51歲天王黎明早前承認與年輕十九年的助手阿Wing撻著,更在社交網認做父親。有消息指今日黎明真系做咗爸爸,有知情人士透露指阿Wing早產一個月誕下B女,因為早產嘅關係,所以比較輕,只有五磅左右,如今阿Wing為黎明誕下女兒,天王齊齊變「外父」。其實黎明身邊人都知道阿Wing早產一事,但佢哋都貫徹黎明低調作風,齊齊封口。
網民幫B女改名「黎巴嫩」
黎明喜得B女,大批網民齊聲恭喜,並創意多多,紛紛為B女改名!最啜核要數有網民提議改名為「黎基兒」!另外,提議的名字多不勝數,搞笑百出,包括:「黎巴嫩」、「黎料」、「黎瑪」、「黎頭」、「黎多濟」、「黎曬料」、「黎漿」、「黎膠」、「黎找數」、「黎左」、「黎未」、「黎齊」等等,大批網民瘋狂改名!
醫生:早產有三大原因
對於阿Wing早產,婦產科專科醫生餘啟文表示情緒只佔小部分原因,而早產主要分為孕婦健康、感染及不明原因三個主要原因,他說:「一,如果孕婦患有妊娠糖尿病、血壓高、流血等問題,可能影響胎兒健康,BB要立即出世;二,陰道或子宮受感染;三,原因不明,可能孕婦有吸菸習慣,緊張或情緒雖然唔系直接影響,但會系間接、不知明原因之一。」
黎明正式升呢做老竇,契爺胡楓從記者口中得知喜訊,即開心地笑說:「做爸爸喇?!太好喇,好開心呀!(會唔封大利是畀契孫?)梗系會,希望BB快高長大。」
胡楓是圈中出名的好爸爸,問他可會傳授一些教子心得畀黎明?胡楓直言不需要:「He is a good boy!佢做人處事樣樣都做得咁好,已經系好好嘅身教,佢嘅小朋友只要以佢做榜樣,就一定會系一個好乖嘅小朋友。」
隨著黎明的新寵Wing誕下女兒,90年代的「四大天王」真的變作「四大外父」了!1996年跟羅美薇結婚的張學友,婚後育有兩名女兒,現在分別17歲和13歲。劉德華於2012年與朱麗倩婚後誕下女兒劉向蕙,現已6歲大。郭富城去年4月同內地女友方媛結婚9月當爸,女兒Chantelle現已半歲大。黎明上月貼文承認將為人父,今日傳來Wing已為黎天王誕下千金的消息,成為最後一位當爸的天王。