每年到咗呢個時候，康城站都會聚集一班女士，為什麼？因為大臺又開始搞《香港小姐競選》啦！
今屆港姐首輪面試，有些真的是非常佩服啊，「勇」字行頭，靚唔靚真系見仁見智！
睇過曬眾多參加港姐首輪，就有四個比較有個人特式。
穿杏色連身間條裙嘅「巨版瑪姬」Elaine，外貌真系幾似DJ瑪姬，不過身型略胖。
「大眼哨牙珍」疑似上年有嚟參選，今年再接再厲，不過「大眼哨牙珍」就唔認上年選過。
現年25歲的Angelica都算首屈一指，現場所見，佢不單鼻尖，下巴更尖，樣貌人工化兼似佛地魔，問佢有冇整容，佢就堅稱：「冇！」
最後要介紹系「公主Josh」，佢粗眉、大眼，個妝亦化得幾怪，面又多粒粒，算系今年嘅極品級！
除了這些極品，還有好似27歲任職理財顧問的Lily， 行出嚟擺起叉腰甫士認真有霸氣，個樣仲有啲似小新阿媽野原美冴。
另外，26歲於主題樂園任職的Cherry上圍豐滿、噸位十足，與27歲Suki及馬尾打扮的Luka並埋一齊，其阿媽Look可以一齊去湊放學。
「吊帶王祖藍」Dion身穿吊帶白色連身裙，由於現場有啲風，吹到佢有啲披頭散髮嘅感覺，睇真系個樣，有啲似黃子華前度女友劉婉君，又有啲似藝人王祖藍。
鄰家少女feel的Jennifer，打扮有啲casual，由爸爸陪同坐的士到場，睇佢一頭長髮，似足「大鼻岑杏賢」！
香港小姐面試，部分參加者會由親友或提名人陪同下去面試，但就好少會高調咁拖住另一半去面試，相信佢哋都系做好入圍嘅準備，將戀情低調為妙！
但今年22歲來自香港，但講國語的毛小姐（Sophia）就好另類咁由男友陪同下面試，定製旗袍夠高調啊！
大家都知道，每年參加面試嘅女仔，梗系搵一套啱自己嘅衫見評判，跟住再預備一套煞食嘅泳衣，將自己身材嘅優點表露無遺！
而今年竟然大撞衫！有幾個女仔不約而同著咗同一款但系唔同色嘅連身裙，唔知佢哋最終系一齊入圍呀？抑或一齊出局呢？
當然，唔少參選者都臥虎藏龍，有樣有才藝，非常厲害。
好似現年22歲的杜芷綾（Zoe）系Freelance model，唔單只樣子甜美，有「嫩版宋熙年」feel！
而且佢喺幕前亦有演出嘅經驗，佢近日就有份參演《宮心計2深宮計》，而佢嘅社交網上上載與藝人麥明詩，白雲等合照。
身穿淺藍色連身裙、配冷褸的23歲Nicole Wu，來自美國舊金山，真系「藍裙朱千雪」。
同場出現咗一個身穿火紅色連身裙嘅23歲張寶欣(Boanne)，個樣都有幾分似樂瞳，不過佢就系「高版樂瞳」，佢家姐系上屆參選拎咗「友誼小姐」嘅張寶兒。
即使香港系國際大都會，但系今年香港小姐首輪面試出現外國人臉孔都幾令人驚喜，更何況仲要系索女！原來呢位索爆鬼妹仔就系樂基兒旗下CalCarries嘅Model，澳洲籍嘅Perrie。
身高174cm，上圍有34吋，目測cup數起碼有B級！再加埋25吋腰配37吋臀圍，正宗葫蘆身形，同時擁有一雙長腿，Fit到冇得頂呀！
來自加拿大多倫多混血兒Kelly Ng，今年就只有20歲，真系青春無敵!Kelly個樣仲有啲似「姑姑」李若彤，一樣咁有氣質，而Kelly亦相當好動，簡直就系「好動李若彤」。
SO，大家期待今年的港姐選舉嗎？