藝人李思欣同老公範振峰好Sweet咁慶祝咗佢1月8日嘅正日生日，早幾日去內地登臺，忙到冇時，所以尋日先約到同閨密楊秀惠同周家蔚慶祝。
楊秀惠Post咗3人嘅合照同短片，好似黐頭芒咁，家蔚仲餵思欣食紅桑莓，感情好到爆呀！秀惠留言話：「大家姐終於約到二家姐食餐生日飯了Happy Belated Birthday祝妳生（身）體健康！生日大快樂。」唔講未必記得，原來楊秀惠李思欣早喺2004年拍攝無線青春偶像電視劇《赤沙印記＠四葉草‧2》嘅時候已經結緣扮演姊妹，不過，戲中飾演佢哋細妹嘅陳自瑤就未見蹤影。唔少網民都話集體回憶返曬嚟，仲話好期待見到佢哋合體呀！
另外，見到3人相中都著住綠色衫，原來系思欣定嘅Dress Code，話綠色代表青春常駐咁解！
林淑敏曬相：我最重要嘅男人…藝人林淑敏憑《愛．回家之開心速遞》「大小姐」一角人氣急升，觀眾更熱捧佢同「送水輝」許家傑呢對情侶檔，只要兩人合體出席活動或者同框，網民都Like爆！呢日「大小姐」上載一張合照，見李偉健、羅樂林、許家傑、歐瑞偉四個大男人排排坐，林淑敏留言：「四個我最重要嘅男人(心心)眼 #龍力王 #吳家聰 #龍敢威 #送水輝」唔止林淑敏心心眼，連成班網民見到之後都心心眼呀。拍劇直踩13粒鍾！高海寧32歲牛一收驚喜
藝人高海寧（高Ling）最近忙於拍攝新劇《極道怪咖》，連尋日32歲生日都要喺工作中度過。不過一班同劇演員好有心，準備咗兩個生日蛋糕，蛋糕上更寫住高Ling個劇名「明麗」，為壽星女送上生日驚喜。當日高Ling等埋位期間，馮盈盈同吳嘉儀（阿七）似足特工上身，踎喺車外偷偷點蠟燭，然後佢哋突然打開車門並獻唱生日歌，搞到原本喺車內瞓緊嘅高Ling當堂醒曬，認真驚喜！
阿七大讚高Ling拍攝時好專業：「尋日我哋拍外景，撞正高ling生日正日，我同盈盈畀咗個等埋位生日驚喜佢。佢嗰日拍足13個鐘non-stop，真系好犀利！」
陳凱琳孖嘉穎睇騷 張學友自爆「老人病」發「歌神」張學友的紅館演唱會進行得如火如荼，學友自爆回歸香港主唱開騷，緊張得「老人病」爆發！前晚他在個唱中感謝歌迷對他不離不棄，並有感而發說：「2000年時候因為技術唔好，曾經有失聲時候，大家都冇離開過我，我今日先可以喺度再為大家表演，其實中間經過好多嘢，我相信大家絕對有100個理由離開張學友，衷心多謝你哋支持，一路畀機會我去做自己鍾意嘅嘢，我會繼續努力為大家帶來更好嘅表演。」接住他搞gag笑言轉頭會去換衫，雖然大家都知「安哥」不是秘密，但他笑指換衫速度快慢要視乎觀眾歡呼聲，笑說：「大家嘅歡呼聲、喝採聲再加掌聲大一倍，我就出嚟。」
而藝人陳凱琳（Grace）就喺社交網上載一張同學友、老公鄭嘉穎嘅三人合照，並留言：「多謝老公請我去睇張學友～太好聽！太精彩啦！」原來Grace兩公婆都系學友粉絲喎！
劇迷激贊「天嬌」 譚凱琪感謝張衛健提點無線藝人譚凱琪（Zoie）接受電臺訪問，她指劇集《大帥哥》播出後迴響大，出街有不少觀眾及小朋友叫她「天嬌」，連幕前幕後的同事也有收看，令她覺得窩心。而今次「天嬌」一角引發網民討論，更大讚Zoie演技進步，她對此表示非常開心。
Zoie日前因出席活動而未能出席《大帥哥》結局飯敘，她感謝張衛健（Dicky）拍攝時的教導，對她亦有不少啟發，覺得自己要更加倍努力，她說：「Dicky話藝人對社會有責任，要帶畀人歡樂，公眾人物要做好自己。佢仲話做藝人要有獨特性，聽完佢呢句說話，我諗咗好耐自己有乜獨特性，等我搵到再話畀大家聽。」
早前她錄製了一首日文歌，並剪輯成劇集片段MV放上網送給「大帥哥」，亦為「天嬌」寫下一個完美結局，她說：「我畀咗首歌Dicky聽，佢就提議不如加埋佢唱嘅『月光光』喺最尾嗰度，佢用咗20分鐘、錄咗6個版本畀我，最後我揀咗一個悲情嘅版本，好多朋友睇完個MV都話感動到流眼淚。」而被問到是否有興趣再闖樂壇時，Zoie就笑言要看時機。
陳敏之開生日P閃爆全場「長腿女神」陳敏之於本月17日生日，40歲的她依然保養得宜索到爆！踏入人生另一階段，昨日有圈外友人為她搞了生日會，跟一班好友陳山聰、袁偉豪、胡杏兒、伍詠薇、嚴淑明及梁競徽（前名：梁烈唯）等預祝。敏之設定女友人Dress Code是Bling Bling閃令令衫，男友人則要扮特務007，穿黑西裝手執玩具槍，陳山聰、袁偉豪、梁競徽及敏之老公都西裝骨骨扮型爆特務，甚至胡杏兒及伍詠薇都型埋一份，敏之說：「我自己嘅服裝都系Bling Bling，頭都閃埋，至於有啲女仔著黑西裝，因為佢哋搵唔到BlingBling衫，索性反串做男仔！今次好開心，好多好朋友有嚟，我生日願望系身體健康，同埋做多啲喜歡嘅嘢，接到有突破嘅角色。」踏入40歲，敏之直言是很值得紀念的日子：「女人40系好特別嘅時刻，仍然要好有自信，愈來愈靚！」阿Sa等到頸都長！阿嬌上載婚宴合照耍冧藝人鍾欣潼（阿嬌）上年12月同老公賴弘國喺香港擺酒行禮，估唔到過咗一排，原來仲有啲婚禮合照系未曝光㗎！阿嬌呢日就上載一張同好姊妹蔡卓妍（阿Sa）嘅合照，並留言：「終於收到同sasa唯一嘅合照喇@choisaaaa 張相仲要系我助手突然之間先記得send返（番）俾（畀）我 #等到天荒地老 #其他相都仲未收到 #點解可以咁慢 #對不起各位鄉親父老」呢個速度的確係有啲驚人嘅…不過遲到總好過冇到！之後佢再甫多張阿Sa獻吻嘅相出嚟，望見都覺得Sweet到爆，而阿嬌條傲人事業線亦相當搶「Fo」～
阿Sa都有喺個人社交網曬出呢兩張相，仲話自己等呢兩張婚禮合照等到頸都長！網民見到之後紛紛大讚佢兩個姊妹情深，仲有人搞笑留言指阿Sa先系阿嬌嘅「正牌老公」添！
蕭正楠孖翠如做生意 外父豪擲510萬打本藝人蕭正楠和太太黃翠如婚後仍然投入幕前工作，不過有指翠如爸爸欲助女兒踏足商界，去年年中，黃父豪擲510萬，以翠如全資擁有的公司名義，購入上環偉利大廈一個商業單位，一心打本給女兒及女婿做生意，而該公司正進行裝修中，有指蕭正楠夫婦數月內將有新公布。
另外，原名為蕭錦麟的蕭正楠當初改名轉運入娛圈，他生於小康之家，亡父在懲教署工作，蕭正楠小時候和家人住懲教署宿舍，他自細就相當生性，中五時遇上蕭父患癌，身為長子的蕭正楠半工讀幫補家計，其後加入娛樂圈做歌手。當時蕭父因癌病提早退休，本於外地讀大學的胞妹要回港升學，蕭正楠要獨自擔起頭家，供比他年幼5歲的胞妹讀大學，而蕭父臨終時，蕭正楠因返內地工作，未能見爸爸最後一面。
歡迎分享至朋友圈