奇妙電視改名兼改臺徽 新名「香港開電視」被網民笑爆自從政府發放免費電視牌照之後，Viutv就成功開臺，唔少節目都成功引起話題，不過另一個電視臺「奇妙電視」就似乎冇咩聲氣啦。去到而家，為奇妙電視提供節目製作嘅有線電視已經兩度裁員、就連娛樂新聞組全組炒咗12人只剩1人。啱啱今個月又裁咗 on air promotion (形象宣傳)、體育組、工程部同行政部逾30名員工。佢哋之後更加會將啲節目外判，今年底將會有進一步裁員行動。搞成咁，高層當然要諗個辦法救命啦！唔知系咪搵過算命佬求助呢？暫時未見到佢哋有改變公司嘅政策，不過就諗住先改個臺名同改臺徽！