-
突然間抽起條筋想寫呢首歌係因為一位朋友(或者講應該係家人).係呢度就唔開佢個名.反正佢有上過嚟《shall we talk》做採訪.冇錯.就係最受歡迎最靚仔唱歌最好聽嗰位.如果咁都唔知我就冇辦法啦.我真係唔可以再透露啦.佢唔畀我開佢名㗎.嗱嗱嗱咁啦.如果你真係咁想知佢係邊個.就點擊文末"閱讀原文".或者可以解答到你.
-
咁點解話佢inspire咗我寫呢篇推送呢.話說呢佢上年第一次參加我個busking之前幾日.即係about九月尾咁上下啦.佢就去咗佢屋企當地一個間書店溫書.睇到呢度你會唔會發現有啲問題.冇錯.佢唔係去咖啡店溫書.而係去書店溫書.咁即係等於去鐘錶店睇時間.去老麥食住家飯.入電影院睇愛奇藝咁.邊有咁冇邏輯㗎.擺明搞搞陣冇幫襯.不過如果你私底下認識佢.就知道佢份人就係咁冇邏輯.真係冇得捉.
-
好啦.咁anyway啦.反正佢就係去咗溫書.但係居然.溫溫下書.俾佢遇到一個戴住橙色帽嘅女仔.呢個女仔溫柔.美麗.大方.得體.咁我個Fri梗係色心起.啊唔係.係春心動一見鐘情啦.仲要最精彩嘅係.呢個女仔都係係度溫書!!!哇.兩個咁冇邏輯嘅人居然可以係同一時間同一地點同一張臺相遇.可以話係完美地解釋到乜野叫.痴痴呆呆坐埋一臺.
-
跟住落嚟就係超級偶像劇橋段.佢哋溫完書之後.個天居然開始落雨!!!冇錯!!真係連個天都睇唔過眼.and then個女主角又咁啱冇帶遮!!!然後我個Fri就膽粗粗同個女仔講.[不如我車妳翻屋企啊].雖然.個女仔可能心諗[不如你車鳩死我好過啦].雖然.只係摩託車.雖然.都係會淋雨.淋多咗都可能會有淋病.但係就好似蔡瀾話齋.問就五十五十.唔問就零.咁就梗係問啦.試問從細睇《天若有情》大嘅我個fri點會放過呢個扮華dee嘅機會.於是乎.羊入虎口.呢個橙帽女孩終於上咗佢架車.
-
一個滿懷心事嘅少男.同一個胸懷坦蕩嘅少女.係城市街角穿梭漂移.真係諗起都硬硬地.啊唔係.都濕曬.啊唔係.都覺得十分浪漫.係當時.我個Fri心入面肯定響起嗰句歌詞:[祈求在路上沒任何的阻礙.令愉快旅程變悲哀].但係連呢首歌都未唱完.部車已經開到個少女屋企.然後.少女翻身以一個超高難度凌空980度後空翻加螺旋飛行落地無水花嘅動作落咗車.除埋頭盔.
嗱嗱嗱.通常偶像劇去到呢啲位
唔打個茄輪都要拖個手仔啦啩
點知
我個可愛的親愛的朋友
居然...
目送少女上咗樓 然後暗叫不妙
[啊屌我唔記得加佢微信]
-
呢個故仔我聽過不下五次.我自己複述過俾人哋聽不下十次.每一次回想我都想用招牌式嘅蛇形刁手插我個Fri嘅太陽穴.真係畀佢吹脹.你話佢個心要幾邪.有幾多其他幻想畫面.先可以對個女仔動了心但係卻唔記得留低個聯繫方式.即係點啊.你去見工但係唔留低電話微信郵箱.人哋點聯繫你啊?神交啊?
-
雖然佢跟住落嚟好幾次去翻嗰間書店諗住撞翻啊女神.但最後都係得個吉.好啦.跟住接下嚟幾個月.無時無刻都係我耳邊呻吟.[我好掛住橙帽啊.我好掛住橙帽啊].係街邊見到戴住橙帽嘅女仔就話.啊會唔會係佢呢會唔會係佢呢.但係十有八九戴橙帽嘅其實都係環衛工.到尋日.佢仲係度發朋友圈懷念嗰個一去不復返嘅橙帽女孩.香港有個詞人因為懷念一個叫阿雪嘅女仔.所以將筆名改成向雪懷.咁我個Fri應該可以叫向橙懷.或者直頭叫新奇士算Q數.
今晚呢首歌 好似講緊你嘅故仔
送畀你 橋總
冇錯 我知你睇緊
我忍唔住 要開你名了
吹咩
我唔單只要開你個名
仲要開你個樣
(各位有興趣嘅單身女士(其實唔單身都得)
想認識佢歡迎係底下留言.我即刻推佢微信畀你)
(冇錯 佢自己去買左頂橙帽嚟戴)
-
好啦.講咗咁多終於可以返黎講首歌.今晚呢首係真係好正.上星期直播我講過.呢首歌係上年我個人第二十一位最愛嘅廣東歌.曲風旋律夠搶耳.亦十分舒服.Oscar寫起情詞唔會寡淡無味.反而係好完整咁呈現咗一個關於重逢與告別嘅都市愛情故事.
-
《深夜告別練習》係樂隊Zpecial同賴映彤嘅音樂實驗計劃嘅第三首.前兩首分別係《City Boy》同埋《我的片單》.三首歌都係清一色由小彤同埋Zpecial作曲.Oscar作詞.講述嘅都係當下香港都市年輕人嘅生活形態.《深夜告別練習》毫無疑問係三首入面旋律最入耳嘅一首.基本上聽一兩次之後就會被副歌洗腦.
-
尤其喜歡呢首歌嘅編曲.八九十年代風格同現今流行樂嘅完美融和.而歌詞方面Oscar用咗滑板作為主要元素.講述咗一個板仔係深夜街頭偶遇一位令自己動心的少女.二人踩住滑板係街上度過咗浪漫又刺激嘅一晚.但呢一切都已經過去.曾經嘅美好.只能留存於男孩的腦海中.當他再次在深夜踩上滑板.女孩的容貌便又再次呈現在他面前.人們都以為他在深夜練習滑板.但只有他自己知道.他在練習向女孩告別.
-
【黎明前獨個踩於路上 遊盪
來來回回 用最快 速度在 流浪
無求無尤地往返 淒身漆黑裡 跌撞】
深夜.都市.浪漫.是整首歌的幾個key word.男主角在深夜.黎明到來之前.踩著滑板於街頭.在靜謐無人的路上流浪.注意.這裡詞人Oscar用的詞是[遊蕩]以及[流浪].這象徵著主角此際是處於迷惘.無目標的狀態.在夜晚遊蕩於街角.單純是為了熱愛.為了享受滑板為自己所帶來的快感.
【然而誰在某天於路上 回望
無從忘懷是眼睛閃耀著 如浪
無痕無塵的心臟 掀起這一世嚮往】
原本心無雜念的他.突然回想起之前在某一個夜遇上的那位女孩.他不知道她是誰.那一刻似乎連身份都不再重要.她充滿魅力的眼神剎那間便將男孩的心融化.但這魅力發散的時效未免太短.只限那一剎那.轉眼便離去了無塵煙.但就是這一眼.卻讓男孩掀起了一世的嚮往.
【踏盡長途百次 只想碰面
穿梭於 街道上 猶似歷練
妳會否在前與後 差一剎 便擦肩】
敵不過內心的思念.在之後的日子裡.男孩踩著滑板數以百次重踏舊地.盼能再次尋覓到女孩的芳蹤.哪怕再見一面.留下一個聯繫方式也好.但奈何.這一次次街道穿梭.還是未能讓男孩如願.或許他們也曾身處於同一街角.但或許就是時間捉弄.讓他們剛巧擦肩.
【滑道上傾側倒退又轉身
我與妳一刻似是無限近
錯過若於此刻
終於都這樣陌生
月夜下彎身加快又企穩
每晚也不歸家找一個人
徐徐遺忘分針 於抱憾中覓尋】
在無人的路上我繼續探尋著妳的身影.很多次.我都似乎感受到妳就在附近.我跟妳的距離似乎僅數米之遙.但就是這麼近.對我們而言.都是這麼遠.在這刻錯過了.或許就註定你我終生都只能維持如此陌生的關係.但這不能擊退我對妳的思念.我依舊會在忘掉時間對我的約束.在遺憾中繼續尋找妳.
【仍如常滑過冷天踏入 炎夏
糊糊塗塗就快要將舊夢 埋下
迎來奇情遇上她 膽敢展開了對話】
踩過了秋冬.城市已經開始步入炎夏.過了將近半年的時間.妳的身影似乎已經逐漸在我的腦海中消失.就在那段往昔的回憶即將化為雲煙之際.奇情的劇情上演了.我居然在某個普通的夜晚.重遇了夢中的女孩.我沒有放過這千載難逢的機會.我壯著膽子上去跟妳攀談.我渴望與妳產生屬於我們的故事.
【同途同行就這麼踩著夢 閒話
説到渴了就對分一支水 喝嗎
迷迷濛濛的笑罵
搞不清這半晚真假 卻已經開花】
在接下來的時光裡.我們踩著如夢一般的滑板閒談著.我們什麼都說.我被妳的一舉一動迷倒.說到口乾了.我們對分了一瓶水.這是屬於我們之間的浪漫.雖動作微小.但對我而言意義重大.我們沒有構思明天會怎樣.只是享受著當下眼裡只有彼此的時光.這種感情是真是假已經無所謂了吧.在我們心底.這一刻的交集.已經悄悄地在各自的生命中開花
【月夜下彎身加快又企穩
這晚我不歸家跟一個人
徐徐遺忘分針 於馬路間共行】
在朗月之下.我們繼續享受著這二人世界.天似乎已經微微放亮.但我依舊不願歸家.只想跟妳繼續流浪於街角.我極度渴望能夠將時間停留於此.遺忘掉時間.只著眼於跟妳在馬路中共行.
【但然後妳 卻 又轉身
妳要走 沒 留下印
說告別於此刻 講喜歡我夠陌生】
我想留下聯繫方式.希望以後能延續故事.但妳卻意圖轉身離去.沒有留下讓我找到妳的方式.妳說.[就讓我們在此刻告別吧.以後也不要在見面了.坦白說.你也著實讓我動心了.但或許我喜歡你.不過是因為你足夠陌生.就是因為我不了解你.我才喜歡你.就讓一切停留於初見的此刻吧.別讓故事延續.此刻是開始.此刻亦是結局]
【亮著淚眼 吻吻我
妳説再 別問
悠悠回眸 我再次
揪一揪心 我盼望於
新一天 繼續 等下文】
我不捨.我甚至覺得不忿.我眼見面前的妳眼睛裡和我一樣也閃爍著淚光.我知道妳也不捨.我追問.為何要這樣.但妳阻止了我的問題.在我的臉上留下一吻.便轉身離去.走遠之後.妳又再次回眸與我對視了一眼.這一刻.我察覺到.這是我今生最後一次.見這個女孩了.想到此處.心不由得被緊緊揪了一下.我明白.跟她的故事.到此為止了.之後出現的.是屬於我自己的段落了.