點上面 廣州微生活 日日睇勁爆嘢
記得好多年前有一次，我有個親戚擺酒結婚，我媽封咗300蚊紅包，已經提早多天反覆檢查過無入錯數目。
點知對方過後死都話得200蚊，其實係佢自己睇錯或一時混亂出錯。於是就將哩樣嘢同其他親戚抱怨咗有好幾次，後來親戚都覺得佢成日咁講好過分就睇唔過眼，將事情話俾我哋聽。
我覺得就算我媽封200俾你又點？
200蚊就可以拿人講閒話？
200蚊就可以睇唔起人？
如果只係封100蚊，係咪冇親戚做？定係以後見到都面阻阻？
結婚俾紅包，主要係為咗意頭好。而大家參加婚禮亦係為咗親自到場祝福一對新人！但今時今日，紅包嘅份量居然成為咗人情嘅關鍵。
俾幾錢紅包，係在乎個人嘅心意，但有D人係為咗收人情來儘量減少成本。我想問哩D人，「既然預算唔夠，擺乜撚嘢酒？」
請得人哋，就唔旨意人哋俾多D錢，如果有人重手，回禮亦應該要一大半。哪怕窮都要窮得有骨氣！
就係哩D作風，俾100蚊人情都上熱門，仲要排第一！亦即係話，當歪風成為習慣、成為共識、成為潛意識、成為規矩。下一代有樣學樣，道德觀何去何從？
見識下D人『中毒』幾深，清一色4位數，甚至有人話5位數。哩班人都唔知係咪扮嘢吹水，假如某個月好日子特別多，N個朋友舉行婚宴，俾紅包碌卡碌到負家產啦傻仔。
都係果句，冇咁大個頭就唔好戴咁大頂帽，覺得負擔大甚至預算唔夠就要降級甚至唔好擺酒。要擺，就唔好期待人哋俾好多錢。
作為男家，女家要嘅圍數都要男家俾錢，收人情嘅時候女家收翻自己親戚。男家壓力係大好多，係正常不過嘅事。但自己嘅問題卻怪責人哋俾錢少？講得過去咩？