早前拍《致命復活》撞頭受傷，他死撐唔請假，痛住去開工。
娛樂偵訊
《 EU》底褲發圍 王浩信焗加監 4年
剛播完的無綫劇《 EU超時任務》大結局，收視最高錄得 30點，劇中做圍頭仔的王浩信，著老底出場更成熱話，被媽咪網民大讚做得入型入格。小生近乎走清的大臺即時做嘢，要求仍有三年約的他再加簽四年，唔應承等於自動入雪櫃做凍肉，要養家的王浩信，惟有乖乖就範，即時動筆加監。
師奶嗒糖
現年三十二歲的王浩信，一一年跟陳自瑤結婚生埋個女，人氣不跌反升。在無綫八年，做「兜巴信」先後在電視劇被劉松仁及謝雪心狂摑後，網民加曬分。
有話題，王浩信在《 EU超時任務》又有新突破，著底褲當街逃跑。
「 Vincent（王浩信）剝淨底褲喺條街周圍走嗰幕出街後， Baby Kingdom幾乎洗版，好多師奶睇完都嗒曬糖，大讚佢身形弗，又話佢愈嚟愈有戲，結咗婚都 keep得咁好，一晚多咗好多 fans。」一名無綫人說。
在《 EU》中著底褲外，更要孭人通街跑，少啲力氣都唔掂。
一班媽咪 fans在 Baby Kingdom大讚他有靚 body。
剛同老婆度過四周年結婚記念，二人執到靚跟朋友一起食飯慶祝。
有機攞獎
網民力撐，更有影響性是得到高層留意，曾經在《法外風雲》被謝雪心狠摑二十四巴而突然人急氣升，王浩信更因此奪得一三年「飛躍獎」。
「外面人覺得呢啲獎冇乜用，但攞完獎後，其實無綫幫佢哋接出面啲 job都會乘機加價，變相多咗收入，所以就算係豬肉獎，點都好過冇。好似今次 Vincent喺《 EU》做圍頭仔，公司搵咗人教佢講圍頭話，聽得出佢有做功課，講出嚟似模似樣，啲阿頭都有讚佢，隨時又有機會攞獎。」
一三年，被謝雪心連摑廿四巴，終於突圍奪「飛躍進步男藝員」獎。
拍劇外，王浩信間中亦有返內地登臺賺外快。
冇得唔簽
囤兵打仗，無綫亦不敢怠慢，要求人氣有上冇落的王浩信加簽四年，連同舊約餘下的三年，未來七年，王浩信都被大臺揸住。
「公司走咗咁多小生， Vincent肯搏又聽話，班老細梗係要加佢監， Vincent明知唔續約冇運行；好似馬明，佢到而家都唔肯續約，公司抵制佢根本冇劇開俾佢，不過撞正搵唔到個較成熟嘅小生襯阿佘（詩曼），佢先有機會拍《賭王》。 Vincent要養家，公司又講明嚟緊會俾佢做男一力捧，所以點都走唔甩。」一名無綫人說。
早前拍《致命復活》撞頭受傷，他死撐唔請假，痛住去開工。
14年王浩信拍《樓奴》雖然首次擔正男一，不過包到冚冇運行，未有太大反應。
15年，在《東坡家事》做男二，不過一身爆肌引起注意，他亦表示拍這場戲前，積極操弗。
自己友自己捧
無綫一直奉行只捧自己友的規條，就算近幾年逃亡潮冇人用，但如非必要，也不會重用外人，所以只要稍有潛質，例如劇接劇的陳凱琳，都被十年約綁死，被點中力捧要求加簽長約的藝人，大多會妥協唔 say no。
李佳芯
有線舊人李佳芯，早前在《潮流教主》演繹落泊闊太被力讚，大臺即打蛇隨棍上，一七年才滿約的她，上月被公司要求提早加簽五年。
吳若希
吳若希一直是何哲圖的頭寵，大臺上下當佢寶，有指一八年才約滿的她，去年尾由主席「殼王」陳國強親自傾加監，底薪由二萬變四萬。
鄭俊弘
13年參加大臺《星夢傳奇》唱紅自己的鄭俊弘，即被公司加簽十年長約，當時他與大臺仍有三年經理人約未完，長命約，有排還。
可以點原文看更多猛料，也可以畀臺叔一顆充滿愛的贊~