點擊上方 ↑↑ 即可關注「金句王」
葉念琛嘅電影系近十年嚟最受後生仔女鍾意嘅香港愛情片之一。
佢嘅每部作品都有唔少金句，呢啲金句令到無數後生仔女引起共嗚。
以下系由《獨家試愛》到《失戀日》，主要系鄧麗欣同方力申嘅25大金句：
《獨家試愛》
故事圍繞方力申因為重遇中學時嘅初戀對象吳佩慈，令到方力申開始被鄧麗欣懷疑出軌，兩人嘅婚姻因為前所未有嘅危機，再加上方力申並無珍惜同鄧麗欣嘅相處時間，例如唔一齊襯住優惠機會去北海道，令到兩人都各自尋上新歡。
1. 「想愛一個人，偏偏愛多一個人。」
2. 「個個都以為自己有首主題曲擺響度……拍拖來唱……分咗手又來唱……複合再來唱……其實唱來唱去又咪果幾首歌。」
《十分愛》
呢個故事主要有兩條愛情線，一系鄧麗欣與方力申，二系鍾嘉欣與胡清藍，鄧
麗欣因為拋棄咗方力申而感到罪惡感，而胡清藍就系所謂嘅觀音兵，即使鍾嘉欣同森美結咗婚但依然一直付出。成個故事大部份人都系情場騙子。
3. 「愛盡每個人，傷盡每個心」
4. 「呢個世界咩都系掩眼法，你睇到嘅未必系真，真嘅又未必俾你睇到。」
5. 「愛情好似一個遊戲，你呃我，我呃你。而家越來越多嘅人唔鍾意講真話。亦越來越多嘅人唔願意聽真話。唔好蕩失自己就得了。」
6. 「有分辨真假嘅工夫，倒不如狠狠咁投入去愛一場。反正都分唔清楚，倒不如聰明嘅扮返糊塗，有啲事你假裝唔明白嘅樣，可能會有額外嘅驚喜。」
7. 「男人只知道女人嘅底褲喺邊度，但就唔知道女人嘅底線喺邊度！你唔相信你愛嘅人，所以永遠得唔到真愛。」
8. 「有無同你說過，兩個人相愛，系唔會講對不住嘅。因為無論點樣，大家都會原諒對方。當你同佢講，對唔住，你已經唔愛佢了。」
《我的最愛》
故事主要系講鄧麗欣被前男友出賣咗，佢移情別戀之餘仲要連糖水店都搶走。呢個時候鄧麗欣遇上咗從事職業騙子嘅方力申，方力申決定幫佢報仇。
9. 「情場如戰場，要愛就要搶！」
10. 「愛情需要講時機。」
11. 「全世界都話你呃我，但我話唔會，得我一個相信你，點知你真系呃我！」
12. 「你值得去搵一個你又愛佢，佢又愛你嘅人，你可以喺佢身上得到幸福，我無咁好彩，做唔到。我哋系唔會分開，因為好朋友系永遠都唔會分開架。」
13. 「鍾意，同可唔可以喺埋一齊根本系唔同嘅兩件事。」
《紀念日》
《紀念日》系《獨家試愛》嘅續集，故事發生於鄧麗欣同方力申結婚嘅十年後，呢次換咗鄧麗欣只顧住工作，再加上兩人嘅溝通產生問題，最大嘅問題系方力申又被懷疑出軌，所以又有我呃你你呃我之類嘅對白。
14. 「我呃你系因為我愛你，如果唔系點樣捱到10年？」
15. 「你成日話你有Plan嘛？但你Plan入面永遠都無我！」
16. 「啲男人好易氹架，得閒你就贊下佢，佢就覺得自己好醒架喇！你以前有無養狗？你成日嗌佢『good boy！good boy！』佢真系會乖啲！」
《失戀日》
《失戀日》無咗方力申，而只有鄧麗欣出演。呢一集繼承咗《紀念日》嘅風格，同樣都系講述中女，而唔再系後生仔女，大概系因為故事年齡隨住觀眾嘅年齡一齊長大吧。故事中鄧麗欣因為工作問題同愛情問題，老闆偏心唔升職，而男友亦遲遲唔結婚，面對雙重困擾點樣解決？
17. 「要找嘅系出口，唔系藉口。」
18. 「你身邊越多人失戀，或者越多人提失戀，漸漸會影響你身邊嘅人，最後你都會失戀。」
19. 「當一個男人唔再愛你，幾衰嘅事都會做。」
20. 「喺一段感情入面，如果有咁多嘅問題不能問，系唔系代表呢段感情本身就有問題？」
咁多「葉念琛愛情金句」中，又有邊啲引起你嘅共嗚呢？
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy