韓劇《愛的迫降》雖然已經大結局，但系一眾劇迷仍然活於幻想之中，好難抽身，上至少女下至師奶都叫自己做玄彬太太，因為喺入面飾演北韓軍官嘅玄彬實在溫柔又體貼，最重要系好靚仔！
正當大家都系甜蜜之中，藝人洪永城竟然喺社交網揭北韓軍官真面目，恃住去過北韓嘅佢咁樣講：「毒，我就無中，不過的確開始睇咗幾集愛的迫降，我知你知北韓嘅玄彬應該系咁嘅樣，因為我接觸過。而且如果要睇南北韓邊界嘅故仔，我推薦可以睇JSA安全地帶，故事寫實、透過一件又一件細微嘅事，去描述相隔一條警戒線天與地嘅分別，而個故事仲可以做到系推理，抵佢咁好睇。#在那遙遠的地方北韓 #2015」
貼文一出，一眾玄彬太太大叫洪永城真系好殘忍，令佢哋幻想破滅，不過藝人李綺雯就最心水清，一句突破「盲腸」：「我知啦，你一定搵個最唔靚仔嘅影，然後襯出你自己靚仔呀嘛，一定系咁」而區永權就替洪永城擔心：「你好有可能，將會成為一眾玄彬太太嘅敵人」而黃翠如就都鬧埋一份：「U r super bad」。