慎防失聯，記得將我地公眾號『星標』啦
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
【今日推薦視頻】
黃翠如婚後復出新劇硬撼6位女神
▼
TVB奸人小彡有嫩口男友驚爆四角戀
▼
馮盈盈去年12月宣布與十優醫生男友鍾文浩（Martin）分手，四年情玩完，而Martin更被指已有新歡。正「單身中」的馮盈盈有份主持的節目《#後生仔傾嚇偈》日前便以「盈盈的單身派對」為題，一連兩集幫她招男友，盈盈更於節目中分享擇偶條件，全程風騷到爆，絕無半點「失戀」味，除了於檯上擺靚甫士外，更用口餵參加者咬蝦條兼任攬抱。節目特別找來餘德丞、丁子朗及鄭衍峰、Enson、子碩等共八位猛男，一齊向盈盈展開「追求」，最後由鄭衍峰贏得美人歸。
今輯節目明顯搞笑為上，不過盈盈都有提及跟醫生男友分手的原因以及現時的擇偶要求，她指自己喜歡一些幽默兼靚仔的男士，她笑言：「希望將來生出嚟嘅BB可以選港姐或港男。」主持之一的黃美棋直接問到她上一段感情失敗原因，盈盈即說：「唔準話我、唔準鬧我。」大家認為男仔喜歡講道理，美棋則說：「講道理還講道理，但態度可以溫柔地講嘅。」盈盈坦言現單身歡迎各界男士追求，而再談到擇偶條件，她指希望未來男友能夠可以隨傳隨到，大家可以有多些時間相處，她謂：「絕對唔需要青年才俊、日理萬機嘅，因為佢哋好忙，會冇時間氹我、陪我，我要個好得閒，可以日日陪我玩嘅，開心最緊要！」
TVB破例停辦第48屆港姐 冠軍黃嘉雯冧莊做足兩年TVB亦憂慮到疫情影響，決定破例停辦第48屆《2020香港小姐競選》，由於去年港姐冠軍黃嘉雯、亞軍兼最上鏡小姐的王菲及季軍古佩玲未能正式卸任，三甲港姐頭銜會再沿用1年，變相三人能冧莊，史無前例做足兩年港姐。
早前已宣布《2020國際中華小姐競選》暫停一年的TVB，鑑於新冠肺炎疫情嚴峻，決定破例停辦有47年歷史的《2020香港小姐競選》。TVB高層兼港姐統籌經理餘詠珊接受訪問時稱，每年有不少海外學生返港參選，目前面對封關及出埠問題，TVB不想內地及海外的參加者冒險來港，加上賽前宣傳活動、大型記招及賽事當晚製作，要考慮10幾個佳麗應否戴口罩，場內容納多少名工作人員，再講到疫情嚴峻，政策等因素，最終未能一一解決以上難題，只好暫停一年，而且餘詠珊有感在疫情陰霾下，製作載歌載舞的節目亦不適合。
湯洛雯（靚湯）、張振朗與蔡思貝於劇集《機場特警》中有三角感情線，劇情講述靚湯與振朗於讀書時期已相識，振朗更暗戀靚湯，劇中叫「Hill張」的他，原來讀中學時都相當「囂張」，朗誦很出色，更扮才子情聖以朗誦來追靚湯，不過最終都系失敗收場。拍攝這場回憶戲份時，二人都以校服Look上陣，同場還有劉溫馨，靚湯紥了孖辮，而振朗穿起校服似足死𡃁仔，靚湯於此劇中的空姐Look早已被網民激贊，今次仲以清純校服Look上陣，玩盡宅男至愛的「制服誘惑」。
她受訪時謂：「其實呢場戲都令到我幾難受，佢哋要我有陽光效果，以前我讀聖保祿，套校服都幾似我以前嗰件，要及膝、高腰，都幾難著得靚嗰啲款，最衰我以前系女校，冇呢啲有人示愛、收情信嘅事情發生，實在太遺憾。」問以前有否男校學生於學校前等她時，她謂：「試過有一次，嗰次仲畀訓導主任鬧，其實都唔關我事，都唔知點解鬧我，所以我都系大學先識男仔，細個比較內向，唔系好識同男仔相處。」
59歲已轉職保險的前藝人戴志偉日前被爆背妻偸食，與嫩口同事Candy搭上，日前小三Candy被爆已有親密異性友Terry，今日更有傳Candy原來曾未婚懷孕，愈爆愈多。港媒致電給志偉，他首度開腔表示自己正在處理事件，多謝大家關心，說到事情愈傳愈爆，他究竟與Candy是甚麼關係時，戴志偉坦言：「系朋友，佢系乖女嚟，佢好無辜，我依家自己都要冷靜嚇先，都會採取法律行動，（之前對傳媒發好大脾氣！）積咗好多怨氣，依家冇嘢嘞！希望大家畀啲時間我，之後我會處理呢件事。」
唐詩詠貼中三舊照 王浩信回應引網民催拍《不懂撒嬌》續集唐詩詠跟大隊近日宅在家冇乜嘢做，執居成為打發時間最佳方法。呢日她就翻出舊相，貼出中三時同朋友去沙灘玩留影，並留言：「翻開舊照片發現中三的我然後影咗15分鐘都系好朦最後發現原來張相用咗磨砂過膠究竟邊個發明磨砂過膠咁聰明佢就好比今日嘅美圖秀秀系咪因為咁個人立刻白雪雪咗呢」相中見到她著住牛仔衫褲加上一頭清爽短髮，雖然打扮相當男仔頭，但清純靚樣已經現雛形。網友亦大讚她：「由細靚到大！」
不過最驚喜是好拍檔王浩信亦有留言：「Saving哥當年喺ICQ約咗佢但系最後冇出現嘅嗰個人……不懂撒嬌的女人之 番外篇」之後唐詩詠再回應：「佢掛住上網打機，有出到去」即時搞到網友好興奮，紛紛叫他們快啲開拍續集，其實繼《不懂撒嬌的女人》後，兩人早前已再合作過《解決師》，一樣好受歡迎，相信再合作應該一樣有捧場客。
大家仲記唔記得雷莊𠒇（Juliette）呢？3年前，加拿大多倫多出身的Juliette來港參選港姐，雖然遭網民狠批外貌似足有「哨牙蘇」之稱的烏拉圭前鋒蘇亞雷斯，但最終都爆冷贏得2017年度港姐冠軍及最上鏡小姐！勝出後，面對外界種種負評，我行我素的Juliette則寸爆反擊：「I Don't Care！」仲表示「喺香港嘥咗1年時間」，會儘快回加拿大積極試鏡，希望勇闖荷李活做打女！
結果卸任冇耐，Juliette好快就飛回加拿大，不過時隔1年多，她的荷李活「打女夢」似乎還未實現！是否又「嘥咗1年時間」就唔知，但就頻頻見Juliette於社交網分享近況，除了得閒做嚇運動、耍嚇詠春外，她間中又做嚇平面Model拍硬照，Juliette亦毫不吝嗇一副好身材，經常與網民開心Share，今日她又貼出一幅姓感「床照」，Juliette以英文寫道：「噚晚瞓咗一大覺，點知一瞓醒就化好妝、Set好頭，我部手機仲神奇地拍下呢張相。系魔法呀！」一覺睡醒即變靚，真系Magic~嘞，雖然倒豎蔥的Juliette露出一棚招牌「靚」牙，驟眼睇仲有點《驅魔人》Feel，但一班網民都好畀面大派心心，有老外仲留言大讚「Stunning」𠻹！
因「鹹豬嘴」事件，傳洪永城（Tony）同朱晨麗擘曬面，所以年底開拍《多功能老婆》續集兩人無望再合作！雖然是非纏身，但日前洪永城跟鄭俊弘(Fred)及羅仲謙等拍方駿釗監製嘅新劇《陀槍師姐2020》時就滿場飛好風騷，始終男人戲，冇咁多顧忌！但一提到朱晨麗個名Tony就收曬笑容，眉頭緊皺話：「No Comment，大家都要大方啲，件事快啲過咗去就算。」
李施嬅與海俊傑今日到新城宣傳新歌《二次緣》，並預告稍後會首次合體唱Live，施嬅又自爆原來錄音時一直讀錯字，海仔即力撐無傷大雅。施嬅又指疫情雖然令工作停頓，但換來更多時間了解朋友，笑問是否有眾多追求者要等她了解？她說：「不是好多，一個夠啦！之前忙得連打電話也沒時間，現在可以深入了解，計劃一下將來。」