bra對於女仔嚟講非常重要，可以話系必不可少
但系女仔最憎嘅都繫著bra
著住會俾件bra箍得非常辛苦
著耐咗仲會有內衣痕
唔信你問下身邊嘅女（性）朋友
一日之中最快樂嘅，系咪除bra嗰一刻
有啲女仔真系夠膽唔著bra就出街
但系就會俾人話系「姣婆」
「出街唔著底衫，都唔知想勾引邊個.」
真系大吉利是嗰陣就會俾人詬病
「抵死啦，鬼叫你著得咁唔正經.」
嗰女仔只不過系想舒服啲啫，咁都有錯？
咁樣嘅講法
嗰女仔著短裙出街被人強咗，唔怪個犯，就怪個女仔著得唔檢點？
真系出曬奇
點解女仔唔敢舒舒服服唔著bra出街？
一系衰啲思想汙糟邋遢嘅鹹濕佬
呢啲人就真要拉去打把了
二就系呢個社會對女性嘅道德綁架
所謂嘅「穿衣自由」都系呃鬼
著得稍微暴露小小
一樣會俾人話
就算唔用把口講出嚟
都會用嫌棄嘅眼神望住你
甚至乎會兜口兜面對你翻白眼
女仔心思本來就細
稍微有啲異樣眼光掃過嚟都會覺得唔舒服
試問聲嗰女仔需要幾大嘅勇氣，先之可以嚟頂住呢啲目光
著自己鍾意嘅衫，無論佢幾暴露都好
夠膽唔著bra就出街，哪怕佢會飛釘
唔好話女仔嘅「穿衣自由」系虛嘅
就連男仔都會俾人話
男仔做gym嗰陣會介意自己飛釘，都會貼啲乳貼
所謂嘅「正常人」就會話佢哋系乸型
想遮醜有錯咩？
你系乜水啊，憑咩論到你對我指指點點！
舊年有個韓國明星，就系因為唔鍾意著bra俾人鬧上熱搜
之後又因為各種原因俾人網暴，仲得埋抑鬱症
最後都系頂唔住壓力去咗賣鹹鴨蛋
等到嗰明星過咗身之後，先之嚟反省，仲留低咗千年名句
「雪崩的時候，沒有一片雪花是無辜的」
有留意新聞嘅就知我講緊乜水啦
有啲語言同埋眼光，睇落好閒
但系聚集埋一齊就系一把鋒利嘅刀
所以咁多位「正常人」
唔該口下留情，刀下留人
女仔著咩出街，點著法系人哋嘅自由
男仔出街擔遮，做gym貼乳貼都系人哋嘅自由
關你鬼事咩！你理得人咁多啦
各位受到過呢啲冷暴力嘅姐姐仔，哥哥仔
再見到呢啲人就記得要遠離
佢哋只不過得翻把口
對你有偏見嘅人，就算你著得密密實實佢都一樣會話你
「你仲有對眼喺出邊喎」
唔著不bra啫，又唔系犯法
行得正企得正，怕咩人講喎
如果俾你撞到一個唔著bra出街嘅女仔，你會點？
金句王
女人出街唔著bra，男人嘴賤真抵打
點讚、在看、分享俾啲「正常人」睇下