【一切從簡】
張寶兒同袁偉豪未諗掂幾時結婚
該新聞包含視頻，即將在公眾號tvbvideo推送，敬請關注！！
藝人張寶兒（Bowie）昨晚在社交平臺宣布被男友袁偉豪（Ben）求婚成功，今日她在牛頭角一棟商業大廈拍攝新劇《兒科醫生》，約下午三時多，她落樓見記者接受訪問，見她全程心情輕鬆愉快、明豔照人，記者先恭喜她，她即笑不攏嘴。講到她手上沒有戴上3卡求婚戒指，她笑言因為要開劇。問到為何求婚一周年才公布喜訊？她笑言：「因為一周年日子比較特別，所以尋日公布。（之前唔知Ben會求婚？）真系唔知，早上因為我有時差所以同佢去跑步，冇任何計劃，隨緣咁發生。」
Bowie今日開工拍劇。
除罩分享喜悅~
講到求婚時兩人都感動流淚，她笑言：「其實我唔知佢喊，後尾睇返片先知佢喊，我嗰陣好震撼，好似充血上腦咁，聽唔到佢講咩。（因為你淨系掛住望戒指？）哈哈，嗰時睇唔到嘢，畫面蒙咗，同想像中嘅情緒、畫面唔同，因為身邊冇其他人，所以冇任何壓力去控制情緒，嗰陣好震撼，聽唔到同睇唔到其他嘢。」
睇Bowie個樣就知佢有幾開心。
Bowie話袁偉豪求婚時太震撼，腦中一片空白唔知發生乜嘢事。
講到受疫情影響，可會心急舉行婚禮？她謂：「唔心急，希望大家喺放心、安全嘅環境下享受呢件事，同大家分享。（計劃幾時舉行婚禮？）未有計劃，構思緊，依家大家都比較忙，我都盡力抽時間處理。（最快都要出年先舉行到？）希望啦，等疫情穩定啲。（會喺香港定外國搞婚禮？）睇嚇情況，睇香港定系外國，睇嚇出唔出到國做。」問到想婚禮如何舉行？她謂想與家人、至親好友分享就夠，問到可會搵伴郎伴娘？她謂一切從簡：「大家未必需要會理呢啲繁瑣事情，希望大家享受。」
系事後睇番片先知袁偉豪有喊。
婚紗相同婚禮都未計劃幾時搞。
問到Ben許下什麼承諾？她表示：「一個婚姻，希望以後一齊行，建立大家嘅家庭。（心急生BB？）唔心急，一步步嚟。」問到她之前可是已影了婚紗相？她笑言：「嗰啲系自己影嘅fashion相，冇佢。（計劃幾時影？）希望一齊夾到時間，同埋希望可以外面影。（邊度？）如果去到再話畀大家知，要安全為上。」而講到兩人之前聯名買新樓，她謂新樓仍在裝修中，問到爸爸可會送樓給他們做結婚禮物？她笑言不清楚。
Bowie強調所有嘢都要喺安全情況下舉行。
目標系一切從簡，Bowie希望嚟參加嘅人可以享受，唔使理其他繁瑣事情。
該新聞包含視頻，本號暫時無法上傳，
想看的粉絲請留言，小編會提供連結。
---
劇迷經典QQ1群再次擴容 名額有限速加:528244262
商務合作QQ：2063871309
每天更新火爆港劇視頻資訊！
還在為找劇煩惱？那就趕緊關注我吧！
最新最快最全：關注備用號tvbvideo，回覆：2020
（長按下圖識別二維碼即可輕鬆關注）