當年紅極一時嘅
2006年熱播嘅綜藝節目《阿笨與阿佔》，黑猩猩阿笨同鬥牛犬阿佔出雙入對「老友鬼鬼」，係一代人嘅共同回憶。今次製作方搵嚟阿笨個女「布甸」同阿佔嘅曾孫組成拍檔，相信會繼續喚起滿滿嘅感動！
當年粵語版嘅《阿笨與阿佔》
係I LOVE YOU Boy'z做配音
簡直搞笑到肚痛
一齊嚟重溫下啦！
係未好多回憶咧？
《阿笨與阿佔》原本係日本電視臺綜藝節目嘅《天才！志村動物園》裡面嘅一個單元。黑猩猩阿笨一副人類嘅打扮，帶住好拍檔阿佔闖蕩人類世界，齊齊冒險！
呢個節目雖然當年大受歡迎，但其實都飽受爭議。因為有觀眾覺得節目內容俾阿笨同阿佔嘅壓力太大。
但係聰明調皮嘅阿笨同老實憨厚嘅阿佔，相互扶持又鬼馬到死，確實帶嚟咗好多歡樂，收集咗好多觀眾嘅厚愛！
成個「人仔」咁嘅阿笨，好照顧阿佔，呢一幕真係好感動！
阿笨有禮貌又醒目，一D都唔笨，帶住阿佔「串串貢」，見到人仲會打招呼！
仲識得去商店買鞋！▼
阿佔都唔輸蝕，識幫阿笨影相。▼▼
而且仲會經常俾佢哋嘅「恩愛」感動到！
仲有送上小編覺得《阿笨與阿佔》最爆笑嘅片段之一：阿笨帶阿佔過河。
阿笨終於深呼吸咗一啖，終於鼓起勇氣，一跳！差D俾阿佔扯翻落河。唔知呢個時候阿笨心裏面嘅OS係未「衰狗啊，跳啦！」拉拉扯扯，認真盞鬼！
2012年傳出阿笨咬傷人而引退
並且係2015年生咗囡囡布甸
宜家經已大隻到好似金剛咁威
而阿佔係2006年嘅時候
已經有咗5隻狗BB
可惜係同年嘅3月份
12歲嘅阿佔與世長辭
阿笨與阿佔嘅回憶正式要告一段落
無咗阿佔陪伴嘅阿笨
唔知會唔會有D寂寞咧？
希望將來佢哋係天堂會再見
繼續做好巴打啦！
新一季嘅《阿笨與阿佔》
小編當然希望嚟緊都會有原班人馬配音
阿笨與阿佔嘅後代遺傳佢哋爸爸嘅風範
繼續帶俾大家滿滿嘅感動！
多謝阿笨與阿佔帶俾觀眾嘅歡樂時刻
你哋後繼有人喇！
交俾佢哋啦！