「天下無雙」
茹初見同張日熙走過四年 從無話不說到無話可說 從相識 相愛 再到離開 張日熙開始厭倦 唔再陪佢輸入中 茹初見失去信任 張日熙依然係大細路 但天下無雙就已經唔再係天下無雙
「有好多人來得及穩佢地噶天下無雙 但系都系有好多來不及 來不及講再見...」
因為掛住 所以講完晚安 帶住009 走到張日熙屋企樓下 點知就睇見佢落樓踩單車 摞手機自拍 笑得好開心
「我一直以為Happy有2個P 係因為兩個人一齊覺得快樂先至係快樂 當穩到你噶天下無雙 就最快樂 但原來有d人講完good night之後 先系佢最快樂噶時候 佢一個人先至系最快樂噶...」
因為想 所以每年都會買一本新噶「日本通」 計劃住食拉麵 泡溫泉 去原宿 睇櫻花 睇高達 茹初見想佐四年 張日熙就拖佐四年 後來 高達來佐香港 張日熙卻去佐日本
「東京之旅一早比一世遙遠」
因為忍唔住 所以偷睇佐張日熙手機 發現原來同自己冇野講噶張日熙 可以同其他人傾到熱火朝天 呢一次 茹初見唔再對自己講「俾多次機會俾張日熙啦」
茹小姐話「再都冇我地了 張日熙 要再見了」
「原來有d野 無論你幾努力 係都冇用」
2009 樂天送家姐離世 為佐家姐巖出世噶bb女 於是 波鞋爸爸樂天送同醫生媽媽蔡妍決定結婚 一齊養大佢 樂天送幫bb女改名為樂悠悠 希望佢樂也悠悠
醫生媽媽話「我陪住你 你陪住悠悠 大家陪住大家」
呢四年 蔡妍好努力甘去做一個好媽媽 但係佢做唔到了 當回家感到辛苦 當摞起鎖匙都感到沉重 佢地都以為好用力去做 就可以做好一件事 但原來佢地係好用力甘 去做錯一件事 所以醫生媽媽就決定放低鎖匙 離開
「忘掉愛過的他 當初的喜帖金箔印著那位他 裱起婚紗照那道牆及一切美麗舊年華 明日同步拆下 忘掉有過的家 小餐檯沙發雪櫃及兩份紅茶 溫馨的光境不過借出到期拿回嗎 終須會時辰到 別怕 請放下手裡那鎖匙 好嗎」
「冇野穩野來搞」
冇佐張日熙 由兩個人變成一個人 真係好難過好辛苦 茹初見掂唔到6 佢同自己講「好似原來甘就得噶了」 但係 唔知幾時就會突然喊出來 所以咪學悠悠 只要一日唔喊就俾個like自己
悠悠話「喊 係對唔住眼睛噶」
因為掂唔到6 時間就變得多佐 茹初見就開始「冇野穩野來搞」 搞玻璃曲奇 搞馬卡龍先生 搞住mamayu個廚房 而樂天送就開始搞佢噶歡笑樂園
mamayu話「訓唔著 咪冇野穩野來搞囖」
傷筋傷骨100日 甘傷心呢？記憶隨身 時間唔係藥 但藥係時間入邊 佢地「冇野穩野來搞」 不知不覺 漸漸融入佐對方噶生活
「帶走傷感 帶不走哭得轉紅了的燈 記憶隨身 延續欠你的氣氛 帶走開心 卻帶不走拖手時的體溫 微暖質感 留在臉上還未吻」
「茄牛通」
人噶一生會遇到好多人 會不斷認識新噶人 所以呢個時候Miss Office就出現佐個王子翔Prince Edward
Miss Office噶女士們話「Prince喔 太子站喔 唔知會唔會係我個下一站嘞...」
茹初見失戀 Edward又失戀 兩個傷心噶人 係同一個辦公室 每一個下班夜 Edward因為冇咗茄牛通 所以翻唔到屋企 於是偷偷學茹初見 令自己痛出來喊出來 果通電話 果首「非走不可」 係佢不能忘記噶痛 係佢對茄牛通噶告白
Edward話「我地係一樣噶 兩個甘相似噶人 係應該係埋一齊噶」
朱古力係需要時服 茄牛通唔係一道菜而係一個人 呢個世界上 唔係只有茄牛通 仲有茄牛撈公 茄牛烏冬 但係阿根廷再靚 咖啡再好飲 得翻一個人 彩虹都少佐只顏色
Edward噶電話終於又響翻了 茹初見望住佢話「如果唔係果個人 就算幾放唔低 都唔洗等一萬年 你個電話會再響翻 會有人陪你輸入中 唔洗淨係食茄牛通...」
「勇 咪有囖」
愛情係一種生長係懸崖邊緣噶花 要摘佢就要有勇氣 勇氣唔係積存翻來噶 唔係練翻來噶 而是好喜歡好喜歡一樣野 自然就會有噶
「我也不是大無畏 我也不是不怕死 但是在浪漫熱吻之前 如何險要懸崖絕嶺 為你亦當是平地」
茹初見個好姊妹 一個面惡善良底噶宋柳娟 冇佐死人頭 但係遇翻以前暗戀噶機車何志安 佢地一齊飛車兜風龜苓膏 一齊樓梯底 同茹初見一樣 我都想知道 宋柳娟同機車係邊度浪漫熱吻 是樓梯頂定系樓梯中定系樓梯底...
宋柳娟話「何志安 我甘惡 我系唔系唔會再有噶了 你地男人淨系中意死姣死靚噶啦」
「我唔系 我中意嗲」
「嗲即係姣咯？我兩樣都唔會有 都話我冇了」
「嗲唔系姣 嗲就系任性 你囖」
「我？我呢d叫惡！唔系任性 唔系嗲」
何志安學住佢氣沖沖下樓梯「甘咪係嗲囖」 慢慢靠近佢「兩年前 你『沒什麼』我 『只是突然有點感觸』『不用理我』咪就係嗲囖」 逼近牆角話「你頭先問我『何志安 我甘惡 系未唔會再有』咪就系嗲囖」
宋柳娟真係好勇 我記得宋柳娟第一次坐上何志安架機車 bgm就係「祈求天地放過一雙戀人 怕發生的永遠別發生」 亦都記得到後來「沿途紅燈再紅 無人可擋我路 望著是萬馬千軍都直衝」
宋柳娟話「勇咪有咯！」 系真噶 勇就會有噶啦
「愛是永恆當所愛是你」
原來呢個世界 真係有人可以甘巖噶 20090909茹初見同樂天送甘巖搭同一架的士 甘巖都係佢地噶個一年 甘巖悠悠豬又去佐mamayu屋企 甘巖佢地都中意藍色 仲有啊 原來佢地細細個就係叮叮車裡相遇過
「人生若止於初見 初初見 第一眼見 就覺得個個人係全世界噶個種滋味 值得你記住一輩子」
外公Jack咪已經牽著外婆Rose一生囖 原來有噶 真係有人會永遠陪著另一個人噶 「愛是永恆 當所愛是你...」 茹初見問外公 點樣先至知道邊個係果個「你」啊
外公話「邊個可以令你笑 你可以令邊個笑 果個咪係囖 穩到對的人 就有一萬年 就會一萬年」
茹初見同樂天送打電話 一齊「倒垃圾」 做佢噶「垃圾婆」 佢地有講唔完噶話題 佢地一齊「輸入中」 樂天送開始穩翻自己 做翻玻璃design 雖然成日都講唔巖套劇名 不過就知道佐悠悠中意噶劉海強好似「李大仁」 慢慢 樂天送變成茹初見一見到就想笑噶人
「每個人心入面都有一袋好大噶垃圾 唔系唔想倒 系根本唔知可以倒去邊 其實我地都系度等一個可以幫我地倒垃圾噶人 都系度等緊next station...」
從掂唔到6 變成開始掂到8 原來沙發都可以甜到漏 原來見唔到 都係陪住 原來 「天佑我的愛人」噶天係樂天送個天 有佢 茹初見先至會有明天 原來如陽光就係茹初見 原來樂天送先至係茹初見噶天下無雙
樂先生話「見到 陪住就夠」 茹小姐話「見唔到 都係陪住」
佢地仲話「見唔見得到 陪唔陪得到 都系想你好 但系見唔到 陪唔到 我都唔會好....」
20090909 好想好想 好信好信
20190909 我係茹初見 我穩唔到我噶樂天送 同我唱天下無雙
┄ ┄ ┄ ┄ ┄ ┄ ┄ ┄ ┄ ┄ ┄ ┄ ┄ ┄
是你的鵝 今天也很喜歡你 你呢
2019.09.09.