《大帥哥》系張衛健闊別港劇多年慨回巢作品，雖然放喺被喻為「炮灰期」慨年尾播放，而且一開播觀眾反應兩極，有人認為劇情太浮誇。
不過隨住劇情發展，觀眾越嚟越入戲，唔止睇到天嬌、羅義被殺時非常心痛，更令劇中一眾演員如飾演天嬌慨譚凱琪、飾演艾妞慨楊秀惠慨演技備受認同。
《大帥哥》收視亦一路上升，前面20集一直維持26~27點，到結局篇已經升到30點，而最近公布咗《大帥哥》大結局收視更創新高添！
1月11號播放慨《大帥哥》大結局總收視有成35.7點！最後三十分鐘仲高達42點！甚至比最佳劇集《跳躍生命線》結局收視33.5點更高！
喺萬千星輝頒獎禮上，《大帥哥》遺憾未能獲得任何獎項，當時一眾演員都表示有啲失望，但依家劇集有好成績，相信對渠哋嚟講系最大慨回報！