薛家燕娶新抱，兒子石耀庭及太太Zoe晚上在尖沙咀某酒店舉行婚宴，廣邀圈中好友出席，包括汪明荃、蔡和平夫婦、陳曼娜、王梓軒、胡楓、吳君麗、阮兆祥、夏春秋夫婦、吳業坤、呂良偉夫婦、盧海鵬、吳麗珠、胡杏兒、歐陽震華夫婦、樂易玲、南紅、佘詩曼、陳敏之、張慧儀、許冠文夫婦、吳若希等，場面星光熠熠﹗
佘詩曼（阿佘）出席薛家燕兒子婚宴，阿佘戥家燕姐開心，她透露早前於白雪仙的壽宴中見到家燕姐，當時阿佘說：「就嚟輪到你喇喎！」氹得家燕姐笑得很開心。阿佘謂：「我嗰日都有問家燕姐，一日擺唔擺得曬，佢話要擺兩日，仲話阿仔投訴佢分得圍數少。」記者表示今日設53席，兒子石耀庭只分到一圍時，阿佘聞言即謂：「嚇！咁又真係離曬譜喎！（第日你阿媽咁點？）到時先算啦！」問到何時到她，她即表示要開席閃走。
汪明荃到賀見證家燕姐做新奶奶娶新抱。但見汪明荃單拖到場，她表示：「因為老公羅家英到咗拉薩登臺，今晚先返，應該嚟唔到，但家燕姐娶新抱喎，我一定要嚟啦！（送咩禮？）送現金最好，因為唔知一對新人鍾意啲乜嘢！其實今晚好開心，大家都知佢經歷唔簡單，又系單親媽媽，而啲仔女又咁乖，今晚佢娶新抱真系好戥佢開心！（有冇教一對新人夫妻之道？）要互相尊重，愛錫對方。」
楊怡單拖出席薛家燕兒子婚宴，她指老公羅仲謙因拍電影來不到，她笑言跟雖然沒有合作過拍劇，但因為有上薛家燕電臺節目所以熟絡，她謂：「我結婚都有請佢嚟，佢娶新抱我當然要嚟！（送乜嘢畀對新人？）折現最實際。」楊怡面上出現不少粒粒，她指因內分泌失調所致。
徐小鳳晚上10點許離開婚宴現場，小鳳姐形容：「這是我參與過這麼多宴會中最感人的一個，特別是新娘、新郎和家燕致辭的環節，他們真情流露，感覺好溫暖。由第一個字講到最後一個字，都讓我感動，我都一直抹眼淚，全場都感動。」她笑言反而家燕姐開心得有點失魂落魄，問到有沒有獻聲恭賀？小鳳姐說：「怎會輪到我？」她搞笑即興在訪問哼出兩句《喜氣洋洋》賀家燕姐。