一份牛雜、一碗豆腐花
一碗雲吞麵、一塊唔起眼嘅招牌
每去到一個地方
總喜歡踩著單車感受這個城市
一站站去試那裡的情懷味道
今日女巫就帶你踩著摩拜都去吃一遍
哩13家隱藏系佛山大街小巷裡嘅地道美味
麵鑫麵館
哩間位於平北六村噶呢間麵館，老闆系1992年就從梅州過黎平洲生活，而距親手創立噶面鑫麵館都已經有12年歷史啦，系平北呢度有相當多噶街坊幫襯。
附近有D街坊甚至將麵館當做自己噶廚房一樣，隨時黎翻碗新鮮滾熱辣噶雲吞麵。
「湯鮮面爽雲吞靚」呢個金漆招牌一點都無花假，火柴支甘粗噶麵條，唔會斷又唔會扭埋一齊，條條爽滑，韌勁十足，掛系筷子頭上面仲識得彈下彈下，好似跳緊舞甘，放系嘴入面咬，唔單止彈牙，而且仲咕嘰咕嘰甘響。
六粒雲吞加一餅面，連湯帶面，意猶未盡，食慣左其它店爛糊面噶我，覺得呢D簡直就系天下間最爽滑、最勁道噶面啦。
開鋪時間：6:00——16：00
地址：平洲平北六村西邊街
德昌糖水鋪
位於平洲舊墟噶德昌糖水鋪，19平方，26年，馮姨就系甘樣用左26年噶時間去經營呢間人情味十足噶糖水鋪，第一次一定要點碗「朱古力燉奶」，一啖食落去就忘唔到果種感覺。
系呢度，你仲可以食到非常正宗噶住家甜品，超級綿噶海帶綠豆沙，酸甜煲淋噶豬腳姜，香濃滋潤噶窩蛋奶，濃鬱入味噶牛奶香芋西米露……當然唔少得噶系，煉奶蜜糖龜苓膏，雪耳雞蛋糖水，蓮子百合鵪鶉蛋糖水，椰汁西米露，菠蘿冰，西瓜冰等等，滿足曬你一切噶味蕾。
好可惜噶系，因為租金要上漲到7300蚊一個月，馮姨好可能做埋呢3個月就唔做啦，所以，想去食噶朋友一定要抓緊時間，如果唔系就後悔都無眼淚。
開鋪時間：全日
地址：平洲太平路35號（平洲中心幼兒園附近）
平西牛雜萍
黎到平西坑邊村衝邊大街噶牛雜檔，大家都叫距做「牛雜萍」，因為呢間店無正式起名，20幾年黎大家都系直接用「牛雜萍」做店名。
呢度D牛雜種類齊全，牛骨、牛腸、牛蒡、牛肺、牛肚、蘿蔔、薯仔、麵筋、青菜……要乜有乜，已經煮到深褐色嘅牛雜湯底，未食就已經惹味過人，隔住幾條街就已經聞到香味，同阿d淡茂茂嘅牛雜湯比簡直系無得比！
呢碗牛雜7蚊雞，夠我3個人食，搽埋呢D海鮮醬啊，辣椒醬啊甘，特別惹味，不過我唔中意搽醬，淨系中意齋食，最好就黎翻串芥藍，爽口入味，飲啖牛雜湯，哇，我已經企唔穩啦！
郭伯豆腐花
郭伯，本地人都叫距做「豆腐才」，做豆腐花一做就系40幾年。
糖水系用姜同冰片熬製而成，加入姜味噶豆腐花，甜而不膩，老少鹹宜，更加要食多兩碗！
俊洪小食店
西南街嘅園林市場，每日都有師奶討價還價嘅聲音，仲有一群老爺阿叔打牌下棋嘅畫面....系哩度仲有一間非常出名嘅小食店。巖到市場門口，你就會聞到一陣怪怪嘅臭味....
識食嘅人都會知道，哩個就系三水特產臭屁醋的味道，基本上每個三水人甚至連附近獅山、大旺的食貨都會知道哩度——俊洪小食店。
這個只有 10+㎡嘅店仔已經有15年嘅歷史了，最出名嘅就是臭屁醋、糯米飯，仲有黑醋姜、竹篙粉、糖水、秘制雞腳都好正噶！
哩度嘅醋喝上口不會很酸，口味比較適合大眾，所以每日每時每刻都會有很多人來食。經常都坐滿噶，想黎試味嘅你記得早D啦！
人均：9元
地址：佛山市三水區赤崗路83號（即桃園對面園林市場口）
鵬豐牛雜
隱藏系舊三水人最中意去嘅商業城旁邊，有一間鵬豐牛雜。哩間牛雜店已經有十幾年歷史，從老一輩到宜家他們兒女接手，好多三水人都會專門開車黎哩度品嘗！
鵬豐牛雜嘅舊照
這裡有秘制牛雜湯底同咖喱湯底，我最中意就系食咖喱湯底，真的好有風味。特別系咖喱薯仔、咖喱魚蛋！
這裡最出名嘅就系「牛爽肉」！系米冇聽過？其實算系牛乳房附近的部位，食上去非常爽口，而且仲會有少少牛奶嘅香味。很多人都沒試過噶！
人均：15元
地址：三水區西南街道商業路一號125鋪（日日升超市後面）
秋錫鴨腳店
穿過幾條橫街窄巷之後，終於到左哩間非常特別嘅小店——秋錫鴨腳店。
這裡的菜品不多，但樣樣都是精品。也跟這裡的布置一樣，沒有任何的修飾，有的就是最原始的味道。
其中滷水系列就是這裡最出名的！1.5元/串鴨心，2.5元/個鴨翅，1.5元/個鴨腳，這麼便宜的價錢一直沒變，味道也一直沒變！分量還超級大呢！
人均：8元
地址：三水區勞動大街與文峰中路交叉口恆福廣場斜對面，麥當勞後面。
美上美甜品
這家擁有十幾年歷史嘅糖水店，搬過兩次，裝修過兩次，充斥住很多三水人嘅回憶。位置變左，裝修變左，但味道甘多年冇變。
哩間糖水店出品不錯，而且價格都好實惠，唔止糖水，仲有正餐食添！
哩度嘅蛋煎粽一定要點，很多地方嘅蛋煎棕都系切片黎煎，哩度嘅系成只壓扁來煎，特別香！蛋完全包住著粽，時間都把握得巖巖好，金黃金黃，超好吃！
甜蜜蜜
睇落好普通嘅店，其實承載左三水無數人嘅記憶。雖然裝修同菜單都充滿年代感，但出品真系好正噶！
西米椰汁黑糯米，濃稠噶糯米同椰汁仲搭配出一副「畫」。攪拌均勻後食一啖，黑糯米好軟啊，放入口感覺到好滑，厚實濃稠噶口感好令人享受。椰奶都係老闆自己調出嚟噶，味道唔會太甜，一D都唔滯！
哩度D香芋西米露都幾正！芋頭入口綿綿糯糯，同Q彈噶西米一齊碰撞好精彩。
地址：三水區人民三路9號105
人均：5蚊
營業時間：早上12:00~凌晨1:00
陳仔
「陳仔」72年淨系做兩樣嘢，一系葛菜水，二就系龜苓膏。無論系以前九龍城店，抑或系而家噶陳村店，選用噶藥材全部都系從香港大藥房進貨，製作葛菜水同埋龜苓膏所用到噶材料一樣都唔可以少。
葛菜水其實就系用曬乾左噶野葛菜、九肝菜、羅漢果、雞骨草等十幾種藥材，先後經過大火、中火、細火以及焗等步驟煲成噶，少一種藥材，少一個步驟都唔得，從夜晚8點一直煲到第朝早上6點，慳D功夫都唔掂。
清澈見底，其實味道有點奇怪，鹹中帶甜，甜完之後又有小小回甘，老少鹹宜。
▲ 加D鹽花下火效果更好
龜苓膏系用土茯苓、沙參、玉竹、半枝蓮、舌草等二十八種藥材，煲足10個鐘，再起渣幾次，隔乾淨凝固之後製成噶，前後起碼花費兩日噶時間。
味道唔會好苦，食入口起膠，滑滑溜溜，有好香噶中藥味，可以自行隨意搭配烏糖漿或者烏糖粉食用。
營業時間：9:30~22:30
地址：陳村農貿市場公交站旁
七姐麵店
雲吞麵，承載左佛山人嘅情懷與回憶，每個人心目中都有屬於自己嘅一間麵店，而哩間七姐麵店，20多年來日復一日營業，徵服了無數順德人嘅胃。
面上來嘅時候，外觀稍有普通，夾起先知系雲吞系面底下。因為一碗及格嘅雲吞麵，必須系雲吞在下面在上噶，因為面浸耐左會變得冇彈性冇口感。
雲吞一啖一個，個個都系皮薄飽滿，瘦肉緊緻蝦肉彈牙，咬落去仲有濃縮嘅肉汁，好多街坊就中意哩種傳統嘅味道，就算搬走左也會大老遠跑回來吃。
營業時間：早上6：00-晚上8:00
電話：0757-26688999
人均：10元
地址：佛山市順德區容桂工業路101號(近容桂文化宮)
冇招牌嘅糖水鋪
在順德，一間冇招牌嘅糖水鋪，在自家屋子門口一賣就系好多年。最初阿姨系賣蔗水涼茶為主，後黎街坊建議就賣埋糖水啦。
除左時令上嘅講究，要講最考驗一間店水準嘅糖水，仲要睇四季經典款：雙皮奶、紅豆沙、綠豆沙。
遠近馳名嘅順德雙皮奶唔可以錯過！採用了順德本地嘅水牛奶，順德水牛奶乳脂含量高達8%，系普通牛奶嘅兩倍，奶香格外濃鬱！
紅豆沙口感綿，好有沙質，味道又綿又甜，仲可以祛溼。一碗下肚，驅趕曬夏天所有嘅悶熱。
舀一勺放進嘴，清涼爽滑，帶著微微苦。伴著絲絲香，食之將盡，舌尖卻又生出淡淡嘅回甘，哩個就是龜苓膏。
營業時間：12:30~22:00
店鋪地址：順德區容桂北閘大街新後橫巷38-1號
友叔麵店
友叔麵店已經是第三代傳承下來的，傳統和正宗的味道可能就是好多人穿街走巷過黎哩度品嘗美食嘅原因。
友叔的麵店有「五大天王」，每一個名都好犀利噶！金碧輝煌、前程萬裡、步步高升、卓卓有餘、黃金萬兩。聽友叔介紹，過年嘅時候好多街坊都中意睇住哩「五大天王」的「好意頭」菜名來吃麵。
金碧輝煌，一碗分量好足，四個人吃巖巖好。入邊有鮮蝦蟹子云吞和蟹子魚皮角，皮薄肉鮮，吃到停唔到口。
前程萬裡系招牌撈麵，懷舊復古嘅公雞碟面鋪幾片生菜，簡簡單單幾好睇。麵條食落口感好豐富，味道適中，冇太多嘅醬油，卻有少少花生粉吊味，正！
黃金萬兩系炸雲吞，系特色嘅街頭小吃。炸至金黃再淋上泰式酸辣醬，齋睇就已經食慾大增。
年年有餘系炸魚皮，順德人食魚皮有數百年嘅歷史。友叔嘅魚皮食起身嘅爽脆感簡直「爽出天際」，加埋花生米一起食，更加香脆可口。
營業時間：每天時間不定，早上7:30開門，一般都會做到晚上7:30，太晚去就收工了喔~
地址：順德容桂工業路文東街6號（面向文化宮左轉直入300米）
哩D懷舊嘅好味道
或許系不遠嘅將來就會消失系時光裡
如果中意，記得約上好友踩起來啦喂！
今日，女巫有份大禮送給你們
摩拜單車X吃貨部落
送出價值20元的月卡
戳以下二維碼快搶！
▼▼▼