徐榮生囡囡圓大仔心願
徐榮與四個月大囡囡徐心怡父女檔拍無綫處境劇《愛·回家》，心怡在劇中是徐榮的孫女馬家好，眼仔睩睩的她一出場就融化大人的心。今年是徐榮與囡囡第一年過的農曆新年，他笑謂可以袋多一封利是：「我會幫佢保管住啲利是，但唔知會唔會使咗佢呢，哈哈。」因為囡囡年紀還小，所以拜年時間盡量會縮短：「我會帶佢去年長啲嘅親戚度拜年，但盡量都會喺兩至三個鐘內，因為要餵奶同換片都好麻煩。當然如果對方嚟我屋企拜年，就可以慢慢嚟啦。」
原來徐榮的大仔徐朗已九歲大，問到囝囝會否呷妹妹醋？徐榮說：「點解哥哥同妹妹相隔咁多年先出世呢？因為哥哥喺呢兩、三年不斷求我哋要生個妹妹出嚟。佢有祈禱話畀個妹妹出嚟，佢神都出動埋，咁我冇理由唔聽，咪同老婆試嚇，點知真係有咗。有次去產檢知道係女，哥哥聽到之後喊咗出嚟，佢開心到喊。又有次我哋做完產檢見到妹妹輪廓，哥哥又望到眼濕濕。」
金剛拍小儀闖飲食界
金剛及阮小儀早前於無綫熱播劇《愛情食物鏈》齊任主角，合作無間的二人預告新一年聯手進軍飲食界搞生意。廚藝不俗的小儀有投資車仔麵店，金剛亦有搞大閘蟹及水果生意，金剛表示新一年會與小儀齊進軍飲食界：「我同佢算係品牌，行出嚟就知講緊食嘢。」
金剛之後對小儀說：「我哋唔做嘢食生意，唔通賣內衣咩？人哋男模就六舊腹肌，我就一舊！人哋女模就Ｄ（Cup），你就Ａ！」小儀即反擊：「我覺得賣得喎！我咩Ａ呀！你又知？」金剛再爆笑反寸小儀：「你唔係Ａ咩？係咪A-呀？」
新聞來源/香港各大新聞網站
雜誌來源/FACE&壹周刊
編輯整理/臺叔
微博©香港TVB資訊臺