點擊上方 ↑↑ 即可關注「金句王」
一般講到「偷食」，都系講男人點點點衰，但其實咁樣對男人好唔公平喎。
就好似日本有媒體早前做咗一個關於分手嘅調查，以下得出嘅數字，絕對會令人從重審視身邊果位睇落好純真好忠誠嘅女朋友，原來偷食可以狠過男人好多！
50%偷食女性身體同心靈都俾咗第三者
多數人都會覺得男人先會用下體諗嘢，錯喇，統計所得，原來50%偷食嘅女仔喺同元配分手前已經同第三者有肉體關係，而且承認自己身心都愛上第三者，只有40%女人愛上第三者但忍住無發生性關係，另外10％就系只有肉體關係。
而男人偷食嘅，表示身心愛上第三者嘅只有36%，而且有成50％忍得住無同真心愛上嘅第三者有性關係。換言之，男人偷食，同第三者有性關係嘅機會比女人仲要低。
只得17% 女性偷食後被男友發現
坊間成日有文章話點睇得出女人出軌，原來根本就無用架。訪問調查所得，原來偷食（包括有性關係）嘅女性之中，最後被元配男友揭破嘅只有17%，即系話超過8成嘅女人偷食最後男伴都系一無所知。
對此好多受訪女性都坦言系男方高估咗女人嘅忠誠度，亦大安旨意覺得自己女朋友「好乖好純」，絕對唔會做出呢啲行為，結果系點？寶寶有樣你睇啦。
被發現偷食後，男人傾向原諒多於女人
另一驚人發現，一旦發現另一半瞞住自己同第三者曖昧，甚至有肉體關係，男性嘅話竟然有41%會選擇原諒女朋友；相反，女人就只有37%會選擇原諒偷食男友。
原因系男人偷食多數因為一時受唔住肉慾引誘而發生，所以萬一女友偷食，都會假設對方都系一時衝動。但真相系女人偷食好大程度系身心皆已完全愛上第三者，所以女性原諒指數亦會較低。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy