啫，無分對錯嘅。（唐詩詠IG）