反轉豬肚就系屎/大腸扭屎

    

  老廣啲俗語，簡單明了，通俗易懂，生動形象，相當盞鬼。譬如呢一句「反轉豬肚就系屎」。

 

    好多人都對粵菜客家菜系裡面嘅「豬肚雞」情有獨鍾。呢個系廣東省傳統嘅地方名菜，號稱「能喝湯的火鍋」，濃濃嘅白色湯底，有濃鬱嘅藥材味和胡椒香氣，真系好鮮美好飲嘎，營養得嚟又唔刺激腸胃。呢味菜嘅做法系將雞放入豬肚裡面，加上名貴藥材來燉湯噶。

 

    食在廣州，遠近馳名。廣州嘅老火靚湯系出曬名嘅。初去廣州嘅人，從未有飲湯嘅習慣，都會被廣州佬每個季節飲咩滋補湯嘅特色明目挑花眼。真系腦洞大開，眼界大開嘎。入冬嘅時候，唔少有胃病嘅人都會怕被冷空氣刺激，需要驅寒暖胃，呢個時候以形補形，胡椒豬肚湯就系最好嘅選擇。胡椒豬肚湯，有人習慣用白果、腐竹一起熬煮，再加埋啲瘦肉、豬骨落去，奶白嘅濃湯醇香甘潤卻不傷喉嚨。

 

    無論系炮製「豬肚雞」，定系「胡椒豬肚湯」，都系用豬肚來做食材，當然事先就要整乾淨個豬肚啦。呢樣嘢真系要考功夫，好比心機，馬虎不得囉。

 

    豬肚，就系豬胃，異味難聞。表面上白淨滑溜，好容易洗乾淨。但系，裡面呢？只要將豬肚反轉，入面就系豬嘅半消化嘅飼料和米糠等，而且仲有嗰啲消化粘液，如果處理不當，確實會異味難擋。所以，要徹底整乾淨豬肚裡面嘅烏糟嘢，先至可以用來放心烹飪嘎。

 

    首先，要落鹽同生粉個豬肚度，反覆搓洗、過水幾次，清洗之後，仲要用白鍋燙幹，再用刀刮去豬肚上面嘅粘附物，剔除乾淨之後再洗乾淨，放篩盤上面晾乾啲水。雖然功夫繁多，但系只要唔嫌麻煩，做嘢細緻一啲，就可以搞到妥妥掂。

 

    所以，由此可見，個豬肚表面好哋哋，將豬肚反轉嘅結果，就會見到烏糟邋遢嘢，全部系屎囉，即系唔系好嘢。所謂「反轉豬肚就系屎」，系話「翻轉冇好」，引申開來，就系「翻臉不認人」、「背信棄義」嘅意思，系形容兩人（或團體）本來關係好好嘅，相處融洽，但系一旦反面，鬧不和之後，其中一方或雙方嘅態度立刻變得非常惡劣，判若兩人。

 

    廣州話俗語當中，「反轉豬肚就系屎」好常用，系貶義詞。通常形容一個人人品很差，市儈、善變、變臉、耍大牌，表示一個人翻臉無情，反覆無常、出爾反爾、事後不認帳等。最明顯嘅例子，就系合作夥伴鬧翻、兩公婆感情破裂嘅情況。原本親密無間、配合默契，一下子變成貼錯門神、一拍兩散。再嚴重啲嘅，有時會因為利益紛爭搞到深仇大恨、恩斷義絕、老死不相往來添。「愛死你」變「憎死你」，瞬息萬變。

 

    世情冷暖，人心涼薄。生活就系一出電視劇，一個轉臉就唔認人、反曬面，真系好絕啊，但系就周不時都上演。特別系嗰句：「夫妻本是同林鳥，大難臨頭各自飛」，唔使大難啦，money就系考驗。有錢吃香喝辣，就跟住你囉，講心又講金；冇錢嗰時，分分鐘飛起你。咩咁偏激話女人拜金，反轉豬肚就系屎。其實，男女都一樣，要愛情唔要麵包嘅「烏託邦」世界，現代社會冇可能存在。

 

    畢竟，現實就系現實。

 

    講開又講啦，反轉豬肚就系屎，噉反轉豬大腸呢？——噉唔使問，就更加系屎啦。所以，另外仲有一個俗語「大腸扭屎」，意思就系形容像把大腸裡的屎抖乾淨一樣，某人將所有秘密都全盤託出，告訴別人。暗諷某人毫無防人之心，與人傾訴不分對象，說話毫無保留，隨意暴露個人隱私。同樣都系貶義詞嘅。

（本文圖片來自網絡，如有版權請告知刪除。）

 

作者簡介：王小女子，一個從小就熱愛文學和音樂的小女子，個人公眾號：王小女子（gh-9abf8a3205fe）。

 

你可能還想看：

你估抗疫系細蚊仔弄泥沙咩

賊佬都轉型

出矛招，亂拳打死老師傅

廣東佬：以形補形，大功告成

十鬧九因錢

連鬼佬都服嘅穿浪褲

 

謝謝你的關注和支持

轉發和推薦是最好的鼓勵

長按以下二維碼

可關注「王小女子」的公眾號