H7N9疫情下，活雞禁市——
如果可以在網上買生雞，你夠膽買嗎？
相信而家好多街坊都「談雞色變」，皆因近排H7N9疫情在廣東都比較流行，佛山都有3例了。於是, 佛山直到年廿八，所有活禽經營市場統一休市，街坊如果想食有「雞味」的雞，睇怕仲要再等等了！
不過琴晚隔離屋七嬸，好興奮咁跑過嚟同我講，話有途徑買到靚生雞哦！哇，而家禁生雞，居然仲有得賣？！後來問清楚，原來線下雖然無曬生雞，線上依然生意興隆！微信、淘寶都有唔少農家走地雞熱賣！
睇下D廣告詞：「山上放養，雞齡200天以上，喝山泉水、吃五穀雜糧……」見到都流曬口水！八姑在淘寶網上搜索「活雞」，都發現有90幾頁結果，其中發貨自佛山嘅「活雞」都有唔少，價格在88~138元不等。
不過霖起而家H7N9咁犀利，八姑都懷疑哩D雞有無經過檢疫，有無安全隱患呢？八姑立即向相關部門了解咗下。原來，網售活禽系一個新興業態，在監管同埋取證上有一定難度，而休市期間，網售活禽肯定系唔允許嘅，如果出現問題，法律追究起身睇怕自己都有責任。
為咗保證自己嘅安全，奉勸各位為食的街坊，都系乖乖地遵守幾日休市規定啦！而且而家佛山推行的家禽「集中屠宰、冷鏈配送、生鮮上市」，生鮮雞的肉質鮮味都唔差嘅，八姑食咗琴晚先開鍋落咗只生鮮雞，味道依然一級棒啊！～
佛山有全世界獨一無二嘅肯某某：
一邊食炸雞，一邊學剪紙！
如果真系口痕想食雞的，可以去下呢間肯某某啵！
皆因呢間應該系全世界獨一無二的肯某某啦，分分鐘食炸雞都可以遇到大師！
首先系裝修上，就已經可以影足你幾G內存了：
白色嘅牆體上，灰色嘅鑊耳屋輪廓，黑色嘅雨棚，挑高嘅天花，鑲彩色的滿洲窗，配合住暖黃燈光，你唔話系美國老爺爺買炸雞的肯某某，我仲以為自己去了個新景點！
仲未夠特別啊！食炸雞的同時，可以體驗非物質文化遺產，你又試過未？
系呢間肯某某，會有佛山剪紙非遺傳人饒寶蓮老師現場教學，可以將剪紙裝入肯德基的新春桶同可樂杯啦，或者變成手機殼等等，特別有嶺南feel，特別有年味！～八姑琴晚都去咗體驗一翻，成功將肯爺爺的表情包變成剪紙體，真系好好玩啊！～
除此之外，肯某某仲首度攜手禪城區文化體育局，將禪城人過年的「那些事兒」製作成3D繪畫，布置在肯德基百花餐廳內，令街坊可以拍攝別具創意嘅合影，仲可以參加評獎，拿優惠卡添！
其實講真啊，肯某某啊、麥某某啊、星某某呢D連鎖店，全球各地都差唔多，但如果有一間植根本臺特色的分店，話唔定會成為遊客過來佛山玩的多一個理由啊！今年春節如果有街坊唔知有咩地方好去，不妨試下過來呢間位於百花廣場的特別版肯某某，嚟感受一下不一樣的年味啦！
「磚頭機」諾基亞回歸：
名字6，情懷 6，配置更 6！
呢條新聞都系講「雞」——不過系呢個「基」！
自從三星note 7多次爆出爆炸事件、以及蘋果安全漏洞事件後，唔少用戶都懷念緊以前嘅「磚頭機」。於是，闊別2年幾後，我哋所熟悉嘅嗰個可以砸核桃、擋子彈嘅諾基亞手機，以「6」為名，正式回歸了。
就系昨日，諾基亞宣布首款安卓智慧型手機Nokia 6在京東首發。作為第一款在國內復出嘅手機，諾基亞完全系因為 「6」 在中國好意頭「六六大順」，同時迎合新春佳節，先為新機起咗咁嘅名！
咁新款Nokia 6 有咩特別呢？——咪延續了諾基亞嘅傳統，夠硬淨囖！鋁合金機身經過多次打磨氧化等工序，官方稱在1米高度下跌落200次，只會有輕微嘅磨損，唔會影響手機使用。同時可以耐高溫！耐極冷！仲具有內置智能功放晶片同埋雙揚聲器系統、指紋識別等功能。
不過令八姑不解嘅系，Nokia 6 的配置系用了驍龍 430 處理器，姐系699 蚊紅米 4搭載嘅處理器，而且又無咗諾基亞經典的「大手拉小手」開機動畫同經典鈴聲，作為數碼控的人來講，估計好難就因為情懷，就洗多1千蚊買部咁的低配置手機了。
八姑仲八到，呢次的新款Nokia6手機，由諾基亞聯合芬蘭公司HMD推出，所以有業內人士質疑，它同諾基亞品牌一D關係都無。系分工方面，HMD主要負責產品設計、營銷和品牌管理，而諾基亞只負責提供為期10年的專利與品牌授權，也就是話，Nokia6更類似於諾基亞的貼牌機。難怪都有網友吐槽，呢次諾基亞推出新機型，帶有消費用戶情懷的嫌疑啦！
唔知咁多位街坊，你地又買唔買帳呢？
到香港打疫苗、到日本做體檢
醫療旅遊你點睇？
離春節已經只剩一個禮拜姐，好多街坊已經等唔切了吧？最近幾年，春節假期出門旅遊已經越來越平常，而在出境旅遊裡面，有一種旅遊路線似乎越來越hit啵！就系醫療旅遊啦！買買買的同時，仲可以打個疫苗做個bodycheck，一次過完成幾個願望。
例如香港最近宣傳得好犀利嘅「宮頸癌9宮疫苗」咁，八姑身邊唔少朋友就系專門過去香港打呢D針，再順便行街食嘢。仲有日本出名嘅「初期癌症腫瘤精準篩選」之類，都系唔少街坊去日本旅遊時，會順帶做埋的一個醫療項目。
當然，傳統的赴韓國做整形手術、到歐洲氧療養生、去美國檢測基因、到瑞士打羊胎素等，已成為海外醫療嘅「規定動作」了。咁系咪真系咁堅？毫無風險呢？
八姑都同一個業內人士了解過。出境醫療旅遊，最擔心嘅系發生醫療事故。目前提供醫療旅遊服務嘅，以旅行機構同埋醫療中介機構為主，但我國並無出臺相關法律法規，來明確規定醫療旅遊企業嘅資質，鬆散嘅管理，極易導致一部分「黑中介」滋生。一旦發生醫療糾紛，處理起來相當麻煩。
其次，海外醫療都唔系咁神奇。從醫療水平上嚟睇，有D技術國外的確更新，但差距並無大家想像那麼大。甚至有D方面國內仲強過國外。再加上國外醫療住宿路費都鬼咁貴，又無保障，仲不如放鬆D，單純享受旅遊好過啦！如果真系要折騰呢個醫療旅遊項目，建議一定要做好事前諮詢，保障好自己權益啊！