·
來源 ：生果
採編 ：魚お兄さん
二次編輯 ：魚いもうと
校對：魚お父さん
有「肥谷」之稱的谷德昭，體重曾達200磅，自2015年起暴瘦50磅，至今身形仍然消瘦，他曾解釋自己跟從營養師指示減磅。激瘦的谷德昭與盧覓雪有12年沒一齊開咪，今日谷德昭代班，頂替放假的阮子健，孖林海峰和盧覓雪主持叱吒《在晴朗的一天出發》，今日《晴朗》facebook亦有貼出谷德昭的照片，見他身形跟林海峰差不多，因疫情影響，谷德昭近月避疫減少外出，盧覓雪也直言看不慣「肥谷」又瘦又白。谷德昭先讚盧覓雪把聲好甜：「這一年咁多調味料，佢都可以開咪咁甜。」谷德昭講講嚇卻忽然提起鄒凱光：「有！做咗一段時間，我做嗰陣，佢（盧覓雪）老友鄒凱光都未做，係囉！我之後先到佢(鄒凱光)做。」三人即開懷大笑。據傳當年盧覓雪與鄒凱光「火星撞地球」吵大鑊，有指鄒凱光做節目經常打斷她講話，盛傳盧覓雪頂住條氣，有次在節目「啞」成10分鐘， 之後劈炮離開商臺。節目講到警方要界定「傳媒朋友」，谷德昭又笑住講：「遲啲喺現場，我諗啲記者好多呢啲對白，又係你（盧覓雪）老友鄒凱光，以前啲電影對白『你喇沙，我喇沙』，『你記者，我記者』。」谷德昭指最近煲《半澤直樹》睇得好開心，覺得劇中演員個個都似「七個萬梓良」上身，靠到好近先講對白，「疫情時期應該唔拍得，半澤直樹個主角就好似李克勤衝埋去郭晉安身邊，加少少BabyJohn（演技），時裝劇用古裝嘅演法，如果拍要搵萬子、阿燦先演到，要好有戲，用本色演技，成套劇個個都演到咁就有另一種吸引力，有啲人會當笑片睇」。講到聽眾想谷德昭回來做主持，盧覓雪搞笑說：「咁叫阮子健開學之後，唔好返嚟就得，搞掂咗！」林海峰接著說：「咁又唔好，等今日完咗，睇嚇啲觀眾感覺點先，係唔係?哈哈！肥谷又未必願意再上嚟。」盧覓雪指當年做節目見到肥谷就好開心。提起立法會議員馬逢國昨日在記者會發言時流馬尿，身為導演的谷德昭，笑指睇電視這個Take又ok，似八両金級數的喊戲演員，「佢淒唔淒涼我唔知，不過業界係好慘，因為佢哋係自僱人士，短期合約冇強積金戶口，港產片又走下坡」。谷德昭本來打算趁農曆新年回港，卻遇正疫情高峰期。他說：「舊年好多時間喺溫哥華，尤其過年，我返香港就疫情嚟，我初二返香港過年，點知一年見一次嗰啲朋友都唔出嚟，我都唔知喺香港做咩，咁就又走，直至差唔多封關，當時喺北海道啲機票好似鬥延期咁，大家睇嚟差唔多要返港，就一直坐喺度到而家，我係鍾意溫哥華，細個喺嗰邊讀書，咁來回都要隔離，最驚過到去疫情有變，到時一個人喺嗰邊就好戇居。」林海峰提起近日港人討論「去留」，問谷德昭有否想留在溫哥華不回港，谷德昭坦言：「呢啲嘢又冇諗，呢幾個月真係冇咩特別，除咗我歡送咗幾位朋友之外，走咗（離港）嗰啲朋友，有啲就係回流，有啲就新移民到當地，今晚都有一pair朋友要走，前幾日有食飯，我仲諗佢哋去加拿大之前，同佢哋食咩好，嗰邊越南菜同韓國菜都多，最終食乳豬，嗰邊比較少有，而家喺香港都好少識新朋友，冇咗呢啲識咗好多年嘅朋友、做咗多年嘅工作夥伴，感覺安全感低咗好多，好似楚留香嗰啲『雁蝶為雙翼』，兩個朋友都冇咗，儘管啲朋友唔係成日見，冇咗佢哋，就覺得香港好似唔一樣，真係冇安全感，講講嚇都眼濕濕。」林海峰認為做節目講起生活難免會牽涉到這些話題，盧覓雪亦接道：「香港已經再唔一樣喇！呢啲好自然，啲人成日話唔好講政治，得鬼閒同你哋講政治，我哋講緊自己嘅日常生活，我哋日常生活都會受其他嘢影響，呢啲係避免唔到，總不能只係談笑風生。」谷德昭笑指這一年如何談笑風生，大家都苦中作樂，當年周星馳「無釐頭」文化，就是社會出現怪事，「就用嚟化咗佢，而家呢個精神仲緊要過嗰時，任何時間都要諗嚇點樣苦中作樂」。盧覓雪亦認同在艱難時期，應該心裡有幽默感，把事情一笑置之，「唔識過咗去，個人就只有沉淪，似深淵無底洞，有幽默感至少都可以浮喺面」，林海峰覺得現時這個環境，笑就好似逃避，谷德昭無奈講：「咁都要捱落去。」不少網民都大讚今集《晴朗》很好聽。
·
搬運型公眾號
嬉笑怒罵與時並咀
在晴朗的一天霸王硬口水
·
返工上恩比 | 落班返屋企
·
關注分享
FOLLOW US & SHARE ON MOMENTS
#早霸王 #在晴朗的一天出發
#口水多過浪花 #聖艾粒奶油夜校
#財經 #科技 #娛樂
#粵語廣播劇